《台語荒漠甘泉（漢羅版）》

 | | | 轉寄

Siōng烏暗ê時

作者 陳清俊 譯 林俊育 漢羅翻寫 2009.12.13

listen 十二月十三(十二月十三日)
「我(goá) beh 將(chiong) 暗中(àmtiong) ê 寶物(póbu̍t)...賞賜(siúⁿsù) 你(lí)。」(以賽亞45：3)

Tī Bêlújín ê 首都(siúto͘) Bulúselú (Brussels, Belgium)有(ū) 一間(chi̍tkeng) lèsú (lace) 店(tiàm)(做(choè) 衫(saⁿ) 用(ēng)，車(chhia) tī 衫(saⁿ) 墘(kîⁿ))內面(lāibīn) 有(ū) 特別(te̍kpia̍t) 房(pâng)，專門(choanbûn) 織(chit) 世界(sèkài) siōngsúi siōng 好(hó) ê lèsú，也(iā) 有(ū) siōng 特殊(te̍ksû) ê 花樣(hoeiūⁿ)。每(muí) 一間(chi̍tkeng) lóng 是(sī) 暗(àm) soso，只有(chíū) 一個(chi̍tê) 細細(soèsoè) ê 窗(thang) hō͘ 光(kng) 照(chiò) tī 所(só͘) beh 織(chit) ê 絲(si) á 線(soàⁿ) 頂面(téngbīn)。每(muí) 一間(chi̍tkeng) 只有(chíū) 一個(chi̍tê) 人(lâng)，專心(choansim) tī 烏暗(o͘àm) 中(tiong) 織(chit)，只有(chíū) ánni，光(kng) 只有(chíū) 照(chiò) tī 所(só͘) beh 織(chit) ê 線(soàⁿ)，所(só͘) 織(chit) 出來(chhutlâi) chiah 會(oē) 織(chit) 了(liáu) 真(chin) 幼(iù)，真(chin) 精密(chengbi̍t)。

咱(lán) ê 人生(jînseng) 有時(ūsî) 比(pí) 這(che) khah 烏暗(o͘àm)，因為(inuī) 咱(lán) 看(khoàⁿ) bōe tio̍h 咱(lán) 所(só͘) 織(chit) ê 物(mi̍h)，也(iā) 無(bô) 了解(liáukài) 咱(lán) teh 做(choè) 甚麼(símmi̍h)，咱(lán) 也(iā) 看(khoàⁿ) bōe tio̍h 咱(lán) 所(só͘) 經歷(kengle̍k) ê 美麗(bílē) kap 利益(līek)。總是(chóngsī) 咱(lán) 忠心(tiongsim) 向前(hiòngchêng) 行(kiâⁿ)，「m̄ thang 失志(sitchì)。」(加拉太6：9)有(ū) 一日(chi̍tji̍t)，咱(lán) beh 知(chai) 一生(itseng) siōng 奇妙(kîbiāu) ê 工作(kangchok) 就(chiū) 是(sī) tī siōng 烏暗(o͘àm) ê 時(sî) 完成(oânsêng)。

假使(kású) 你(lí) 生活(sengoa̍h) tī 深深(chhimchhim) ê 烏暗(o͘àm) 中(tiong)，莫得(bo̍htit) 驚(kiaⁿ)，因為(inuī) 上帝(siōngtè) 用(ēng) 這(che) 特別(te̍kpia̍t) koh 奧妙(òbiāu) ê 方法(honghoat) teh 行(kiâⁿ) tāichì。憑(pîn) 信心(sìnsim) kap 疼心(thiàⁿsim) 向前(hiòngchêng) 行(kiâⁿ)，對(tuì) 伊(i) 永(éng) 無(bô) 懷疑(hoâigî)。伊(i) 看顧(khoàⁿkò͘) 你(lí)，tī 你(lí) 一切(itchhè) ê 痛苦(thòngkhó͘) 目屎(ba̍ksái) 了後(liáuāu)，beh hō͘ 你(lí) ê 是(sī) 美善(bísiān) 有(ū) 好處(hóchhù)。──J. R. Miller

伊(i) ê 梳(so͘) 照(chiàu) 伊(i) ê 心意(simì) 織出(chitchhut) 伊(i) 設計(siatkè) ê 圖樣(tô͘iūⁿ)，
M̄ thang siuⁿ 緊(kín) 嫌(hiâm) 伊(i) ê 工(kang) kap 伊(i) ê 主張(chútiuⁿ)，
看(khoàⁿ) tio̍h 烏烏(o͘o͘) 絲線(sisoàⁿ) 顯(hián) tī 織品(chitphín) 上(chiūⁿ)，
也(iā) beh 有(ū) 金(kim) sihsih ê 金線(kimsoàⁿ) 作伙(choèhé) 鑲(siuⁿ)。

用(ēng) 歡喜(hoaⁿhí)，m̄ 是(sī) 啼哭(thîkhàu) 來(lâi) 織(chit)，
伊(i) 體念(théliām) 你(lí) ê 品質(phínchit)，
小(sió) 心(sim) koh 祈禱(kîtó) ê 心情(simchêng) 織(chit)，
用(ēng) 甚麼(símmi̍h) 絲線(sisoàⁿ) 在(chāi) tī 上帝(siōngtè) ê 手筆(chhiúpit)。──tùi「加拿大家庭雜誌」



附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com