《台語荒漠甘泉（漢羅版）》

 | | | 轉寄

koh活

作者 陳清俊 譯 林俊育 漢羅翻寫 2010.04.25

listen
四月二五(四月二十五日)

「有(ū) 抹大拉(Boa̍ttāilah) ê 馬利亞(Málīa)，kap 別(pa̍t) 個(ê) 馬利亞(Málīa) tī hia，坐(chē) tī 墓(bōng) ê 對面(tùibīn)。」(馬太27:61)

Ah，人(lâng) tī 悲哀(piai) ê 時(sî)，真(chin) oh 去(khì) 看(khoàⁿ) 清楚(chhengchhó)，oh 明白(bêngpe̍k)，oh 去(khì) 了解(liáukái)！悲傷(pisiong) hō͘ 人(lâng) 頭殼(thâukhak) 空空(khangkhang)，無(bô) 願意(goānì) 去(khì) 學(o̍h)，去(khì) 明白(bêngpe̍k) tāichì。悲哀(piai) ê 婦女(hūlú)「坐(chē) tī 墓(bōng) ê 對面(tùibīn)」，in kiám 會(oē) 看(khoàⁿ) tio̍h 兩(nn̄g) 千年(chhengnî) 後(āu) ê 勝利(sènglī) 成果(sêngkó) mah?除了(tûliáu) chhē 無(bô) 基督(kitok)，in kiám 有(ū) 看(khoàⁿ) tio̍h 甚麼(símmi̍h) mah?

你(lí) 我(goá) 所(só͘) 知(chai) ê 基督(kitok) 就(chiū) 是(sī) tùi in 所(só͘) 失去(sitkhì) ê，tùi in ê 悲傷(pisiong)，有(ū) 真(chin) chōe 哀痛(aithòng) 傷心(siongsim) ê 人(lâng) 看(khoàⁿ) tio̍h koh 活(oa̍h) ê ǹg 望(bāng)。抹大拉(Boa̍ttāilah) ê 馬利亞(Málīa) 傷心(siongsim) 到(kàu) 無(bô) 看(khoàⁿ) tio̍h koh 活(oa̍h) ê 開始(khaisí)。In 想(siūⁿ) 是(sī) 性命(sìⁿmiā) ê 結束(kiatsok)，卻(khiok) 是(sī) 基督(kitok) 做(choè) 王(ông) 受(siū) 加冕(kabián) ê 準備(chúnpī)。基督(kitok) 恬恬(tiāmtiām) 受釘(siūtèng)，等待(tánthāi) 伊(i) koh 活(oa̍h) ê 大(toā) 能力(lêngle̍k)。

婦女(hūlú) 無(bô) 看(khoàⁿ) tio̍h chit 點(tiám)，in 哀痛(aithòng)、啼哭(thîkhàu)、走去(cháukhì)，koh 傷心(siongsim) 回(hoê) 到(kàu) 墳墓(hûnbōng) hia。總是(chóngsī) 所(só͘) 看(khoàⁿ) ê，iáu 只是(chísī) 一個(chi̍tê) 墓(bōng) nātiāⁿ，無(bô) 聲音(siaⁿim)，無(bô) 兆頭(tiāuthâu)。

咱(lán) 也(iā) 是(sī) siâng 款(khoán)，每(múi) 一(chi̍t) 人(lâng) tī 家己(kakī) ê 花園(hoehn̂g) 裡(nih)，坐(chē) tī 墳墓(hûnbōng) 對面(tùibīn)，講(kóng)：「Chitê 慘劇(chhámkio̍k) 是(sī) 無(bô) 伊(i) ê，無(bô) 辦法(pānhoat) thang 補救(pó͘kiù) ê，我(goá) 看(khoàⁿ) bōe tio̍h 有(ū) 甚麼(símmi̍h) 利益(līek)，也(iā) bōethang tùi 伊(i) 來(lâi) 得(tit) tio̍h 安慰(anùi)。「總是(chóngsī) tī 咱(lán) siōng 沉重(tîmtāng)、siōng 悲傷(pisiong) ê 逆境(ge̍kkéng) 中(tiong)，咱(lán) ê 基督(kitok) tī hia，等待(tánthāi) koh 活(oa̍h)。

Tī 咱(lán) 差不多(chhaputto) beh 死(sí) 去(khì) ê 時(sî) chūn，咱(lán) ê 救主(kiùchú) tī hia。咱(lán) 希望(hibōng) ê 盡尾(chīnbé)，beh 看(khoàⁿ) tio̍h siōng 光明(kongbêng) ê 光輝(konghui) 開始(khaisí) 出現(chhuthiān)。Tī siōng 烏暗(o͘àm) 中(tiong)，是(sī) 準備(chúnpī) siōng 燦爛(chhànlān) ê 光(kng) 出現(chhuthiān)。一旦(ittàn) 咱(lán) 得(tit) tio̍h 體驗(thégiām)，就(chiū) 會(oē) 發現(hoathiān) 咱(lán) ê 花園(hoehn̂g) ê 景色(kéngsek) 無(bô) hō͘ 墳墓(hûnbōng) 破壞(phòhoāi)。

帶(toà) 有(ū) 悲傷(pisiong) ê 喜樂(hílo̍k)，chitê 喜樂(hílo̍k) kohkhah 有(ū) 意義(ìgī)。當(tng) 上帝(siōngtè) ê 喜樂(hílo̍k) 種(chèng) tī 咱(lán) ê 周圍(chiuûi)，咱(lán) ê 悲傷(pisiong) beh kohkhah 燦爛(chhànlān) 光明(kongbêng)。起頭(khíthâu) 花園(hoehn̂g) ê 花(hoe) 可能(khólêng) m̄ 是(sī) 咱(lán) 所(só͘) 心愛(simài) ê，咱(lán) beh 學習(ha̍ksi̍p) tio̍h hiahê 生(siⁿ) tī 心(sim) 中(tiong) ê 花(hoe)。Tī 墳墓(hûnbōng) 邊(piⁿ) 基督徒(kitoktô͘) 心(sim) 中(tiong) 所(só͘) 栽種(chaichèng) ê 花(hoe)，有(ū) 疼(thiàⁿ)、ǹg 望(bāng)、信心(sìnsim)、喜樂(hílo̍k) kap 平安(pêngan)。

Chit 條(tiâu) 憂傷(iusiong) ê 路橋(lō͘kiô)，
基督(kitok) 進入(chìnji̍p) 安歇(anhioh)，
Tī chia，是(sī) teh chhē 玫瑰(mûikùi) 花(hoe)，
Á 是(sī) 受(siū) 祝福(chiokhok) ê 地(toē)？
天堂(thiantông) siōng 白(pe̍h) ê 百合花(pekha̍phoe)，
開(khui) tiàm 人間(jînkan) 患難(hoānlān) 刺(chhì) phòe。
Tī chia，伊(i) 謙卑(khiampi) 背(pē) 十字架(si̍pjīkè)，
Tī hia，有(ū) 王(ông) ê 紫袍(chíphàu) 穿(chhēng) teh。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com