《台語荒漠甘泉（漢羅版）》

 | | | 轉寄

親近主

作者 陳清俊 譯 林俊育 漢羅翻寫 2009.11.08

listen
十一月初八(十一月八日)
「耶穌(Iâso͘) 帶(toà) 彼得(Pítet)、約翰(Iokhān)、雅各(Ngákok) 相(saⁿ) kap 上山(chiūⁿsoaⁿ) 祈禱(kîtó)。祈禱(kîtó) ê 時(sî)，伊(i) ê 面貌(bīnmāu) 有(ū) 各樣(kohiūⁿ)，伊(i) ê 衫(saⁿ) 白(pe̍h)，koh 光(kng) nànà。...彼得(Pítet) kap 同(tâng) tīteh ê 人(lâng)...看見(khoàⁿkìⁿ) 耶穌(Iâso͘) ê 榮光(êngkng)。」(路加9：2829，32)

「我(goá) taⁿ 若(nā) tī 你(lí) ê 面前(bīnchêng) 得(tit) tio̍h 恩典(untián)，求(kiû) 你(lí) 將(chiong) 你(lí) ê 路(lō͘) 指示(chísī) 我(goá)。」(出埃及記33：13)

耶穌(Iâso͘) chhōa 三(saⁿ) 個(ê) 學生(ha̍kseng) 上山(chiūⁿsoaⁿ)，hō͘ in kap 伊(i) 有(ū) 親密(chinbi̍t) ê 交陪(kaupoê)，in 「看見(khoàⁿkìⁿ) 伊(i) ê 榮光(êngkng)，」koh 講(kóng)：「咱(lán) tī chia 真(chin) 好(hó)。」(路加9：3233) Tùi hiahê 跟(kun) tè 主(chú) tī 山頂(soaⁿténg) ê 人(lâng)，天堂(thiantông) 永遠(éngoán) 是(sī) bōe 真(chin) 遠(hn̄g)。

咱(lán) 中間(tiongkan) 有(ū) 甚麼(símmi̍h) 人(lâng) tī 默想(be̍ksióng)，祈禱(kîtó) ê 是(sī) 無(bô) 看(khoàⁿ) tio̍h 天國(thiankok) ê 門(mn̂g) ah？有(ū) 甚麼(símmi̍h) 人(lâng) kap 上帝(siōngtè) 單獨(tanto̍k) 溝通(kauthong) ê 時(sî)，無(bô) 感覺(kámkak) tio̍h 內心(lāisim) 大(toā) 激動(kektōng)，tam tio̍h 受(siū) 祝福(chiokhok) 喜樂(hílo̍k) ê 滋味(chubī) ah？

主(chú) kap 伊(i) ê 學生(ha̍kseng) 安靜(anchēng) ê 交談(kautâm) lóng 是(sī) tī 特別(te̍kpia̍t) ê 時間(sîkan) kap 地點(tē tiám)。有(ū) 一(chi̍t) pái tī Hekbûn 山(soaⁿ)，koh khah 常(siông) 是(sī) tī 橄欖山(Kaⁿnásoaⁿ)。每(muí) 一個(chi̍tê) 基督徒(kitoktô͘) lóng 應該(engkai) 有(ū) 伊(i) 家己(kakī) ê 橄欖山(Kaⁿnásoaⁿ)。今(kin) á 日(ji̍t)，大多數(toātosò͘) ê 人(lâng)，特別(te̍kpia̍t) tòa tī 都市(to͘chhī) ê 人(lâng)，生活(sengoa̍h) 緊張(kíntiuⁿ)，tùi 透早(thàuchá) 到(kàu) 暗(àm)，無(bô) 閒(êng) chhihchhih，真(chin) 少(chió) 有(ū) 機會(kihoē) thang 默想(be̍ksióng)、讀經(tha̍kkeng)、祈禱(kîtó)，心靈(simlêng) kap 主(chú) ê 溝通(kauthong)。

但以理(Tānílí) tòa tī 崇拜(chôngpài) 偶像(ngó͘siōng) ê 巴比倫(papílûn) ê 喧鬧(soannāu)中(tiong)，有(ū) 伊(i) 本身(púnsin) ê 橄欖山(Kaⁿnásoaⁿ) tī 伊(i) ê 房間(pângkeng)；彼得(Pítet) tī Iokphàⁿ 有(ū) 一個(chi̍tê) thang 祈禱(kîtó) ê 厝頂(chhùténg)；路德(Lō͘tek) 馬丁(Máteng)(Martin Luther) 有(ū) 一間(chi̍tkeng) 樓頂(lâuténg) tī Uitinbó (Wittenberg) thang 靈修(lêngsiu)、祈禱(kîtó)；到(kàu) 現在(hiānchāi)，hit 所在(só͘chāi) 受(siū) 認定(jīmtēng) 做(choè) 聖地(sèngtē)，teh hông 參觀(chhamkoan)。

十九(cha̍pkáu) 世紀(sèkí) 英國(Engkok) 公理會(Konglíhoē) 牧師(bo̍ksu) Joseph Parker bat 講(kóng)：「假使(kású) 咱(lán) 做(choè) 教會(kàuhoē)，無(bô) 靈性(lêngsèng) ê 異象(īⁿsiōng) 見(kìⁿ) tio̍h 天國(thiankok)，無(bô) 想(siūⁿ) khah 大(toā) ê 榮光(êngkng) kap 性命(sìⁿmiā)，咱(lán) 會(oē) 失去(sitkhì) 咱(lán) ê 信仰(sìngióng)，ánni 咱(lán) ê 聖壇(sèngtoâⁿ) 只是(chísī) chittè 冰冰(pengpeng) 冷冷(léngléng)，空空(khangkhang) ê 石頭(chio̍hthâu)，得(tit) bōe tio̍h 天(thiⁿ) 來(lâi) ê 祝福(chiokhok)。」現今(hiānkim) 世界(sèkài) 所(só͘) 需要(suiàu) ê 就(chiū) 是(sī) 有(ū) 看(khoàⁿ) 過(kè) 主(chú) ê 人(lâng)。──tùi《失去默想ê藝術》

親近(chhinkūn) 主(chú)！可能(khólêng) 伊(i) 今日(kimji̍t) 帶(toà) 你(lí) 到(kàu) 山頂(soaⁿténg)，就(chiū) 是(sī) 伊(i) 帶(toà) 容易(iôngīⁿ) 出錯(chhutchhò) ê 彼得(Pítet)，kap 雅各(Ngákok)、約翰(Iokhān)，就(chiū) 是(sī)「雷(luî) ê kiáⁿ」(馬可3：17)常常(siôngsiông) 誤解(gō͘kái) 主(chú) kap 伊(i) 使命(súbēng) 常常(siôngsiông) 去(khì) ê 所在(só͘chāi)。伊(i) 無(bô) 理由(líiû) m̄ 帶(toà) 你(lí) 去(khì)，所以(só͘í) m̄ thang 拒絕(kūchoa̍t) 家己(kakī) 講(kóng)：

「Hiahê 主(chú) ê 奇妙(kîbiāu) 異象(īⁿsiōng) kap 啟示(khésī) 是(sī) 為(uī) 別人(pa̍tlâng)，m̄ 是(sī) 為(uī) 我(goá)！」其實(kîsi̍t) chiahê lóng 是(sī) 為(uī) tio̍h 你(lí)！──John Thomas McNeill


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com