天國ê歌
五月三十(五月三十日)
「Hitê 詩 ( si ) 無 ( bô ) 人 ( lâng ) 會 ( oē ) 學習 ( ha̍ksi̍p ) ,獨獨 ( to̍kto̍k ) tùi 地上 ( tē chiūⁿ ) 受 ( siū ) 買 ( boé ) 出 ( chhut ) ê 十四 ( chapsì ) 萬 ( bān ) 四 ( sì ) 千 ( chheng ) 人 ( lâng ) 會 ( oē ) nātiāⁿ。」(啟示錄 ( khésīlio̍k ) 14:3)
有 ( ū ) 一 ( chi̍t ) kóa 歌 ( koa ) 只有 ( chíū ) tī 山谷 ( soaⁿkok ) (幽谷 ( iukok ) )chiah 學 ( o̍h ) 會曉 ( oē hiáu ) ,無 ( bô ) 音樂 ( imga̍k ) 學校 ( ha̍khāu ) 會 ( oē ) 教 ( kà ) chiahê 歌 ( koa ) ,也 ( iā ) 無 ( bô ) 甚麼 ( símmi̍h ) 樂理 ( ga̍klí ) 會 ( oē ) hō͘ in 唱 ( chhiùⁿ ) 到 ( kàu ) 完美 ( oânbí ) 。這 ( che ) 音樂 ( imga̍k ) 是 ( sī ) tī 學習 ( ha̍ksi̍p ) 人 ( lâng ) ê 心 ( sim ) 中 ( tiong ) ,由 ( iû ) 個人 ( kòjîn ) 經驗 ( kenggiām ) 來 ( lâi ) 記 ( kì ) tiâutiâu ê,是 ( sī ) 表現 ( piáuhiān ) 出 ( chhut ) in 早前 ( cháchêng ) ê 陰影 ( imiáⁿ ) 憂傷 ( iusiong ) ,也 ( iā ) 是 ( sī ) 唱 ( chhiùⁿ ) 出 ( chhut ) in 以前 ( íchêng ) ê 向上 ( hiòngsiōng ) teh 飛 ( pe ) ê 歡喜 ( hoaⁿhí ) 。
Tī chitê 經文 ( kengbûn ) ,約翰 ( Iokhān ) kā 咱 ( lán ) 講 ( kóng ) ,連 ( liân ) tī 天頂 ( thiⁿténg ) ,也 ( iā ) 只有 ( chíū ) 由 ( iû ) 地上 ( tē chiūⁿ ) 救贖 ( kiùsio̍k ) 來 ( lâi ) ê 人 ( lâng ) chiah 會曉 ( oē hiáu ) 唱 ( chhiùⁿ ) 出 ( chhut ) chit 條 ( tiâu ) 歌 ( koa ) ,是 ( sī ) 勝利 ( sènglī ) ê 歌 ( koa ) ,基督 ( kitok ) tháu 放 ( pàng ) 咱 ( lán ) 自由 ( chūiû ) ê 凱旋 ( kháisoân ) 歌 ( koa ) 。Chitê 勝利 ( sènglī ) kap 自由 ( chūiû ) 是 ( sī ) tùi 過去 ( kèkhì ) ê 綑縛 ( khúnpa̍k ) 受 ( siū ) tháu 放 ( pàng ) ê 記憶 ( kìek ) 來 ( lâi ) 產生 ( sánseng ) ê。
天使 ( thiⁿsài ) ,連 ( liân ) 天使長 ( thiⁿsàitiúⁿ ) 也 ( iā ) bōe 唱 ( chhiùⁿ ) 出 ( chhut ) chit 條 ( tiâu ) 歌 ( koa ) hiahnih súi。In 若 ( nā ) beh 唱 ( chhiùⁿ ) ,in 是 ( sī ) 需要 ( suiàu ) 經歷 ( kengle̍k ) tio̍h 咱 ( lán ) 所 ( só͘ ) 受 ( siū ) ê 試煉 ( chhìliān ) ,這 ( che ) 是 ( sī ) 無 ( bô ) 可能 ( khólêng ) 。只有 ( chíū ) 是 ( sī ) 背 ( pē ) 十字架 ( si̍pjīkè ) ê kiáⁿ 兒 ( jî ) chiah 會 ( oē ) 學 ( o̍h ) 唱 ( chhiùⁿ ) chit 首 ( siú ) 歌 ( koa ) 。
