《台語荒漠甘泉（漢羅版）》

 | | | 轉寄

獻oló ê歌聲

作者 陳清俊 譯 林俊育 漢羅翻寫 2010.02.28

listen 二月二八(二月二十八日)

「所以(só͘í) tio̍h 對(tuì) 耶穌(Iâso͘) 常常(siôngsiông) 用(ēng) oló 做(choè) 祭(chè)，獻(hiàn) hō͘ 上帝(siōngtè)；」(希伯來13:15)

Tī 貧民(pînbîn) 窟(khut) 工作(kangchok) ê 傳道師(thoântōsu)，行(kiâⁿ) 入(ji̍p) 去(khì) 一(chi̍t) 棟(tòng) 公寓(konggū) 烏烏(o͘o͘) 暗暗(àmàm) ê 巷路(hānglō͘)，聽(thiaⁿ) tio̍h 有(ū) 聲(siaⁿ) 問(mn̄g) 講(kóng)：「是(sī) 甚麼(símmi̍h) 人(lâng) ah?」伊(i) 用(ēng) 番(hoan) á 火(hé) 點(tiám) to̍h,目睭(ba̍kchiu) 前(chêng)，看(khoàⁿ) 是(sī) 屬世(sio̍ksè) ê 缺乏(khiàmkheh) kap 苦難(khó͘lān)，有(ū) 帶(toà) tio̍h 聖人(sèngjîn) tek ê 信靠(sìnkhò) kap 安寧(anlêng) ê 氣質(khìchit)，看見(khoàⁿkìⁿ) 一個(chi̍tê) 滿面(moábīn) 皺(jiâu) phèphè ê 面容(bīniông)，有(ū) 一(chi̍t) 對(tuì) 堅定(kiantēng)、吸引(khipín) 人(lâng) ê 目睭(ba̍kchiu)，親像(chinchhiūⁿ) 烏(o͘) ê 木料(bo̍kliāu) 所(só͘) 刻(khek) ê hiahni̍h 金(kim) 滑(ku̍t) koh 發(hoat) 光彩(kongchhái)。這(che) 是(sī) tī 二(jī) 月(ge̍h) 寒冷(hânléng) ê 暗時(àmsî)，伊(i) 倒(tó) tī 一(chi̍t) 頂(téng) 破破(phoàphoà) ê 眠床(bînchhn̂g)，無(bô) 火爐(hélô͘)，無(bô) 燒氣(siokhì)，也(iā) 無(bô) 電火(tiānhé)。伊(i) 無(bô) 食(chia̍h) 早餐(cháchhan)、中晝(tiongtàu) kap 暗頓(àmtǹg)。Ná 親像(chhinchhiūⁿ) 啥(siáⁿ) 物(mi̍h) mā 無(bô)，只有(chíū) 風濕病(hongsippīⁿ) kap 伊(i) 對(tuì) 上帝(siōngtè) ê 信心(sìnsim)。舒適(susek) ê 環境(khoânkéng) 離(lī) 伊(i) 真(chin) 遠(hn̄g)，總是(chóngsī) 下(ē) 面(bīn) 是(sī) 伊(i) 所(só͘) 唱(chhiùⁿ) 出(chhut) ê 歌(koa) 聲(siaⁿ)：

無(bô) 人(lâng) 知(chai) 我(goá) ê 痛苦(thòngkhó͘)，
無(bô) 人(lâng) 知(chai)，除了(tûliáu) 主(Chú) 耶穌(Iâso͘);
無(bô) 人(lâng) 知(chai) 我(goá) ê 苦楚(khó͘chhó͘)，
吟(gîm) 榮耀(êngiāu) Halélú!

有時(ūsî) 起(khí)，有時(ūsî) 落(lo̍h)，
有時(ūsî) tī 土腳(thô͘kha) 倒(tó)，
有時(ūsî) 出(chhut) 聲(siaⁿ) oló,
吟(gîm) 榮耀(êngiāu) Halélú!

繼續(kèsio̍k) 唱(chhiùⁿ) 落去(lo̍hkhì)，「無(bô) 人(lâng) 知(chai) 我(goá) 所(só͘) 做(choè) ê 工(kang)，無(bô) 人(lâng) 知(chai) 我(goá) 所(só͘) tú tio̍h ê 艱難(kanlân)，」lóng soah siōng 尾(bé) 句(kù)，「吟(gîm) 榮耀(êngiāu) Halélú!」直到(ti̍tkàu) 最後(choèāu) 一節(chi̍tchat) 是(sī) ánni:

無(bô) 人(lâng) 知(chai) 我(goá) 真(chin) 喜樂(hílo̍k)，
無(bô) 人(lâng) 知(chai)，除了(tûliáu) 主(Chú) 耶穌(Iâso͘)!

「阮(goán) 凡事(hoânsū) 受(siū) 患難(hoānlān)，若是(nāsī) 無(bô) 困迫(khùnpek)、為難(uîlân)，也(iā) 無(bô) 失望(sitbōng)；tú tio̍h 窘逐(khúntio̍k)，也(iā) 無(bô) 受(siū) 放(pàng) sak;受(siū) phah 倒(tó)，也(iā) 無(bô) 死(sí) 無(bô)；」(哥林多後書4:8，9) Chitê 經文(kengbûn) chiah 會(oē) thang 說明(soatbêng) chit 位(uī) 老(lāu) 烏(o͘) 婦人(hūjîn) ê 喜樂(hílo̍k)。
你(lí) kiám 知(chai) 路德(Lō͘tek) 馬丁(Máteng)(Martin Luther) beh 死(sí) ê 時(sî) 所(só͘) 傳(thoân) ê 信息(sìnsit)：「今生(kimseng) ê 痛苦(thòngkhó͘) kap 難處(lânchhù) ná 親像(chhinchhiūⁿ) 活字版(oa̍hjīpán)，人(lâng) 看(khoàⁿ) 是(sī) tópáiⁿ 排(pâi) ê,看(khoàⁿ) bōe 出(chhut) 伊(i) ê 意思(ìsù)，lóng 無(bô) 意義(ìgī)。總是(chóngsī) 上帝(siōngtè) 將(chiong) 咱(lán) ê 來世(lâisè) tùi 活字版(oa̍hjīpán) 印(ìn) 出來(chhutlâi) ê 時(sî)，卻(khiok) 變做(pìⁿchoè) 真(chin) súi ê 文章(bûnchiuⁿ)。咱(lán) 也(iā) m̄ 免(bián) 等到(tánkàu) hit 時(sî) chiah 會(oē) 知(chai)，親像(chhinchhiūⁿ) 使徒(sùtô͘) 保羅(Pólô) tī 海(hái) 上(siōng) tú tio̍h 危險(guîhiám)，伊(i) 行(kiâⁿ) 到(kàu) 甲板(kahpán) 頂(téng) 對(tuì) 水手(chuísiú) 講(kóng)：「我(goá) 勸(khǹg) lín 安心(ansim)；」(使徒行傳27:22)保羅(Pólô)、路德(Lō͘tek) 馬丁(Máteng)，也(iā) 有(ū) chitê 老(lāu) 婦人(hūjîn)，lóng 親像(chhinchhiūⁿ) 人間(jînkan) ê 太陽花(thàiiônghoe)，tī 充滿(chhiongmoá) 烏暗(o͘àm) ê 世界(sèkài) 中(tiong)，會(oē) chhē 求(kiû) 並(pēng) 看見(khoàⁿkìⁿ) hitê 大(toā) 光(kng)，就(chiū) 是(sī) 基督(kitok)。──William C. Garnett


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com