《台語荒漠甘泉（漢羅版）》

 | | | 轉寄

暗中ê信息tī光明tiong宣揚

作者 陳清俊 譯 林俊育 漢羅翻寫 2010.04.11

listen
四月十一(四月十一日)

「我(goá) tī 暗中(àmtiong) kā ín 講(kóng) ê,lín tio̍h tī 光明(kongbêng) ê 所在(só͘chāi) 講(kóng) 出(chhut)；Àⁿ tī 耳孔(hīⁿkhang) kā lín 講(kóng) ê,tio̍h tī 厝頂(chhùténg) 傳(thoân) 伊(i)。」(馬太10:27)

咱(lán) ê 主(Chú) 常常(siôngsiông) tī 暗中(àmtiong) kā 咱(lán) 講話(kóngoē)，可能(khólêng) 是(sī) 當(tng) 失去(sitkhì) 親人(chhinlâng) 單獨(tanto̍k) tī 暗暗(àmàm) ê 厝內(chhùlāi)，也(iā) 可能(khólêng) 是(sī) tī 孤獨(ko͘to̍k)、悽慘(chhichhám) ê 時(sî)，也(iā) 有時(ūsî) tī 破病(phoàpīⁿ) bōethang 起來(khílâi)，無(bô) kap 人(lâng) 接觸(chiapchhiok) ê 時(sî)，也(iā) 有時(ūsî) 是(sī) tī 悲傷(pisiong) 失望(sitbōng) ê 烏暗暝(o͘àmmî)。

Tī hia,伊(i) 將(chiong) 伊(i) ê 偉大(úitāi)、奇妙(kîbiāu)、永活(éngoa̍h) ê 奧祕(òpì) kā 咱(lán) 講(kóng)。咱(lán) hō͘ 世間(sèkan) ê 事務(sūbū) 迷(bê) kah būbū ê 目睭(ba̍kchiu)，伊(i) hō͘ 咱(lán) 看(khoàⁿ) ǹg 天(thiⁿ) ê 燦爛(chhànlān)。咱(lán) ê 耳孔(hīⁿkhang) 也(iā) beh 聽(thiaⁿ) tio̍h,常常(siôngsiông) hō͘ 世間(sèkan) 吵鬧(chhánāu) 所(só͘) 蓋(khàm) 伊(i) ê 聲音(siaⁿim)，可能(khólêng) 是(sī) tī 耳孔(hīⁿkhang) 邊(piⁿ) 細細(soèsoè) ê 話(oē)。不過(putkò)，chiahê 啟示(khésī) 也(iā) 帶(toà) 來(lâi) 責任(chekjīm)：「我(goá) tī 暗中(àmtiong) kā lín 講(kóng) ê,lín tio̍h tī 光明(kongbêng) ê 所在(só͘chāi) 講(kóng) 出(chhut)；....，tio̍h tī 厝頂(chhùténg) 傳(thoân) 伊(i)。」咱(lán) m̄ 是(sī) 永遠(éngoán) 停(thêng) tī 暗室(àmsek)，留(lâu) tī 暗中(àmtiong)，無久(bôkú)，咱(lán) beh 受(siū) 呼召(ho͘tiàu) 到(kàu) 人生(jînseng) ê 喧嘩(soanhoâ) kap 暴風雨(pōhongú) 中(tiong) ê 所在(só͘chāi)。Hit 時(sî) 咱(lán) tio̍h 將(chiong) 咱(lán) 所(só͘) 學(o̍h) tio̍h ê 講(kóng) 出來(chhutlâi)，宣揚(soaniông) 出來(chhutlâi)。