所以 ( só͘í ) ,真愛 ( chinài ) ê 朋友 ( pêngiú ) ,你 ( lí ) chit 時 ( sî ) tútú teh 上 ( siōng ) 天父 ( Thiⁿpē ) ê 音樂 ( imga̍k ) 課 ( khò ) 。Tī 你 ( lí ) 看 ( khoàⁿ ) bōe tio̍h ê 詩班 ( sipan ) 接受 ( chiapsiū ) 唱歌 ( chhiùⁿkoa ) ê 訓練 ( hùnliān ) 。合唱 ( ha̍pchhiùⁿ ) 裡 ( nih ) ,有 ( ū ) ê 部分 ( pō͘hūn ) 只有 ( chíū ) 你 ( lí ) 會曉 ( oē hiáu ) 唱 ( chhiùⁿ ) ,有 ( ū ) ê 音 ( im ) 是 ( sī ) 低 ( kē ) 到 ( kàu ) 天使 ( thiⁿsài ) 唱 ( chhiùⁿ ) bōe 出 ( chhut ) ,有 ( ū ) ê 音 ( im ) 是 ( sī ) 高 ( koâiⁿ ) 到 ( kàu ) 只有 ( chíū ) 天使 ( thiⁿsài ) chiah 能 ( oē ) 唱 ( chhiùⁿ ) 。但是 ( tānsī ) ,ài 記得 ( kìtit ) ,siōng 深沉 ( chhimtîm ) ê 音 ( im ) 是 ( sī ) 你 ( lí ) ê,只有 ( chíū ) 你 ( lí ) 能 ( oē ) 唱 ( chhiùⁿ ) 。
你 ( lí ) ê 天父 ( Thiⁿpē ) túteh 訓練 ( hùnliān ) 你 ( lí ) 唱 ( chhiùⁿ ) 天使 ( thiⁿsài ) 所 ( só͘ ) bōe 曉 ( hiáu ) 唱 ( chhiùⁿ ) ê 歌 ( koa ) ,伊 ( i ) ê 音樂 ( imga̍k ) 學院 ( ha̍kīⁿ ) 是 ( sī ) 憂傷 ( iusiong ) ê 學校 ( ha̍khāu ) 。人 ( lâng ) bat 講 ( kóng ) 伊 ( i ) 用 ( ēng ) 悲傷 ( pisiong ) 來 ( lâi ) 苦楚 ( khó͘chhó͘ ) 你 ( lí ) ,實際 ( si̍tchè ) 情形 ( chênghêng ) 並 ( pēng ) m̄ 是 ( sī ) ánni,伊 ( i ) 是 ( sī ) 用 ( ēng ) 痛疼 ( thiàⁿthàng ) 來 ( lâi ) 教育 ( kàuio̍k ) 你 ( lí ) ,hō͘ 你 ( lí ) 會 ( oē ) 得 ( tit ) tio̍h 優秀 ( iusiù ) ê 訓練 ( hùnliān ) ,參加 ( chhamka ) 伊 ( i ) 天裡 ( thiⁿnih ) ê 詩班 ( sipan ) 。
