《台語荒漠甘泉（漢羅版）》

 | | | 轉寄

祈禱受阻擋

作者 陳清俊 譯 林俊育 漢羅翻寫 2010.05.16

listen
五月十六(五月十六日)

「但以理(Tānílí) ah，m̄ 免(bián) 驚(kiaⁿ)；因為(inūi) 對(tùi) 你(lí) 頭一日(thâuchi̍tji̍t) 專心(choansim) ài 明白(bêngpe̍k) ，koh 家己(kakī) 謙卑(khiampi) tī 你(lí) 上帝(siōngtè) ê 面前(bīnchêng) ê 時(sî)，你(lí) ê 話(oē) 已經(íkeng) 得(tit) tio̍h 聽見(thiaⁿkìⁿ) ；Koh 我(goá) 因為(inūi) 你(lí) ê 話(oē) chiah 來(lâi)。若是(nāsī) 波斯(Phosu) 國(kok) ê 人君(jînkun) 阻擋(chó͘tòng) 我(goá) 二十一(jīcha̍pit) 日(ji̍t)。」(但以理10:1213)

Chit 段(toāⁿ) ê 經文(kengbûn) 是(sī) 真(chin) 奇妙(kîbiāu) ê 祈禱(kîtó) 教示(kàsī)，講(kóng) 出(chhut) 撒旦(Sattàn) 會(oē) 直接(ti̍tchiap) 阻擋(chó͘tòng) 咱(lán) ê 生活(sengoa̍h)。但以理(Tānílí) 禁食(kìmchia̍h) 祈禱(kîtó) 二十一(jīcha̍pit) 日(ji̍t)，照(chiàu) 聖經(sèngkeng) ê 記載(kìchài)，發生(hoatseng) 困難(khùnlân) ê 原因(goânin) m̄ 是(sī) 因為(inūi) 但以理(Tānílí) ê 無(bô) 好(hó)，也(iā) m̄ 是(sī) 伊(i) ê 祈禱(kîtó) 無(bô) 適當(sektòng)，是(sī) 出(chhut) tī 撒旦(Sattàn) 特別(te̍kpia̍t) ê 攻擊(kongkek)。

主(Chú) 已經(íkeng) 派(phài) 天使(thiⁿsài) kā 但以理(Tānílí) 講(kóng)，你(lí) 一(chi̍t) 開始(khaisí) 祈禱(kîtó)，上帝(siōngtè) 就(chiū) 答應(tapèng) 你(lí) ê 祈禱(kîtó)，總是(chóngsī) tī 路(lō͘) 中(tiong)，好(hó) ê 天使(thiⁿsài) 受(siū) pháiⁿê 天使(thiⁿsài) 阻擋(chó͘tòng)，相(saⁿ) ián iânchhiân 時間(sîkan)，這(che) 是(sī) 天頂(thiⁿténg) ê 衝突(chhiongthu̍t)。但以理(Tānílí) 痛苦(thòngkhó͘) 祈禱(kîtó) ê 時(sî)，伊(i) tī 地上(tē chiūⁿ) 也(iā) 經驗(kenggiām) tio̍h siâng 款(khoán) 性質(sèngchit) ê 阻擋(chó͘tòng) kap 衝突(chhiongthu̍t)。

「因為(inūi) 咱(lán) ê 交戰(kauchiàn) m̄ 是(sī) 抵敵(títe̍k) 血氣(hiatkhì) ê，就(chiū) 是(sī) 抵敵(títe̍k) chiahê 辦(pān) 正事(chèngsū) ê，chiahê 掌權(chiángkoân) ê，kap chitê 暗(àm) 世(sè) chiahê 君王(kunông)，以及(íki̍p) 天(thiⁿ) 中(tiong) pháiⁿê 神類(sînlūi)。」(以弗所6:12)撒旦(Sattàn) ê 攻擊(kongkek) kap 爭戰(chengchiàn)，hō͘ 祈禱(kîtó) 延長(iântiông) 相(saⁿ) 禮拜(lépài) ê 時間(sîkan) chiah 得(tit) tio̍h 回答(hoêtap)。但以理(Tānílí) 差不多(chhaputto) beh 失敗(sitpāi)lah，撒旦(Sattàn) ài beh kā 伊(i) thâi 死(sí)，當然(tongjiân)，上帝(siōngtè) 無(bô) 容允(iôngún) 事(sū) ê 發生(hoatseng) 是(sī) 但以理(Tānílí) 所(só͘) bōethang 忍受(jímsiū) ê。(參考哥林多前書10:13)

信徒(sìntô͘) 真(chin) chōe 祈禱(kîtó) 受(siū) 撒旦(Sattàn) ê 阻擋(chó͘tòng)，但是(tānsī) 你(lí) 免驚(biánkiaⁿ) 無(bô) 回答(hoêtap) ê 祈禱(kîtó) 囤(tún) 到(kàu) 一(chi̍t) 大(toā) 堆(tui)，無久(bôkú)，答覆(taphok) beh 親像(chhinchhiūⁿ) 大(toā) 水(chúi) 緊緊(kínkín) 到(kàu)。Chit 時(sî)，上帝(siōngtè) ê 回答(hoêtap) m̄ nā 緊緊(kínkín) 到(kàu)，伊(i) 新(sin) ê 祝福(chiokhok) 也(iā) tàutīn 到(kàu)。──tùi一篇講道集

地獄(tē ge̍k) 對(tùi) 上帝(siōngtè) ê 聖徒(sèngtô͘) siōng 努力(ló͘le̍k) teh 做(choè) 工(kang)，ài khiú in 入去(ji̍pkhì)。Lú 有(ū) 價值(kèta̍t) ê 靈魂(lênghûn)，lú 受(siū) khah 大(toā) ê 壓力(aple̍k)，khah 大(toā) ê 熱(joa̍h)，總是(chóngsī) 天頂(thiⁿténg) ê 主(Chú) bōe 放(pàng) sak in。──William L. Watkinson


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com