《台語荒漠甘泉（漢羅版）》

 | | | 轉寄

信就beh成

作者 陳清俊 譯 林俊育 漢羅翻寫 2010.03.21

listen 三月二一(三月二十一日)

「照(chiàu) lín ê 信(sìn)，kā lín 做成(choèchiâⁿ)。」(馬太9:29)

「迫切(pekchhiat) 祈禱(kîtó)」ê 意思(ìsù) 是(sī)「進入(chìnji̍p) tī 完全(oânchoân) 信心(sìnsim) ê 祈禱(kîtó)」。就(chiū) 是(sī) 你(lí) iáu teh 祈禱(kîtó) ê 時(sî)，你(lí) ê 祈禱(kîtó) 已經(íkeng) 受(siū) 聽(thiaⁿ) tio̍h，koh 接納(chiapla̍p) lah。Tī 事情(sūchêng) iáu bōe 實現(si̍thiān) ê 事先(sūsian)，你(lí) 已經(íkeng) 有(ū) 把握(páak) 得(tit) tio̍h 你(lí) ê 請求(chhéngkiû)。

會(oē) 記得(kìtit)，tī 地上(tē chiūⁿ) 無(bô) 任何(jīmhô) 情況(chênghóng) 會(oē) 阻擋(chó͘tòng) 上帝(siōngtè) ê 話(oē) ê 應驗(ènggiām) kap 實現(si̍thiān)。咱(lán) 必須(pitsu) 堅定(kiantēng) 不疑(putgî) ǹg 望(bāng) 伊(i) 永(éng) 永(éng) bōe 變(piàn) ê 話(oē)，m̄ thang 看(khoàⁿ) chit 世界(sèkài) ê 變化(piànhoà)。上帝(siōngtè) ài 咱(lán) tī 無(bô) 任何(jīmhô) 證據(chèngkù) ê 時(sî)，就(chiū) 相信(siongsìn) 伊(i) ê 話(oē)，然後(jiânāu)，伊(i) 就(chiū) 會(oē) 按照(ànchiàu) 咱(lán) ê 信(sìn) 來(lâi) 實現(si̍thiān)。

當(tng) 伊(i) ê 話(oē) 一下(chi̍tē) 講(kóng)，
當(tng) 伊(i) 講(kóng)：「我(goá) beh」(參考希伯來13:5)
事(sū) 就(chiū) ánni chhòng，
伊(i) ê 應允(èngún) 永遠(éngoán) tīteh。(參考哥林多後書1:20)

五旬節(gō͘sûnchiat) 時代(sîtāi) ê 祈禱(kîtó) 是(sī) chiahnih 簡單(kántan) ê 信(sìn)，就(chiū) 親像(chhinchhiūⁿ) 去(khì) 銀行(gînhâng) 從(chiong) 支票(chiphiò) 兌現(tūihiān)，換(oāⁿ) 做(choè) 現金(hiānkim) 一樣(chi̍tiūⁿ)。──Robert Anderson

「上帝(siōngtè) 講(kóng)，...就(chiū) 有(ū) ánni。」(創世記1:9)


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com