《台語荒漠甘泉（漢羅版）》

 | | | 轉寄

細漢偷挽瓠，大漢偷牽牛

作者 陳清俊 譯 林俊育 漢羅翻寫 2010.04.04

listen
四月初四(四月四日)

「以利沙(Ílīsa) 祈禱(kîtó) 講(kóng)，耶和華(Iâhôhoa) ah,求(kiû) 你(lí) 開(khui) 伊(i) ê 目睭(ba̍kchiu)，hō͘ 伊(i) 能(oē) 看見(khoàⁿkìⁿ)。」(列王紀下6:17)

這(che) 是(sī) 咱(lán) 需要(suiàu) 為(ūi) 家己(kakī) kap 別人(pa̍tlâng) 互相(hō͘siong) 祈禱(kîtó) ê 祈禱詞(kîtósû)：主(Chú) ah,求(kiû) 你(lí) 開(khui) 阮(goán) ê 目睭(ba̍kchiu)，hō͘ 阮(goán) 能(oē) 看見(khoàⁿkìⁿ)，hō͘ 阮(goán) 親像(chhinchhiūⁿ) 先知(sianti) 以利沙(Ílīsa) hō͘「遍(piàn) 山(soaⁿ) 火尾(hébé) 火車(héchhia) 圍(ûi)，」(列王紀下6:17)等待(tánthāi) 載(chài) 阮(goán) 去(khì) 榮光(êngkng) 勝利(sènglī) ê 所在(só͘chāi)。

一旦(ittàn) 開(khui) 咱(lán) ê 目睭(ba̍kchiu)，咱(lán) 便(piān) 能(oē) 將(chiong) 一生(itseng) 大大(toātoā) 細細(soèsoè)，悲哀(piai) á 是(sī) 喜樂(hílo̍k) ê 事(sū)，看(khoàⁿ) 做(choè) 是(sī) 來(lâi) 保護(póhō͘) 咱(lán) 靈魂(lênghûn) ê「戰車(chiànchhia)」。咱(lán) 若(nā) 會(oē) ánni 看(khoàⁿ)，咱(lán) 所(só͘) tú tio̍h ê 一切(itchhè) lóng 是(sī) beh 載(chài) 咱(lán) ê 戰車(chiànchhia)。反面(hoánbīn) 來(lâi) 講(kóng)，細細(soèsoè) ê 試探(chhìthàm)，咱(lán) 若(nā) 無(bô) chha̍p 伊(i)，伊(i) 也會(iāoē) 大(toē) 到(kàu) 能(oē) teh 碎(chhùi) 咱(lán) 頭前(thâuchêng) ê 一切(itchhè) ê 物(mi̍h)，hō͘ 咱(lán) 痛苦(thòngkhó͘) kap 絕望(choa̍tbāng)。

差別(chhapia̍t) 是(sī) 在(chāi) tī 咱(lán) 如何(jûhô) 選擇(soánte̍k)，m̄ 是(sī) 在(chāi) tī 事(sū) ê 本身(púnsin)，是(sī) 在(chāi) tī 咱(lán) tùi 事(sū) ê 看法(khoàⁿhoat)。若是(nāsī) 咱(lán) beh 倒(tó) teh,hō͘ 一切(itchhè) ê 物(mi̍h) 來(lâi) teh,來(lâi) 研(géng) tī 咱(lán) ê 身上(sinchiūⁿ)，咱(lán) 會(oē) hông 研(géng) 到(kàu) 碎(chhùi) kô͘kô͘,ánni hitê 物(mi̍h) 就(chiū) 是(sī) 控制(khòngchè) bōetiâu ê 毀滅(húibia̍t) 車(chhia)；但是(tānsī) 咱(lán) peh tī 車(chhia) 頂(téng)，駛(sái) hitê 物(mi̍h)，伊(i) 就(chiū) 變做(pìⁿchoè) 勝利(sènglī) 車(chhia)。In 就(chiū) 是(sī) 上帝(siōngtè) ê「火車(héchhia)」，凱旋(kháisoân) 將(chiong) 咱(lán) 帶(toà) 向前(hiòngchêng)，帶(toà) 上(chiūⁿ) 天(thiⁿ)。──Hannah Whitall Smith

一個(chi̍tê) 受(siū) teh 碎(chhùi) ê 靈(lêng)，連(liân) 主(Chú) 也(iā) 無(bô) 辦法(pānhoat)。這(che) 是(sī) 為(ūi) 什麼(símmih) hitê 反對(hoántùi) 咱(lán) ê 撒旦(Sattàn)，lóng beh hō͘ 上帝(siōngtè) ê 子民(chúbîn) 對(tùi) in ê 環境(khoânkéng)，感覺(kámkak) 絕望(choa̍tbāng)，無(bô) 人(lâng) thang 幫贊(pangchān)。有(ū) 人(lâng) 講(kóng)，軍隊(kuntūi) ê 士氣(sūkhì) 若(nā) 低低(kē kē)，散慢(sànbān) 無(bô) 精神(chengsîn)，去(khì) 戰場(chiàntiûⁿ) 一定(ittēng) 會(oē) 輸(su)，會(oē) 失敗(sitpāi)。我(goá) 聽(thiaⁿ) tio̍h 一位(chi̍tūi) 傳教師(thoânkàusu)，講(kóng) 伊(i) 回復(hoêhok) 就(chiū) 破病(phoàpīⁿ)，心情(simchêng) 真(chin) bái,因為(inūi) 伊(i) 精神(chengsîn) 上(siōng) 已經(íkeng) 失去(sitkhì) 勇氣(ióngkhì)，就(chiū) 引起(ínkhí) 身體(sinthé) 無(bô) 好勢(hósè)，soah 破病(phoàpīⁿ)。

咱(lán) tio̍h ài 認識(jīmbat) 撒旦(Sattàn) 如何(jûhô) 打擊(tákek) 咱(lán) ê 心靈(simlêng) kap 如何(jûhô) 來(lâi) 抵抗(tékhòng) ê 方法(honghoat)，若是(nāsī) 伊(i) 會(oē) 搖動(iôtāng) 咱(lán) ê 立場(li̍ptiûⁿ)，伊(i) 就(chiū) beh 用(ēng) 長期(tn̂gkî) 圍困(ûikhùn) ê 方法(honghoat)。「In beh 搶奪(chhiúⁿtoa̍t) 王(ông) ê 權(koân)，毀壞(húihoāi) 伊(i)，滅(bia̍t) 無(bô) 伊(i) 到(kàu) 徹底(thiatté)。」(但以理7:25)直到(ti̍tkàu) 咱(lán) 軟弱(loánjio̍k) soah 放棄(hòngkhì) 一切(itchhè) 勝利(sènglī) ê 希望(hibōng)。



附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com