《台語荒漠甘泉（漢羅版）》

 | | | 轉寄

仰望上帝

作者 陳清俊 譯 林俊育 漢羅翻寫 2010.02.07

listen 二月初七(二月七日)

「我(goá) ê 心(sim) ah,你(lí) 啥(siáⁿ) 事(sū) 鬱卒(utchut)？」(詩篇43:5)

人(lâng) 為何(uīhô) 鬱卒(utchut)、憂悶(iubūn)？可能(khólêng) 有(ū) 兩(nn̄g) 種(chióng) 原因(goânin)。人(lâng) iáubōe 信(sìn) 上帝(siōngtè)，人(lâng) 會(oē) 憂悶(iubūn)。第二種(tē jīchióng) 是(sī) 人(lâng) 已經(íkeng) 信(sìn) 耶穌(Iâso͘)，總是(chóngsī) iáu 活(oa̍h) tī 罪惡(choē ok) 中(tiong)，伊(i) 也會(iāoē) 憂悶(iubūn)。 除了(tûliáu) 以上(ísiōng) ê 兩(nn̄g) 種(chióng) 情形(chênghêng)，人(lâng) 無(bô) 鬱卒(utchut) ê 理由(líiû)。任何(jīmhô) 事(sū) 咱(lán) thang(對(tuì) 上帝(siōngtè)) 「 萬事(bānsū) tio̍h 用(ēng) 祈禱(kîtó) 懇求(khúnkiû) kap 感謝(kámsiā)，將(chiong) lín 所(só͘) 求(kiû) ê 排列(pâilia̍t) tī 上帝(siōngtè)；」(腓立比4:6)。Tī 困難(khùnlân)、缺乏(khiàmkheh)、試煉(chhìliān) ê 時(sî)，咱(lán) 靠(khò) 上帝(siōngtè) ê 大能(tāilêng)、疼痛(thiàⁿthàng) ê 信心(sìnsim)，thang 每次(muíchhù) 平安(pêngan) 經過(kengkoè)。

「你(lí) tio̍h ǹg 望(bāng) 上帝(siōngtè)；」(詩篇(siphian)43:5)會(oē) 記得(kìtit)，無論(bôlūn) 咱(lán) ê 需要(suiàu)，困難(khùnlân) jōa 大(toā)，不時(putsî) lóng thang 仰望(gióngbōng) 上帝(siōngtè)。甚至(sīmchì) tī 差不多(chhaputto) 絕望(choa̍tbāng) ê 地步(tē pō͘)，咱(lán) iáu 是(sī) 仰望(gióngbōng) 上帝(siōngtè)。咱(lán) ê ǹg 望(bāng) bōe 落空(lo̍kkhong)，到(kàu) 時(sî) 上帝(siōngtè) ê 幫贊(pangchān) 會(oē) 來(lâi)。
Tī過去(kèkhì)ê七十(chitcha̍p)年(nî)koh四(sì)個月(kòge̍h)，我(góa)有(ū)經歷(kengle̍k)過(kè)上百(chiūⁿpah)、上千(chiūⁿchheng)pái,來(lâi)證明(chèngbêng)一個(chi̍tê)事實(sūsi̍t)。看(khòaⁿ)是(sī)無(bô)可能(khólêng)ê,主(chú)ê幫贊(pangchān)卻(khiok)準時(chúnsî)來(lâi)lah。伊(i)ê幫贊(pangchān)是(sī)有(ū)幾(kúi)萬(bān)種(chióng)ê方法(honghoat)，幾(kúi)萬(bān)款(khoán)ê時(sî)chūn臨到(lîmkàu)咱(lán)。

咱(lán) 所(só͘) ài 做(choè) ê 是(sī) ǹg 主(Chú) 求(kiû)，用(ēng) gínná siōng 單純(tansûn) ê 心境(simkéng) ǹg 伊(i) 排列(pâilia̍t)：我(goá) ê 祈求(kîkiû) 無(bô) 值(ta̍t) tio̍h 你(lí) 來(lâi) 聽(thiaⁿ)，也(iā) 無(bô) 值(ta̍t) tio̍h 你(lí) 答應(tapèng)。但是(tānsī)，因為(inuī) 主(Chú) 耶穌(Iâso͘) 基督(kitok) ê 緣故(iânkò͘)，來(lâi) 回答(hoêtap) 我(goá) ê 祈禱(kîtó)，施恩(siun) hō͘ 我(goá)，安靜(anchēng) thènghāu,直到(ti̍tkàu) 你(lí) ê 接納(chiapla̍p) 我(goá) ê 請求(chhéngkiû)。我(goá) 相信(siongsìn) 照(chiàu) 你(lí) ê 時(sî)，你(lí) ê 方法(honghoat) beh 完成(oânsêng) 這(che) 事(sū)。 「我(goá) iáukú beh oló 伊(i)；」(詩篇43:5)不斷(puttoān) ê 祈禱(kîtó)，不斷(puttoān) ê 信心(sìnsim) 操練(chhauliān)，不斷(puttoān) ê 忍耐(jímnāi) thènghāu,會(oē) 帶(toà) 來(lâi) 天父(Thiⁿpē) ê 賜福(sùhok)，豐豐(honghong) 富富(hùhù) ê福氣(hokkhì)。我(goá) 有(ū) 千(chheng) 千(chheng) 百百(pahpah) pái ê 經歷(kengle̍k)，我(goá) iáu beh 對(tuì) 家己(kakī) 講(kóng)：「Tio̍h 仰望(gióngbōng) 上帝(siōngtè)。」──George Mueller


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com