《台語荒漠甘泉（漢羅版）》

 | | | 轉寄

無靠目睭看ê信心

作者 陳清俊 譯 林俊育 漢羅翻寫 2009.08.23

listen
八月二三(八月二十三日)

「Tùi 信(sìn)，亞伯拉罕(Apekla̍hhán) 受(siū) 召(tiàu) ê 時(sî)，就(chiū) 順(sūn) 命令(bēnglēng) 出去(chhutkhì)， …伊(i) 出去(chhutkhì)，m̄ 知(chai) beh 去(khì) tá 落(lo̍h)。」 (希伯來11：8)

這(che) 是(sī) 無(bô) 用(ēng) 目睭(ba̍kchiu) 看(khoàⁿ) ê 信心(sìnsim)。目睭(ba̍kchiu) 所(só͘) 看(khoàⁿ) ê m̄ 是(sī) 信心(sìnsim) 是(sī) 推理(thuilí)。我(goá) 有(ū) 一(chi̍t) pái 坐船(chē chûn) 橫過(hoâiⁿkè) 大西洋(Tāiseiûⁿ)，觀察(koanchhat) tio̍h 信心(sìnsim) ê 原則(goânchek)。我(goá) 無(bô) 看(khoàⁿ) tio̍h 海面(háibīn) 有(ū) 畫(oē) 出(chhut) 甚麼(símmi̍h) 路徑(lō͘kèng)，也(iā) 無(bô) 看(khoàⁿ) tio̍h 岸(hoāⁿ) á 是(sī) 陸地(lio̍ktē)，總是(chóngsī) 每日(muíji̍t) tī 海圖室(háitô͘sek) 標(piau) 出(chhut) 船(chûn) ê 進行(chìnhêng) 所在(só͘chāi)，ná 親像(chinchhiūⁿ) 海面(háibīn) 畫(oē) 一條(chi̍ttiâu) 白線(pe̍hsoàⁿ)， 船(chûn) 照(chiàu) ánni 駛(sái)。到(kàu) 大西洋(Tāiseiûⁿ) ê hitpêng 岸(hoāⁿ)，阮(goán) 也(iā) 知(chai) hitê 是(sī) 甚麼(símmi̍h) 所在(só͘chāi)。一(chi̍t) 點(tiám) á chengchha mā 無(bô)，ná 親像(chinchhiūⁿ) tī 三(saⁿ) 千(chheng) 里(lí) 外(goā) ê 所在(só͘chāi) 就(chiū) 看(khoàⁿ) tio̍h 對(tuì) pêng 岸(hoāⁿ) 一樣(chi̍tiūⁿ)。

行船(kiâⁿchûn) 怎樣(cháiⁿiūⁿ) 能(oē) chiahnih 正確(chèngkhak) 計畫(kèoē) 出來(chhutlâi) neh？因為(inuī) 船長(chûntiúⁿ) 每日(muíji̍t) theh 儀器(gîkhì) 觀察(koanchhat) 天象(thiansiōng)，tùi 日頭(ji̍tthâu) ê 位置(uītì) 來(lâi) 決定(koattēng) 行(kiâⁿ) ê 路線(lō͘soàⁿ)，伊(i) 行船(kiâⁿchûn) 是(sī) 用(ēng) 天頂(thiⁿténg) ê 光(kng)，m̄ 是(sī) 用(ēng) 地面(tē bīn) ê 光(kng) 來(lâi) chhōa 路(lō͘)。

