《台語荒漠甘泉（漢羅版）》

 | | | 轉寄

Oh擔當ê擔

作者 陳清俊 譯 林俊育 漢羅翻寫 2009.11.15

listen 十一月十五(十一月十五日)
「受(siū) teh 重(tāng) 真(chin) thiám 到(kàu) 當(tng) bōe 起(khí)。」(哥林多後書1：8)
「hō͘ 基督(kitok) ê 氣力(khuìla̍t) tòa tī 我(goá)。」(哥林多後書12：9)

上帝(siōngtè) hō͘ 雅各(Ngákok) tī Piānílī 面對(bīntuì) 性命(sìⁿmiā) ê 危機(guîki)，伊(i) 學(o̍h) tio̍h 完全(oânchoân) ê 順服(sūnho̍k)，謙卑(khiampi) 誠懇(sêngkhún) ǹg 上帝(siōngtè) 懇求(khúnkiû)。Hit 暝(mî)，伊(i) kap 上帝(siōngtè) 相(sio) ián，掠(lia̍h) tiâutiâu 上帝(siōngtè)，tī 真(chin) 危險(guîhiám) ê 時(sî)，hō͘ 伊(i) ê 信心(sìnsim) kap 對(tuì) 上帝(siōngtè) ê 認識(jīmbat) 大(toā) 大(toā) 進步(chìnpō͘)，hō͘ 伊(i) 有(ū) 力量(le̍kliōng) thang 過(kè) 重新(tiôngsin) 勝利(sènglī) ê 生活(sengoa̍h)。

主(Chú) ài 大衛(Tāipi̍t) 受(siū) 真(chin) chōe 年(nî) ê 苦楚(khó͘chhó͘) 訓練(hùnliān)，來(lâi) 學(o̍h) 會曉(oē hiáu) 認識(jīmbat) 上帝(siōngtè) ê 全能(choânlêng) kap 信實(sìnsi̍t)，也(iā) 增加(chengka) 伊(i) 信心(sìnsim) kap 虔誠(khiânsêng)。這(che) 是(sī) 做(choè) 以色列(Íseklia̍t) 王(ông) 做(choè) 輝煌(huihông) 事工(sūkang) 所(só͘) 需要(suiàu) ê 原則(goânchek)。

保羅(Pólô) 受(siū) tio̍h siōng 危險(guîhiám) ê 環境(khoânkéng)，chiah 學(o̍h) tio̍h 認識(jīmbat) 上帝(siōngtè) 應允(èngún) ê 完全(oânchoân) 意義(ìgī)。這(che) 應允(èngún) 是(sī)「有(ū) 我(goá) ê 恩(un)，你(lí) 就(chiū) 夠額(kàugia̍h)。」(哥林多後書12：9)只有(chíū) 經歷(kengle̍k) tio̍h 重大(tiōngtāi) ê 試驗(chhìgiām) kap 危險(guîhiám)，chiah 會(oē) hō͘ 一部分(chi̍tpō͘hūn) ê 人(lâng)，認識(jīmbat) 主(Chú)，信靠(sìnkhò) 主(Chú)，也(iā) 當(tng) 需要(suiàu) ê 時(sî)，對(tuì) 伊(i) 得(tit) tio̍h 真(chin) chōe 恩典(untián)。

困難(khùnlân) kap 頭前(thâuchêng) ê 阻礙(chó͘gāi) 是(sī) 對(tuì) 咱(lán) 信心(sìnsim) ê 挑戰(thiauchiàn)，tī 服事(ho̍ksāi) ê 道路(tōlō͘) tú tio̍h 阻礙(chó͘gāi)。Ài 知(chai)，chiahê 阻礙(chó͘gāi) 擋路(tònglō͘) 是(sī) 信心(sìnsim) ê 器具(khìkū)，內面(lāibīn) 貯滿(témoá) 耶穌(Iâso͘) 豐豐(honghong) 富富(hùhù) ê 恩典(untián)。當(tng) 咱(lán) 憑(pîn) 信心(sìnsim) 完全(oânchoân) 信靠(sìnkhò) 伊(i) 向前(hiòngchêng) ê 時(sî)，咱(lán) 可能(khólêng) 受(siū) tio̍h 考驗(khógiām)。有時(ūsî) ài 吞忍(thunlún) thèng 候(hāu)，ài 知(chai)，「吞忍(thunlún) tio̍h hō͘ 伊(i) 到(kàu) 成功(sêngkong)。」(雅各1：4)到尾(kàubé) 咱(lán) 會(oē) 發見(hoatkiàn)「石(chio̍h) 已經(íkeng) tùi 墓門(bōngmn̂g) kō 開(khui)。」(路加24：2)主(Chú) 本身(púnsin) 準備(chúnpī) 好(hó) teh 等(tán)，teh 期待(kîthāi)，為(uī) 咱(lán) ê 考驗(khógiām) 來(lâi) 加倍(kapē) 賜福(sùhok)。──A. B. Simpson


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com