《台語荒漠甘泉（漢羅版）》

 | | | 轉寄

好ê結尾

作者 陳清俊 譯 林俊育 漢羅翻寫 2009.10.04

listen
十月初四(十月四日)

「Ánni 耶和華(Iâhôhoa) 賜福(sùhok) 約伯(Iokpek) ê 尾景(békéng) 贏過(iâⁿkè) 伊(i) ê 起頭(khíthâu)。」 (約伯記42：12)

約伯(Iokpek) 對(tuì) 伊(i) 受(siū) 苦難(khó͘lān) 得(tit) tio̍h 福份(hokhūn)，伊(i) 受(siū) 考驗(khógiām) 來(lâi) 證明(chèngbêng) 伊(i) 做(choè) 人(lâng) 完全(oânchoân)。Siâng 款(khoán)，我(goá) 受(siū) ê 困難(khùnlân) 是(sī) beh 堅強(kiankiông) 我(goá) ê 品格(phínkeh)，hō͘ 我(goá) 得(tit) tio̍h 前(chêng) 所(só͘) 無(bô) ê 恩賜(unsù)、才能(châilêng)。因為(inuī) siōng 熟(se̍k) ê 果子(kéchí) 是(sī) 生(siⁿ) tī siōng 粗(chho͘) piakpiak ê 牆圍(chhiûⁿuî) 頂(téng)，必須(pitsu) ài 經歷(kengle̍k) 過(kè) 謙卑(khiampi)、流目屎(lâuba̍ksái)、死亡(síbông)， chiah 會(oē) 得(tit) tio̍h 榮耀(êngiāu)。親像(chinchhiūⁿ) 約伯(Iokpek) ê 苦難(khó͘lān) hō͘ 伊(i) tùi 上帝(siōngtè) 進(chìn) 一步(chi̍tpō͘) ê 認識(jīmbat)，hō͘ 家己(kakī) kohkhah 謙卑(khiampi)。最後(choèāu) 伊(i) chiah 會(oē) ánni 大聲(toāsiaⁿ) 講(kóng)：「Taⁿ 我(goá) ê 目睭(ba̍kchiu) 看見(khoàⁿkìⁿ) 你(lí)。」 (約伯記42：5)

假使(kású) 通過(thongkè) 痛苦(thòngkhó͘)、損失(súnsit)，我(goá) thang 到(kàu) 莊嚴(chonggiâm) 上帝(siōngtè) ê 面前(bīnchêng)，仆拜(phakpài) tī 伊(i) ê 面前(bīnchêng) 祈禱(kîtó) 講(kóng)：「願(goān) 你(lí) ê 旨意(chíì) 得(tit) 成(chiâⁿ)。」 (馬太6：10) Ánni 我(goá) 所(só͘) 得(tit) tio̍h ê 是(sī) 何等(hôténg) ê 大(toā) ah。上帝(siōngtè) hō͘ 約伯(Iokpek) 看(khoàⁿ) tio̍h 伊(i) 未來(bīlâi) ê 榮華(ênghoâ)，因為(inuī) tī hiahê 苦難(khó͘lān) 困苦(khùnkhó͘) ê 日子(ji̍tchí)，上帝(siōngtè) hō͘ 伊(i) 認識(jīmbat) tio̍h 上帝(siōngtè) ê 奧祕(òpì)，chiah 會(oē) 誠懇(sêngkhún) 講(kóng)：「因為(inuī) 我(goá) 知(chai) 救贖(kiùsio̍k) 我(goá) ê 是(sī) 活(oa̍h) ê。」 (約伯記19：25)所以(só͘í)「耶和華(Iâhôhoa) 賜福(sùhok) 約伯(Iokpek) ê 尾景(békéng) 贏過(iâⁿkè) 伊(i) ê 起頭(khíthâu)。」──tùi「默想(be̍ksióng)」 困難(khùnlân) bōe 來(lâi) 見(kìⁿ) 人(lâng)，除非(tûhui) 伊(i) ê 手(chhiú) 中(tiong) 帶(toà) 一條(chi̍ttiâu) 金條(kimtiâu)。

表面(piáubīn) ê 逆境(ge̍kkéng) tùi 正直(chèngti̍t) ê 人(lâng) 是(sī) 有利(iúlī) ê，只要(chíiàu) 願意(goānì) 繼續(kèsio̍k) 服事(ho̍ksāi)，耐心(nāisim) 等待(tánthāi)。回想(hoêsióng) 過去(kèkhì) 有(ū) 成就(sêngchiū) ê 人(lâng)，in lóng 有(ū) 堅定(kiantēng) ê 信心(sìnsim)，好膽(hótáⁿ) 向前(hiòngchêng) 無(bô) 驚(kiaⁿ) 困難(khùnlân)！咱(lán) 若(nā) 無(bô) 願意(goānì) 接受(chiapsiū) koh 忍受(jímsiū) 困難(khùnlân)，真(chin) chōe 福份(hokhūn) 得(tit) bōe tio̍h。有(ū) ê 喜樂(hílo̍k) 是(sī) 通過(thongkè) 憂傷(iusiong) chiah 有(ū) ê，有時(ūsî) 上帝(siōngtè) 真理(chinlí) ê 啟示(khésī) 是(sī) tī 地上(tē chiūⁿ) ê 光(kng) 失去(sitkhì) 後(āu) chiah 產生(sánseng)。收成(siusêng) 是(sī) tī 有(ū) 耕作(kengchok) 種作(chèngchoh) ê 後面(āubīn)。

有史(iúsú) 以來(ílâi)，siōng 堅強(kiankiông) ê 人(lâng) 是(sī) tùi 苦難(khó͘lān) 來(lâi) 產生(sánseng)，siōng 偉大(uítāi) ê 人物(jînbu̍t) 身上(sinchiūⁿ) lóng 帶(toà) 苦痛(khó͘thàng) ê 傷跡(siongjiah)。千年(chhengnî) 百世(pahsè) 以來(ílâi) ê 殉道者(sûntōchiá)，穿(chhēng) 榮光(êngkng) ê 袍(phàu)，頂面(téngbīn) 有(ū) 金(kim) sihsih ê 光環(kngkhoân)，是(sī) 通過(thongkè) in ê 目屎(ba̍ksái) kap 受傷(siūsiong) 中(tiong) 看(khoàⁿ) tio̍h 天國(thiankok) ê 大門(toāmn̂g)。──Chapin

Tùi 所(só͘) phoa̍h ê 金鍊(kimliān)，知(chai) 你(lí) 疼(thiàⁿ) ê 精練(chengliān)，
Tùi 疼(thiàⁿ) 心(sim) ê 表現(piáuhiān)，知(chai) 你(lí) 經過(kengkoè) 火(hé) ê 試煉(chhìliān)，
真實(chinsi̍t) 心(sim) ah，繼續(kèsio̍k) 進展(chìntián)，光(kng) sihsih 勇(ióng) ê 金鍊(kimliān)，
有(ū) 靜化(chēnghoà) 火(hé) ê 恩典(untián)，kap 苦難(khó͘lān) 爐(lô͘) ê 鍛鍊(toànliān)。──Adelaide Proctor


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com