真正(chinchiàⁿ) ê 信心(sìnsim) 也(iā) 向(hiòng) 頂面(téngbīn) 觀看(koankhoàⁿ) 來(lâi) 行做(kiâⁿchoè)，是(sī) 用(ēng) 上帝(siōngtè) ê 大(toā) 太陽(thàiiông) 光(kng)，伊(i) 無(bô) 看(khoàⁿ) 海岸線(háihoāⁿsoàⁿ)，無(bô) 看(khoàⁿ)地面(tē bīn) ê 燈塔(tengthah)，á 是(sī) 沿路(iânlō͘) ê 小(sió) 路(lō͘)、小島(siótó)。信心(sìnsim) ê 腳步(khapō͘) 往往(óngóng) chhōa ǹg 全然(choânjiân) 無(bô) 把握(páak) 甚至(sīmchì) 烏暗(o͘àm) kap 災難(chailān) 中(tiong)。總是(chóngsī) 上帝(siōngtè) 會(oē) 開路(khuilō͘)，常常(siôngsiông) hō͘ 半暝(poàⁿmî) siōng 烏暗(o͘àm) ê 時(sî) chūn 變做(pìⁿchoè) 黎明(lêbêng) hiahnih 光亮(kngliāng)。

Hō͘ 咱(lán) 今日(kimji̍t) 就(chiū) 起帆(khíphâng)、駛船(sáichûn)，雖然(suijiân) m̄ 知(chai)，也(iā) 看(khoàⁿ) 無(bô) 前途(chiântô͘)，但是(tānsī) thang 完全(oânchoân) 來(lâi) 信靠(sìnkhò)。 ──tùi「Tī地ná tī天」

真(chin) chōe 人(lâng) tī 開始(khaisí) 以前(íchêng)，就(chiū) beh ài 看(khoàⁿ) tio̍h 伊(i) 發展(hoattián) ê 全部(choânpō͘)。想(siūⁿ) 看(khoàⁿ) māi，咱(lán) 若(nā) 能(oē) 看(khoàⁿ) tio̍h tùi 頭(thâu) 到(kàu) 尾(bé) ê 全部(choânpō͘) 路程(lō͘thêng)，咱(lán) ánchóaⁿ 能(oē) 發揮(hoathui) 基督徒(kitoktô͘) ê 恩賜(unsù) neh？信心(sìnsim)、希望(hibōng)、疼痛(thiàⁿthàng) bōe 親像(chinchhiūⁿ) 蘋果(pêngkó) 到(kàu) 熟(se̍k) 自然(chūjiân) tùi 樹頂(chhiūténg) la̍k 落來(lo̍hlâi) 一樣(chi̍tiūⁿ)。 Ài 記得(kìtit)，聖經(sèngkeng) ê 頭(thâu) 一節(chi̍tchat)，「源起頭(goânkhíthô͘)」所(só͘) 接(chiap) 落(lo̍h) 去(khì) ê 字(jī) 是(sī)「上帝(siōngtè)」。這(che) 是(sī) 咱(lán) 用(ēng) 信心(sìnsim) 來(lâi) chūn 鎖匙(sósî) 開動(khaitōng) 主(chú) ê 發電廠(hoattiānchhiúⁿ) ê 門(mn̂g) ê 頭(thâu) 一步(chi̍tpō͘)。無(bô) m̄ tio̍h，上帝(siōngtè) 幫贊(pangchān) 自己(chūkí) 努力(ló͘le̍k)，自己(chūkí) 幫贊(pangchān) ê 人(lâng)，總是(chóngsī) 上帝(siōngtè) 也(iā) 幫贊(pangchān) hiahê 無助(bûchō͘) 軟(nńg) chiáⁿ ê 人(lâng)。所以(só͘í) 無論(bôlūn) 環境(khoânkéng) 如何(jûhô)，每(muí) pái lóng thang óa 靠(khò) 伊(i)。

等待(tánthāi) 上帝(siōngtè) chhōa 咱(lán) 行(kiâⁿ) 到(kàu) 旅途(lútô͘) ê 終點(chiongtiám) 比(pí) 咱(lán) 用(ēng) 腳(kha) 家己(kakī) 行(kiâⁿ) 加(ke) 緊(kín) 真(chin) chōe。 伊(i) 已經(íkeng) 出令(chhutlēng) ài 咱(lán) 行動(hêngtōng)，咱(lán) iáu teh 躊躇(tiûtû) 甚麼(símmi̍h)？M̄ thang hō͘ 機會(kihoē) 一(chi̍t) pái koh 一(chi̍t) pái 失去(sitkhì) ah。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com