《台語荒漠甘泉（漢羅版）》

 | | | 轉寄

信心需要考驗

作者 陳清俊 譯 林俊育 漢羅翻寫 2009.08.30

listen
八月三十(八月三十日)

「坐船(chē chûn) 過海(kèhái)，tī 大水中(toāchuítiong) 經營(kengêng) 事業(sūgia̍p) ê，in 看見(khoàⁿkìⁿ) 耶和華(Iâhôhoa) ê 所(só͘) 做(choè)，kap 伊(i) tī 深淵(chhimian) 所(só͘) 行(kiâⁿ) ê 奇事(kîsū)。」 (詩篇107：2324)

一個(chi̍tê) 人(lâng) 若(nā) bōe 曉(hiáu) 利用(līiōng) ta̍k 方向(honghiòng) ê 風(hong) 來(lâi) 駛(sái) ǹg 天堂(thiantông) 方向(honghiòng) ê，伊(i) m̄ 是(sī) 駛船(sáichûn) 師傅(saihū)，只是(chísī) 一個(chi̍tê) 徒弟(tô͘tē)。事實(sūsi̍t) 平靜(pêngchēng) 無(bô) 風(hong) ê 海面(háibīn)，對(tuì) 咱(lán) 一點(chi̍ttiám) á 路用(lō͘iōng) to 無(bô)。 風(hong)，無論(bôlūn) 是(sī) tùi 東(tang)，tùi 西(sai)，tùi 南(lâm)，tùi 北(pak) 吹來(chhelâi)，lóng thang 幫贊(pangchān) 咱(lán) 駛(sái) 向(hiòng) 受(siū) 祝福(chiokhok) ê 港口(kángkháu)。所以(só͘í) 咱(lán) 所(só͘) chhē 求(kiû) ê，是(sī) tī 海(hái) 中(tiong) m̄ 驚(kiaⁿ) 暴風雨(po̍khongú)。願(goān) 咱(lán) 能(oē) 親像(chinchhiūⁿ) 一個(chi̍tê) 英國(Engkok) 老大人(lāutoālâng) ánni 祈禱(kîtó) 講(kóng)：「主(chú) ah，將(chiong) 阮(goán) 派(phài) tī 海(hái) 深(chhim) ê 所在(só͘chāi)，因為(inuī) 現在(hiānchāi) 阮(goán) 離(lī) 岸(hoāⁿ) siuⁿ 近(kūn)，魔鬼(mô͘kuí) 用(ēng) 一(chi̍t) 絲絲(sisi) ê 風(hong) 來(lâi) 吹(chhe)，就(chiū) 會(oē) hō͘ 阮(goán) ê 船(chûn) tio̍hta̍k，koh 可能(khólêng) 破裂(phoàli̍h)。主(chú) ah，阮(goán) koh 一(chi̍t) pái 請求(chhéngkiû) 將(chiong) 阮(goán) 派(phài) 到(kàu) 海(hái) 深(chhim) ê 所在(só͘chāi)，hia 有(ū) 寬闊(khoankhoah) ê 空間(khongkan)，thang 得(tit) 榮光(êngkng) ê 得勝(teksèng)。──Mark Guy Pearse

Ài 記得(kìtit)，咱(lán) ê 信心(sìnsim) ài 受(siū) 考驗(khógiām) chiah 會(oē) 達到(ta̍tkàu) 最(choè) 高點(kotiám)。肉體(jio̍kthé) ê 自信(chūsìn) 是(sī) 擋(tòng) bōe 過(kè) 考驗(khógiām)，平平(pêngpêng) 順順(sūnsūn) ê 信心(sìnsim) m̄ 是(sī) 真正(chinchiàⁿ) ê 信心(sìnsim)。──Charles H. Spurgeon

附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com