《台語荒漠甘泉（漢羅版）》

 | | | 轉寄

鐵鏈

作者 陳清俊 譯 林俊育 漢羅翻寫 2009.12.27

listen 十二月二七(十二月二十七日)
「伊(i) 受(siū) 鐵鏈(thihliān) 綑縛(khúnpa̍k)；」(詩篇105：18)

少年(siàuliân) ê 時(sî)，背(pē) 重擔(tāngtàⁿ)，受(siū) 憂傷(iusiong) kap 失望(sitbōng) ê 鐵鏈(thihliān)，心靈(simlêng) 抵抗(tékhòng) 罪惡(choē ok) ê 引誘(íniú)，lóng 是(sī) 發展(hoattián) 出(chhut) 親像(chinchhiūⁿ) 鐵(thih) 一般(chi̍tpoaⁿ) ê 堅定(kiantēng) 意志(ìchì)，有(ū) 忍耐(jímnāi)，有(ū) 毅力(gē le̍k)。
Chiahê 性質(sèngchit) 是(sī) 高超(kochhiau) 性格(sèngkeh) 所(só͘) bōethang 無(bô) ê 基本(kipún) 基礎(kichhó͘)。

你(lí) ê 一生(itseng) 是(sī) m̄ 是(sī) tī 單調(tantiāu) 生活(sengoa̍h) 中(tiong) 浪費(lōnghuì) 掉(tiāu)，溜(liu) 過去(kèkhì)？你(lí) kiám bat 受(siū) 人(lâng) 反對(hoántuì)，受(siū) 人(lâng) 誤會(gō͘hoē)，受(siū) 人(lâng) 責備(chekpī) mah？你(lí) ê 苦痛(khó͘thàng) kiám 親像(chinchhiūⁿ) tī 深山(chhimsoaⁿ) 林內(nâlāi)，所(só͘) 踏(ta̍h) ê 樹葉(chhiūhio̍h) 樹枝(chhiūki) 雜草(cha̍pchháu) hiah 深(chhim)，hiah pháiⁿ 行(kiâⁿ)，hiah pháiⁿ 忍受(jímsiū) mah？若是(nāsī) ánni，m̄ thang 灰心(hoesim)，ài 用(ēng) 心(sim)，因為(inuī) 上帝(siōngtè) 將(chiong) 你(lí) hē tī 鐵般(thihpoaⁿ) ê 訓練(hùnliān)。Ài 食苦(chia̍hkhó͘)，chiah 會(oē) 得(tit) 榮光(êngkng) ê 金帽(kimbō)。苦痛(khó͘thàng) 進入(chìnji̍p) 你(lí) ê 靈(lêng)，變(piàn) 鋼鐵(kǹgthih)，hō͘ 你(lí) 堅強(kiankiông) 勇敢(ióngkám)。──F. B. Meyer

無(bô) 嫌(hiâm) 路(lō͘) 高低(koânkē) 無(bô) 平(pîⁿ)，無(bô) 嫌(hiâm) 路(lō͘) 真(chin) 崎(kiā)，
寒冷(hânléng) ê 透早(thàuchá)，á 是(sī) 炎熱(iāmjia̍t) ê 中晝(tiongtàu) lóng m̄ 驚(kiaⁿ)，
無(bô) 偏(phian) 左(chó) 偏(phian) 右(iū)，也(iā) 無(bô) oa̍ttńg 身(sin) 行(kiâⁿ)，
向前(hiòngchêng) 行(kiâⁿ)，不管(putkoán) 是(sī) 日時(ji̍tsî) á 是(sī) 烏暗(o͘àm) 也(iā)，
Chit 條(tiâu) 路(lō͘) 是(sī) 透(thàu) tńg 去(khì) 厝(chhù)──天(thiⁿ) 城(siâⁿ)。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com