伊 ( i ) tī siōng 烏暗 ( o͘àm ) ê 暝間 ( mîkan ) 編寫 ( piansiá ) 你 ( lí ) ê 歌 ( koa ) ,伊 ( i ) tī 幽谷 ( iukok ) 中 ( tiong ) 調整 ( tiâuchéng ) 你 ( lí ) ê 音 ( im ) 。伊 ( i ) tī 暴風 ( po̍khong ) 密雲 ( ba̍thûn ) 中 ( tiong ) 增加 ( chengka ) 你 ( lí ) ê 音程 ( imthêng ) ,音 ( im ) ê 高低 ( koânkē ) ,tī 大 ( toā ) 雨 ( hō͘ ) 中 ( tiong ) hō͘ 你 ( lí ) ê 聲 ( siaⁿ ) kohkhah 優美 ( iubí ) 。伊 ( i ) tī 寒冷 ( hânléng ) 中 ( tiong ) 造 ( chō ) 出 ( chhut ) 你 ( lí ) 音調 ( imtiāu ) ê 感情 ( kámchêng ) 。當 ( tng ) 你 ( lí ) tùi 希望 ( hibōng ) la̍k 落 ( lo̍h ) 到 ( kàu ) 驚惶 ( kiaⁿhiâⁿ ) 中 ( tiong ) ,來 ( lâi ) hō͘ 你 ( lí ) ê 歌詞 ( koasû ) 完整 ( oânchéng ) 、完美 ( oânbí ) 。
Ah,真愛 ( chinài ) ê 靈魂 ( lênghûn ) ah,m̄ thang 看輕 ( khoàⁿkhin ) 你 ( lí ) ê 憂傷 ( iusiong ) ê 學校 ( ha̍khāu ) ,chit 種 ( chióng ) ê 訓練 ( hùnliān ) 能 ( oē ) hō͘ 你 ( lí ) tī 天國 ( thiankok ) ê 歌 ( koa ) 中 ( tiong ) ,擔任 ( tamjīm ) 你 ( lí ) 特殊 ( te̍ksû ) 獨一 ( to̍kit ) ê 部分 ( pō͘hūn ) 。──George Matheson
是 ( sī ) m̄ 是 ( sī ) 半暝 ( poàⁿmî ) 圍困 ( uîkhùn ) 你 ( lí ) ?
烏 ( o͘ ) koh 長 ( tn̂g ) ê 暗暝 ( àmmî ) ?
請 ( chhiáⁿ ) 主 ( Chú ) 來 ( lâi ) 你 ( lí ) 身邊 ( sinpiⁿ ) ,
伊 ( i ) beh hō͘ 你 ( lí ) 新 ( sin ) koh súi ê 歌詩 ( koasi ) 。
伊 ( i ) hō͘ 你 ( lí ) ,相 ( saⁿ ) kap tauh 字 ( jī ) ,
當 ( tng ) 你 ( lí ) 喘氣 ( chhoánkhùi ) 喘 ( chhoán ) bōe 起 ( khí ) ,
伊 ( i ) beh 續接 ( soàchiap ) 落去 ( lo̍hkhì ) ,
歌聲 ( koasiaⁿ ) 合 ( ha̍p ) 做 ( choè ) 一個 ( chi̍tê ) ,你 ( lí ) kap 伊 ( i ) 。
Tī 光明 ( kongbêng ) ê kiáⁿ 兒 ( jî ) ,
有 ( ū ) 真 ( chin ) chōe 歌星 ( koachhiⁿ ) ,
發 ( hoat ) 出 ( chhut ) siōng súi ê 聲音 ( siaⁿim ) ,
Lóng 是 ( sī ) 學習 ( ha̍ksi̍p ) tī 半暝 ( poàⁿmî ) ,
Tī 天父 ( Thiⁿpē ) ê 厝 ( chhù ) ,
有 ( ū ) 真 ( chin ) chōe 美妙 ( bímiāu ) 歌詞 ( koasû ) ,
Tī 暗暗 ( àmàm ) ê 房間 ( pângkeng ) 厝 ( chhù ) ,
一 ( chi̍t ) 音 ( im ) 一 ( chi̍t ) 音 ( im ) teh 練習 ( liānsi̍p ) tàu 句 ( kù ) 。
附註:《荒漠甘泉》漢羅版kap "Hongbô͘ Kamchôaⁿ"全羅版附CD,由人光出版社出版, 歡迎洽購(062356277分機(122~124) , email:book@pctpress.com