Ánni 受苦(siūkhó͘) 有(ū) 新(sin) ê 意義(ìgī)。受苦(siūkhó͘) siōng 悲哀(piai) ê 部分(pō͘hūn) 定定(tiāⁿtiāⁿ) 是(sī) 引起(ínkhí) 無(bô) 路用(lō͘iōng) ê 感覺(kámkak)。咱(lán) bōe 免(bián) 會(oē) 想(siūⁿ) tio̍h「我(goá) chiahnih 無(bô) 路用(lō͘iōng)，我(goá) 所(só͘) 做(choè) ê 有(ū) 甚麼(símmi̍h) 路用(lō͘iōng)？我(goá) 靈魂(lênghûn) ê 貴重(kùitiōng) ê 香油(hiuⁿiû)(參考約翰12:3)為什麼(ūisímmih) 浪費(lōnghùi) 掉(tiāu)？」Chiahê lóng 是(sī) 受苦者(siūkhó͘chiá) ê 呼叫(ho͘kiò)，但是(tānsī) 父(pē) 上帝(siōngtè) tī 這(che) 一切(itchhè) lóng 有(ū) 伊(i) ê 旨意(chíì)。伊(i) beh 將(chiong) 伊(i) ê 子民(chúbîn) 帶(toà) 到(kàu) kap 伊(i) khah 高(koâiⁿ) 交往(kauóng) ê 層次(chânchhù)，hō͘ in 能(oē) 聽(thiaⁿ) tio̍h 伊(i) ê 講話(kóngoē)，「面對面(bīntùibīn) 講話(kóngoē)，親像(chhinchhiūⁿ) 人(lâng) kap 朋友(pêngiú) 講話(kóngoē) 一般樣(chi̍tpoaⁿiūⁿ)。」(出埃及記33:11)然後(jiânāu) 落山(lo̍hsoaⁿ) 對(tùi) 人(lâng) 宣揚(soaniông) 伊(i) ê 信息(sìnsit)。摩西(Mô͘se) tī 山頂(soaⁿténg) 四十(sìcha̍p) 日(ji̍t) kiám 是(sī) 浪費(lōnghùi) 掉(tiāu) mah?以利亞(Ílīa) tī 何烈(Hôlia̍t) 山(soaⁿ) 所(só͘) 過(kè) ê 日子(ji̍tchí)，á 是(sī) 保羅(Pólô) tī 阿拉伯(Ala̍hpek) 沙漠(soabô͘) 所(só͘) 過(kè) ê 年(nî) 日(ji̍t)，也(iā) kiám 是(sī) 浪費(lōnghùi) ê mah?

過(kè) 信心(sìnsim) ê 生活(sengoa̍h) 是(sī) 無(bô) khah 短(té) ê 路(lō͘) thang 行(kiâⁿ)，信心(sìnsim) ê 生活(sengoa̍h) 是(sī) 聖潔(sèngkiat)、勝利(sènglī) ê 一生(itseng) 所(só͘) 絕對(choa̍ttùi) 需要(suiàu) ê。咱(lán) 必須(pitsu) 有(ū) 一段(chi̍ttoāⁿ) 單獨(tanto̍k) kap 上帝(siōngtè) tīteh ê 深思(chhimsu) 時間(sîkan)。咱(lán) ê 靈魂(lênghûn) 需要(suiàu) kap 伊(i) 作伙(choèhé) tī 山頂(soaⁿténg) á 是(sī) 大(toā) 石頭(chio̍hthâu) ê 音影(imiáⁿ) 中(tiong) 感受(kámsiū) tio̍h 安寧(anlêng) ê 時(sî) chūn。咱(lán) 需要(suiàu) tī 烏暗(o͘àm) 遮蓋(jiakhàm) 大(toā) 地(toē) 一切(itchhè)，萬物(bānbu̍t) lóng 靜靜(chēngchēng)，星光(chhiⁿkng) teh 照(chiò) 過(kè) 暝(mî)。這(che) hō͘ 咱(lán) ê 眼光(gánkong) 看(khoàⁿ) khah 闊(khoah)，顯(hián) 出(chhut) 無限(bûhān) kap 永遠(éngoán)。Chiahê 種種(chióngchióng) 事(sū) lóng 是(sī) 親像(chhinchhiūⁿ) 食物(chia̍hmi̍h) 對(tùi) 咱(lán) ê 身體(sinthé) 所(só͘) bōethang 欠缺(khiàmkheh)。

咱(lán) 若(nā) 有(ū) chit 款(khoán) kap 上帝(siōngtè) 同在(tôngchāi) ê 感受(kámsiū)，咱(lán) ê 靈魂(lênghûn) 就(chiū) 永遠(éngoán) bōe 動搖(tōngiâu)，咱(lán) beh 親像(chhinchhiūⁿ) 詩篇(siphian) 所(só͘) 講(kóng) ê「耶和華(Iâhôhoa) ah!你(lí) 是(sī) 近(kūn) 近(kūn)。」(詩篇119:151) ──F. B. Meyer

有(ū) ê 人(lâng) ê 心(sim) 親像(chhinchhiūⁿ) 夜來香(iālâihiong)，tī 人生(jînseng) 陰暗(imàm)、暗暝(àmmî) ê 時(sî)，開(khui) kah 特別(te̍kpia̍t) ê súi。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com