《台語荒漠甘泉（漢羅版）》

 | | | 轉寄

永遠存在tī身邊

作者 陳清俊 譯 林俊育 漢羅翻寫 2009.09.06

listen 九月初六(九月六日)

「獨獨(to̍kto̍k) 你(lí) 久長(kútn̂g) tīteh。」 (希伯來1：11)

世上(sèchiūⁿ) 真(chin) chōe 人(lâng) 孤單(ko͘toaⁿ) 坐(chē) tī 火爐(hélô͘) 邊(piⁿ)，邊(piⁿ) á 有(ū) 一塊(chi̍ttè) 椅(í) á，以前(íchêng) 有(ū) 人(lâng) 坐(chē) 過(kè)，taⁿ 空空(khangkhang)，bōe 禁得(kìmtit) 流(lâu) 出(chhut) 目屎(ba̍ksái)。In 常常(siôngsiông) 孤單(ko͘toaⁿ) 坐(chē)，總是(chóngsī) in 無(bô) 想(siūⁿ) tio̍h 一個(chi̍tê) 看(khoàⁿ) bōe tio̍h ê 人(lâng)，就(chiū) tī 身邊(sinpiⁿ)。M̄ 知(chai) 甚麼(símmi̍h) 原因(goânin)，in 卻(khiok) 無(bô) 感覺(kámkak) tio̍h 伊(i) ê 同在(tôngchāi)，能(oē) 感覺(kámkak) tio̍h ê 人(lâng) 有(ū) 福氣(hokkhì)。總是(chóngsī) 真(chin) 少數(chiósò͘)，因為(inuī) 是(sī) 決定(koattēng) tī in ê 心情(simchêng)、感情(kámchêng)、身體(sinthé) 情形(chênghêng)，kap 天氣(thiⁿkhì)。外面(goābīn) ê 雨(hō͘)、厚霧(kāubū)、無(bô) 眠(bîn)、痛疼(thiàⁿthàng)，lóng 影響(énghióng) in ê 心情(simchêng)，hō͘ in ê 視覺(sīkak) 濛霧(bôngbū)，soah 感覺(kámkak) bōe tio̍h 伊(i) ê 同在(tôngchāi)。

總是(chóngsī) iáu 有(ū) 一項(chi̍thāng) 比(pí) 感覺(kámkak) khah 好(hó)、khah 有(ū) 福氣(hokkhì) ê 物(mi̍h)，kap 各種(kokchióng) ê 環境(khoânkéng) 無(bô) 關係(koanhē)，卻(khiok) 常常(siôngsiông) kap 你(lí) 同在(tôngchāi)。就(chiū) 是(sī) 承認(sêngjīn) hitê 看(khoàⁿ) bōe tio̍h ê 同在(tôngchāi)，伊(i) 是(sī) hiahnih 奇妙(kîbiāu)、平靜(pêngchēng)、安慰(anuì)、鎮定(tìntēng) koh 溫暖(unloán)。承認(sêngjīn) 主(chú) ê 同在(tôngchāi)，伊(i) 就(chiū) tī 你(lí) chia，tī 你(lí) 身邊(sinpiⁿ)。伊(i) ê 同在(tôngchāi) 是(sī) 真實(chinsi̍t)，當(tng) 你(lí)承認(sêngjīn) 這(che)，能(oē) 增加(chengka) 你(lí) 去(khì) 感覺(kámkak) ê 能力(lêngle̍k)，但是(tānsī) 絕對(choa̍ttuì) m̄ 是(sī) 靠(khò) 感覺(kámkak)。

是(sī)， m̄ nā 是(sī) chitê 真理(chinlí) ê 存在(chûnchāi)，m̄ 是(sī) 物件(mi̍hkiāⁿ)、事實(sūsi̍t)，á 是(sī) 陳說(tînsoat)，iáu 有(ū) 一個(chi̍tê) 主(chú) tī chia。伊(i) 是(sī) 熱心(jia̍tsim) ê 朋友(pêngiú)，全能(choânlêng) ê 上帝(siōngtè)。Hō͘ 哀哭(aikhàu) ê 人(lâng) 有(ū) 喜樂(hílo̍k) ê 真理(chinlí)，無管(bôkoán) 伊(i) 為甚麼(uīsímmi̍h) 來(lâi) 哭(khàu)，也(iā) 無管(bôkoán) in ê 柳樹(liúchhiū) 知(chai) tī 甚麼(símmi̍h) 河邊(hôpiⁿ)(詩篇137：12)。──Samuel Dickey Cordon

我(goá) 早前(cháchêng) ê 歡樂(hoanlo̍k) 失去(sitkhì)，
Khah 早(chá)所有(só͘ū)ê財寶(châipó)也(iā)無(bô)去(khì)，
Hō͘ 我(goá) iau 餓(gō) ê 心(sim) 會(oē) 得(tit) 飽(pá) ê 實現(si̍thiān)，
是(sī)，主(chú) ah，你(lí) 是(sī) tī chia，lóng 無(bô) 變(piàn)。

溪水(khoechuí) 會(oē) 乾(ta)，koh 會(oē) tīⁿ，
Hiahnih 幸福(hēnghok)、豐富(honghù)、自由(chūiû) ê 友誼(iúgî)，
空中(khongtiong) 有(ū) 日(ji̍t) 照(chiàu) 也(iā) 有(ū) 雲(hûn) 遮蔽(jiapì)，
主(chú) ah，你(lí) 是(sī) tī chia，我(goá) ê 心(sim) 有(ū) 你(lí)。

體力(théla̍t) 衰退(soethè)，腳酸(khasng) 手軟(chhiúnńg)，
Bōethang koh 為(uī) 歡樂(hoanlo̍k) 奔跑(phunpháu) phah 算(sǹg)，
為何(uīhô) 吐氣(thó͘khuì)，kui 日(ji̍t) 憂愁(iuchhiû) 賣斷(boē tn̄g)，
主(chú) ah，你(lí) 是(sī) tī chia，iáu 有(ū) 啥(siáⁿ) khah 久長(kútn̂g)？

一生(itseng) ê 日子(ji̍tchí)、朋友(pêngiú)、友誼(iúgî)、喜樂(hílo̍k)，
Tùi 我(goá) chōe 少(chió) lóng 充足(chhiongchiok)，
悲慘(pichhám) bōetàng 傷(siong) 我(goá)，我(goá) iáu beh 吟詩(gîmsi)，
主(chú) ah，你(lí) 是(sī) tī chia，我(goá) ê 心(sim) 有(ū) 你(lí)。──J. Danson Smith


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com