《台語荒漠甘泉（漢羅版）》

 | | | 轉寄

吞忍thènghāu

作者 陳清俊 譯 林俊育 漢羅翻寫 2010.02.21

listen 二月二一(二月二十一日)

「Tio̍h 靜靜(chēngchēng) tī 耶和華(Iâhôhoa) ê 面前(bīnchêng)，寬心(khoansim) thènghāu 伊(i)。」(詩篇37:7)

你(lí) bat 祈禱(kîtó)，koh 祈禱(kîtó)，thènghāu koh thènghāu,lóng 無(bô) 得(tit) tio̍h 回應(hoêèng) mah?
無(bô) 反應(hoánèng)，致到(tìkàu) 心神(simsîn) lóng 軟(nńg) 落去(lo̍hkhì)。致到(tìkàu) tehbeh 放棄(hòngkhì) ah?真(chin) 可能(khólêng)，是(sī) tī 你(lí) 所(só͘) 等(tán) ê 方式(hongsek) 有(ū) 錯誤(chhòngō͘)，所(só͘) 等(tán) ê 所在(só͘chāi) 無(bô) tio̍h,應該(engkai) 是(sī) tī 會(oē) tú tio̍h 天父(Thiⁿpē) ê 所在(só͘chāi) 來(lâi) 等(tán)，來(lâi) thènghāu。

聖經(sèngkeng) 講(kóng)：「吞忍(thunlún) thènghāu。」(羅馬8:25)原來(goânlâi) 吞忍(thunlún)，á 是(sī) 忍耐(jímnāi)，ōethang 克服(khekho̍k) 憂慮(iulū)。主(Chú) 基督(kitok) 答應(tapèng) 伊(i) 會(oē) koh 來(lâi)，伊(i) 講(kóng)，就(chiū) 一定(ittēng) 實行(si̍thêng)。忍耐(jímnāi)、吞忍(thunlún) 會(oē) 克服(khekho̍k) 憂傷(iusiong)。為甚麼(uīsímmi̍h) 憂愁(iuchhiû) 艱苦(kankhó͘)，soah 灰心(hoesim) 失志(sitchì) ah?伊(i) 比(pí) 你(lí) khah 知(chai) 你(lí) ê 需要(suiàu)，伊(i) thènghāu ê 目的(bo̍ktek) 是(sī) beh 得(tit) khah 大(toā) ê 榮耀(êngiāu)。忍耐(jímnāi)、吞忍(thunlún) thang 克服(khekho̍k) 肉體(jio̍kthé) ê 活動(oa̍htāng)。聖經(sèngkeng) 講(kóng)：「信(sìn)，就(chiū) 是(sī) 上帝(siōngtè) ê 工(kang)。」(約翰福音6:29)只要(chíiàu) 信(sìn)，一切(itchhè) 就(chiū) beh 成就(sêngchiū)，無(bô) 靠(khò) 家己(kakī) ê 功勞(konglô)。忍耐(jímnāi)、吞忍(thunlún) thang 克服(khekho̍k) 一切(itchhè) ê 需要(suiàu)，你(lí) 可能(khólêng) 希望(hibōng) 為(uī) 家己(kakī) 所(só͘) ài ê 求(kiû) 真(chin) chōe,khah 少(chió) 求(kiû) 上帝(siōngtè) ê 旨意(chíì)。

忍耐(jímnāi)、吞忍(thunlún) thang 補足(pó͘chiok) 一切(itchhè) ê 軟(nńg) 弱(jio̍k)，無(bô) 將(chiong) thènghāu 看(khoàⁿ) 做(choè) 浪費(lōnghuì) 時間(sîkan)，認(jīn) 清楚(chhengchhó) tī thènghāu 中(tiong) 天父(Thiⁿpē) 有(ū) 時間(sîkan) 預備(īpī) 資源(chugoân)，加強(kakiông) 你(lí) ê 力量(le̍kliōng)。忍耐(jímnāi)、吞忍(thunlún) thang 克服(khekho̍k) 一切(itchhè) ê 徬徨(ponghông) 不安(putan)。聖經(sèngkeng) 講(kóng)：「伊(i) 就(chiū) 摸(bong) 我(goá)，扶(hû) 我(goá) 起來(khílâi) khiā。」(但以理8:18)天父(Thiⁿpē) 是(sī) 堅固(kiankò͘) ê 基石(kichio̍h)，只要(chíiàu) 心(sim) 存(chûn) 伊(i) ê 忍耐(jímnāi)，咱(lán) thang 堅定(kiantēng) khiāchāi thènghāu 伊(i)。忍耐(jímnāi)、吞忍(thunlún) 會(oē) thang 發(hoat) 出(chhut) 敬拜(kèngpài) ê 心(sim)。Siōng 好(hó) ê 部分(pō͘hūn) 是(sī) 帶(toà) oló ê thènghāu,歡歡(hoaⁿhoaⁿ) 喜喜(híhí) teh 忍耐(jímnāi)，「歡喜(hoaⁿhí) 吞忍(thunlún) 寬容(khoaniông)。」(哥羅西1:11)當(tng) 你(lí) 忍耐(jímnāi) 吞忍(thunlún) ê 時(sî)，「獨獨(to̍kto̍k) 吞忍(thunlún) tio̍h hō͘ 伊(i) 到(kàu) 成功(sêngkong)，hō͘ lín 完全(oânchoân) 齊備(chiâupī)，無(bô) 所(só͘) 欠缺(khiàmkheh)。」(雅各1:4)Lí 就(chiū) 有(ū) 大(toā) 大(toā) 豐豐(honghong) 富富(hùhù) ê 報答(pòtap)。 C. H. P.

火(hé) to̍h ê 時(sî) tio̍h khiā 定(tiān)，
這(che) 是(sī) 內心(lāisim) 學習(ha̍ksi̍p) ê 心(sim) 聲(siaⁿ)，
Chit 條(tiâu) 路(lō͘) 看(khoàⁿ) 是(sī) 無(bô) 回(hoê) 行(kiâⁿ)，
耐心(nāisim) 來(lâi) 完成(oânsêng) 完美(oânbí) ê 工程(kangthêng)。──L. S. P.

附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com