《台語荒漠甘泉（漢羅版）》

 | | | 轉寄

單獨

作者 陳清俊 譯 林俊育 漢羅翻寫 2009.12.20

listen 十二月二十(十二月二十日)

「總是(chóngsī) 我(goá) m̄ 是(sī) 家己(kakī) tīteh，因為(inuī) 父(Pē) kap 我(goá) tīteh。(約翰16：32)
無(bô) 必要(pitiàu) 講(kóng)，為(uī) tio̍h 信仰(sìngióng) ê 實現(si̍thiān) tio̍h 做(choè) 真(chin) 大(toā) ê 犧牲(hiseng)。不過(putkò) tio̍h tùi 某(bó͘) 種(chèng) 人(lâng) kap 事(sū) 隔離(kehlī)，ná 親像(chinchhiūⁿ) 有(ū) 感覺(kámkak) 奇怪(kîkoài) ê 失落(sitlo̍h) kap 孤單(ko͘toaⁿ)。一個(chi̍tê) 人(lâng) 會(oē) 親像(chinchhiūⁿ) 鷹(eng) 飛(pe) 高高(koâiⁿkoâiⁿ)，tòa tī 上帝(siōngtè) ê 榮光(êngkng) 下(ē)，應該(engkai) 能(oē) 滿意(moáì) tī 一種(chi̍tchióng) khak 孤獨(ko͘to̍k) ê 生活(sengoa̍h)。

鳥類(chiáuluī) 中(tiong)，大(toā) 鷹(eng) 是(sī) siōng 孤獨(ko͘to̍k) ê 鳥(chiáu)，咱(lán) m̄ bat 看(khoàⁿ) tio̍h 鷹(eng) kui 群(kûn) teh 飛(pe)，也(iā) 真(chin) 難得(lântit) 看(khoàⁿ) tio̍h 兩(nn̄g) 隻(chiah) 鷹鳥(engchiáu) 作伙(choèhé) tī 空中(khongtiong)。一個(chi̍tê) 奉獻(hōnghiàn) 性命(sìⁿmiā) hō͘ 上帝(siōngtè) ê 人(lâng)，掠(lia̍h) 認識(jīmbat) 上帝(siōngtè)，享受(hiángsiū) kap 上帝(siōngtè) 交往(kauóng) 做(choè) 快樂(khoàilo̍k)，是(sī) 無管(bôkoán) 沿路(iânlō͘) 會(oē) 失去(sitkhì) jōachōe 世間(sèkan) ê 友誼(iúgî)。

上帝(siōngtè) chhē 求(kiû) 親像(chinchhiūⁿ) 鷹(eng) ê hit 種(chióng) 人(lâng)，人(lâng) 若(nā) bōe 曉(hiáu) 單獨(tanto̍k) kap 上帝(siōngtè) 同行(tângkiâⁿ)，就(chiū) tī 伊(i) 靈性(lêngsèng) 生活(sengoa̍h) bōethang 充分(chhionghun) 認識(jīmbat) 上帝(siōngtè) siōng 好(hó) siōngsúi ê 物(mi̍h)。咱(lán) 看(khoàⁿ) 亞伯拉罕(Apekla̍hhán) 單獨(tanto̍k) tòa 「迦南(Kalâm) 地(toē)，羅得(Lôtek) khiā 起(khí) 平洋(pîⁿiûⁿ) chiahê 城(siâⁿ)，徙(soá) 伊(i) ê 布棚(pò͘pîⁿ) 到(kàu) 所多瑪(Só͘tomá)。」(創世記13：12)摩西(Mô͘se) 雖然(suijiân) 有(ū) 埃及(Aiki̍p) 所有(só͘ū) ê 智識(tìsek)，iáu tio̍h 單獨(tanto̍k) tī 沙漠(soabô͘) kap 主(Chú) 同在(tôngchāi) 四十(sìcha̍p) 年(nî)。保羅(Pólô) 雖然(suijiân) 有(ū) chōechōe 希臘(Hilia̍p) ê 智識(tìsek)，koh 做(choè)「Kamália̍t ê 學生(ha̍kseng)」(使徒行傳22：3)，當(tng) tú tio̍h 耶穌(Iâso͘) 了後(liáuāu)，就(chiū)「獨獨(to̍kto̍k) 去(khì) Alatpek」 (加拉太1：17)，生活(sengoa̍h) tī 沙漠(soabô͘) 地(toē) 單獨(tanto̍k) ǹg 上帝(siōngtè) 學習(ha̍ksi̍p)。

