《台語荒漠甘泉（漢羅版）》

 | | | 轉寄

信靠天父

作者 陳清俊 譯 林俊育 漢羅翻寫 2010.03.07

listen 三月初七(三月七日)

「阮(goán)....凡事(hoânsū) tú tio̍h 患難(hoānlān)，」(哥林多後書7:5)

為(uī) 什麼(símmih) 上帝(siōngtè) chhōa 咱(lán) ê 路(lō͘)，lóng 是(sī) 有(ū) 不斷(puttoān) ê 大(toā) 壓力(aple̍k) tī 咱(lán) 身上(sinchiūⁿ)？伊(i) ê 用意(iōngì) 是(sī) ài 咱(lán) 明白(bêngpe̍k)，chitê 情形(chênghêng) 比(pí) 無(bô) tú tio̍h 困難(khùnlân) á 是(sī) 試煉(chhìliān)，kohkhah 有效(ūhāu) 來(lâi) 彰顯(chionghián) 上帝(siōngtè) 完全(oânchoân) 充足(chhiongchiok) ê 能力(lêngle̍k) kap 恩典(untián)。「若是(nāsī) 阮(goán) 有(ū) chit 號(hō) 寶貝(pópoè) khǹg tī 土(thô͘) ê 器具(khìkū)，是(sī) beh hō͘ 極(ke̍k) 大(toā) ê 權能(koânlêng) 做(choè) 上帝(siōngtè) ê,m̄ 是(sī) 出(chhut) tī 阮(goán)。」(哥林多後書4:7)

另外(lēnggoā) 一個(chi̍tê) 用意(iōngì)，是(sī) ài 咱(lán) 警覺(kéngkak) tio̍h 咱(lán) 時時(sîsî) 需要(suiàu) 伊(i)。上帝(siōngtè) 不斷(puttoān) teh 教示(kàsī) 咱(lán) 如何(jûhô) óa 靠(khò) 伊(i)。咱(lán) 完完(ôanôan) 全全(chôanchôan) 受(siū) 牽(khan) tī 伊(i) ê 手(chhiú)，óa 靠(khò) tī 伊(i) ê 照顧(chiàukò͘) 下(ē)。
這(che) 正是(chiàⁿsī) 耶穌(Iâso͘) ê 立場(li̍ptiûⁿ)，伊(i) 也(iā) ài 咱(lán) ánni。咱(lán) ài 常常(siôngsiông) óa 靠(khò) 伊(i)，無(bô) 靠(khò) 家己(kakī) ê 能力(lêngle̍k)。咱(lán) óa 靠(khò) 伊(i) ê 表現(piáuhiān)，ài 做(choè) 到(kàu) 咱(lán) 連(liân) 家己(kakī) mā m̄ 敢(káⁿ) 靠(khò) 家己(kakī) 踏(ta̍h) 一步(chi̍tpō͘) 出去(chhutkhì)。Ánni 教示(kàsī) 咱(lán) 信靠(sìnkhò) 伊(i)，kohkhah 完全(oânchoân)。

除了(tûliáu) 經歷(kengle̍k) 試煉(chhìliān)、受(siū) 患難(hoānlān)，無(bô) 有(ū) 其他(kîtha) ê 方法(honghoat) 來(lâi) 學習(ha̍ksi̍p) 信心(sìnsim)。試煉(chhìliān) á 是(sī) 受(siū) 患難(hoānlān) 是(sī) 天父(Thiⁿpē) 所(só͘) 設(siat) ê 信心(sìnsim) 學校(ha̍khāu)。Tī 試煉(chhìliān) 中(tiong) 學習(ha̍ksi̍p) 信心(sìnsim) 比(pí) tī 安逸(ania̍t) 中(tiong) 學習(ha̍ksi̍p) khah 好(hó)、khahchōe。一旦(ittàn) 咱(lán) 學(o̍h) tio̍h 信心(sìnsim) ê 功課(kongkhò)，咱(lán) 就(chiū) 永遠(éngoán) 得(tit) tio̍h 伊(i)，是(sī) 得(tit) tio̍h 永遠(éngoán) ê 財富(châihù)。人(lâng) 若(nā) 無(bô) 信靠(sìnkhò) 天父(Thiⁿpē)，雖然(suijiân) tī 地(toē) 裡(nih) 有(ū) 極(ke̍k) 大(toā) 財產(châisán)，也(iā) 是(sī) teh 感覺(kámkak) sànchhiah。── tùi 「Tī 地(toē) ná tī 天(thiⁿ)」

為何(uīhô) 我(goá) teh 哭(khàu)，別人(pa̍tlâng) teh 唱歌(chhiùⁿkoa)？
Beh 體驗(thégiām) 受苦(siūkhó͘) ê 深(chhim) kap 大(toā)。
為何(uīhô) 人(lâng) teh 歇睏(hiohkhùn)，我(goá) teh 工作(kangchok)？
Beh 有(ū) 上帝(siōngtè) 所(só͘) 賜(sù) 能力(lêngle̍k) ê 幸福(hēnghok)。
為何(uīhô) 人(lâng) teh 得(tit) tio̍h,我(goá) teh 損失(súnsit)?
Beh ài 知(chai) 失敗(sitpāi)、痛苦(thòngkhó͘) ê 實質(si̍tchit)。
為何(uīhô) 我(goá) ê 運命(ūnmiā) 無(bô) 你(lí) hiah 好(hó)？
因為(inuī) 上帝(siōngtè) 計畫(kèoē) 我(goá) 有(ū) 永遠(éngoán) ê 成果(sêngkó)。
──(冬天(tangthiⁿ) 風雪(hongseh) 中(tiong) 細(soè) 隻(chiah) 鳥(chiáu) á 歌(koa))


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com