《台語荒漠甘泉（漢羅版）》

 | | | 轉寄

上帝是我ê氣力

作者 陳清俊 譯 林俊育 漢羅翻寫 2010.06.27

listen
六月二七(六月二十七日)

「上帝(siōngtè) ah，求(kiû) 你(lí) 堅固(kiankò͘) 你(lí) kā 阮(góan) 所(só͘) 成(chiâⁿ) ê 事(sū)。」 (詩篇(siphian) 68:28)

主(chú) 賜(sù) 我(góa) 內在(lōechāi) ê 力量(le̍kliōng)，hō͘ 我(góa) 有(ū) 能力(lêngle̍k) kap 決斷力(koattòanle̍k) 來(lâi) 過(kè) 生活(sengo̍ah)。伊(i) 也(iā)「tùi 伊(i) ê 靈(lêng)，用(ēng) 權能(kôanlêng) hō͘ 我(góa)(lín)心內(simlāi) 勇健(ióngkiāⁿ)。」(以弗所(íhutsó͘) 3:16)伊(i) 繼續(kèsio̍k) hō͘ 我(góa) 力量(le̍kliōng)，因為(inūi) 伊(i) 有(ū) 無窮盡(bûkiôngchīn) ê 力量(le̍kliōng)，我(góa) 無(bô) 欠缺(khiàmkheh)。

「你(lí) ê 日子(ji̍tchí) 怎樣(cháiⁿiūⁿ)，你(lí) ê 氣力(khùila̍t) 也(iā) beh ánni。」(申命記(sinbēngkì) 33:25)我(góa) ê 意志(ìchì)、感情(kámchêng)、判斷(phòaⁿtòan)、理想(lísióng)，kap 成就(sêngchiū) 有(ū) 夠額(kàugia̍h) hō͘ 我(góa) 一生(itseng) thang 用(ēng)。

「耶和華(iâhôhoa) 是(sī) 我(góa) ê 氣力(khùila̍t)，」(出埃及記(chhutaiki̍pkì) 15:2)伊(i) hō͘ 我(góa) 力量(le̍kliōng) thang 行(kiâⁿ) 長長(tn̂gtn̂g) 直直(ti̍tti̍t) koh 平坦(pîⁿtháⁿ) ê 路(lō͘)，甚至(sīmchì) 行(kiâⁿ) tī 單調(tantiāu) ê 路(lō͘)，無(bô) 彎(oan) 也(iā) 無(bô) oat，hō͘ 我(góa) ê 靈(lêng) 單調(tantiāu) 到(kàu) 鬱卒(utchut)。

耶和華(iâhôhoa) 是(sī) 我(góa) ê 氣力(khùila̍t)，贊(chān) 我(góa) 向上(hiòngsiōng) 行(kiâⁿ)。伊(i) hō͘ 我(góa) ê 力量(le̍kliōng) thang peh tī「天路(thianlō͘) 歷程(le̍kthêng)」所(só͘) 描寫(biâusiá) ê 直直(ti̍tti̍t) koh 崎(kiā)，koh 狹(o̍eh) ê「困難(khùnlân) 山(soaⁿ)」。

耶和華(iâhôhoa) 是(sī) 我(góa) ê 氣力(khùila̍t)，扶(hû) 我(góa) 行(kiâⁿ) 落崎(lo̍hkiā)，當(tng) 我(góa) 一下(chi̍tē) 離開(līkhui) 有(ū) 風光(hongkong)、日頭(ji̍tthâu) ê 高位(kôaiⁿūi)，beh 落去(lo̍hkhì) 狹狹(o̍eho̍eh)、濕濕(sipsip) 熱熱(jia̍tjia̍t) ê 山谷(soaⁿkok)，就(chiū) 心內(simlāi) 會(ōe) 驚(kiaⁿ) 起來(khílâi)。Bat 聽(thiaⁿ) 人(lâng) 講(kóng)：「落崎(lo̍hkiā) ê 路(lō͘) siōng 費(hùi) 體力(théla̍t)，腳(kha) siōng 快(khòai) 酸(sng)。」

耶和華(iâhôhoa) 是(sī) 我(góa) ê 氣力(khùila̍t)，hō͘ 我(góa) 能(ōe) 靜靜(chēngchēng) 坐(chē) teh。這(che) 是(sī) jōa 困難(khùnlân) ê 成就(sêngchiū)！當(tng) 我(góa) 不得不(puttekput) 安靜(anchēng) 無(bô) 振動(tíntāng) ê 時(sî)，我(góa) 常常(siôngsiông) 對(tùi) 人(lâng) 講(kóng)：「我(góa) 親像(chhinchhiūⁿ) 一個(chi̍tê) 老母(lāubú) 靜靜(chēngchēng) 坐(chē) tī 床邊(chhn̂gpiⁿ)，無奈(bûnāi) 看(khòaⁿ) 守(siú) 破病(phòapīⁿ) ê kiáⁿ 兒(jî)，總是(chóngsī) 無(bô) 氣力(khùila̍t) thang 醫治(itī)，我(góa) jōachiâⁿ ài 改變(káipiàn) 一個(chi̍tê) 情形(chênghêng)。」這(che) 是(sī) 一個(chi̍tê) jōa 大(tōa) ê 考驗(khógiām)！靜靜(chēngchēng) 坐(chē) teh 無(bô) 做(chòe) 任何(jīmhô) 事(sū) 是(sī) 需要(suiàu) 極(ke̍k) 大(tōa) ê 意志(ìchì) 力量(le̍kliōng) ah。

「耶和華(iâhôhoa) 是(sī) 我(góa) ê 氣力(khùila̍t)！」咱(lán) 所以(só͘í) 能(ōe) 堪得(khamtit) 承受(sêngsiū)，lóng 是(sī) 出(chhut) tī 上帝(siōngtè)。(參考(chhamkhó) Ṳ 哥林多(kolîmto) 3:5) ──tùi「銀色(gûnsek) 內裡(lāilí)」(The Silver Lining)


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org