願(goān) 咱(lán) hō͘ 上帝(siōngtè) 孤立(ko͘li̍p) 咱(lán)，m̄ 是(sī) 親像(chinchhiūⁿ) 修道院(siutōīⁿ) hit 種(chióng) ê 隔離(kehlī)，是(sī) tī 隔離(kehlī) 經驗(kenggiām) 中(tiong) 主(Chú) tī 咱(lán) 內面(lāibīn) 產生(sánseng) 一種(chi̍tchióng) 生活(sengoa̍h) kap 信心(sìnsim) ê 獨立(to̍kli̍p)，心內(simlāi) 無(bô) koh óa 靠(khò) 別人(pa̍tlâng) ê 幫贊(pangchān)，祈禱(kîtó) 信心(sìnsim) ê 鼓勵(kó͘lē) kap 照顧(chiàukò͘)。別人(pa̍tlâng) ê 幫贊(pangchān) kap 鼓勵(kó͘lē) 是(sī) 必要(pitiàu)，tī 基督徒(kitoktô͘) ê 成長(sêngtióng) 是(sī) 真(chin) 重要(tiōngiàu)，不過(putkò) tī 某(bó͘) 一個(chi̍tê) 時(sî) chūn 也會(iāoē) 妨礙(hônggāi) tio̍h 信心(sìnsim) ê 成長(sêngtióng)。

上帝(siōngtè) 知(chai) 怎樣(cháiⁿiūⁿ) 改變(káipiàn) 咱(lán) ê 環境(khoânkéng) hō͘ 咱(lán) 孤獨(ko͘to̍k) 一(chi̍t) 人(lâng) 來(lâi) 培養(poêióng) 咱(lán)，咱(lán) 一旦(ittàn) 順服(sūnho̍k) 上帝(siōngtè)，得(tit) tio̍h chit 種(chióng) 孤獨(ko͘to̍k) ê 經歷(kengle̍k)，咱(lán) 就(chiū) 無(bô) koh óa 靠(khò) 咱(lán) 周圍(chiuuî) ê 人(lâng)，雖然(suijiân) 咱(lán) iáukú 親像(chinchhiūⁿ) 過去(kèkhì) hiahnih 疼(thiàⁿ) in。然後(jiânāu) 咱(lán) 就(chiū) 認識(jīmbat) tio̍h，上帝(siōngtè) tī 咱(lán) 內面(lāibīn) 做(choè) 了(liáu) 一件(chi̍tkiāⁿ) 新(sin) ê 事(sū)，咱(lán) 心靈(simlêng) ê 翼股(si̍tkó͘) 已經(íkeng) 學(o̍h) 會曉(oē hiáu) 飛(pe) ǹg 空中(khongtiong)lah。

咱(lán) 必須(pitsu) 有(ū) 勇氣(ióngkhì) 敢(káⁿ) 單獨(tanto̍k) 生活(sengoa̍h)，親像(chinchhiūⁿ) 雅各(Ngákok) 必須(pitsu) tī 單獨(tanto̍k) 一(chi̍t) 人(lâng)，hō͘ 上帝(siōngtè) ê 使者(sùchiá) thang tī 伊(i) ê 耳孔(hīⁿkhang) 邊(piⁿ) 細(soè) 聲(siaⁿ) 講(kóng)：「你(lí) ê 名(miâ) 無(bô) beh koh 叫(kiò) 雅各(Ngákok)，beh 叫做(kiòchoè) 以色列(Íseklia̍t)。」(創世記32：28)親像(chinchhiūⁿ) 但以理(Tānílí) 單獨(tanto̍k) 一(chi̍t) 人(lâng)，chiah 看見(khoàⁿkìⁿ) 天頂(thiⁿténg) 來(lâi) ê 異象(īⁿsiōng)；約翰(Iokhān) 受(siū) 放逐(hòngtio̍k) 到(kàu) Poa̍tmô͘ 海島(háitó)，chiah 會(oē) 得(tit) tio̍h hâm 記錄(kìlo̍k)「耶穌(Iâso͘) 基督(kitok) ê 啟示(khésī)，就(chiū) 是(sī) 上帝(siōngtè) 所(só͘) hō͘ 伊(i)。」(啟示錄1：1)

伊(i) 為(uī) tio̍h 咱(lán)「家己(kakī) 一個(chi̍tê) 踏(ta̍h) 酒窟(chiúkhut)。」(以賽亞63：3)所以(só͘í) 咱(lán) 有(ū) 準備(chúnpī) 一個(chi̍tê) 時間(sîkan) 是(sī)「榮耀(êngiāu) 上帝(siōngtè) 單獨(tanto̍k) 一(chi̍t) 人(lâng)」(參考約翰17：1) Á 是(sī) 會(oē) hō͘ 伊(i) 失望(sitbōng)？



附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com