《台語荒漠甘泉（漢羅版）》

 | | | 轉寄

M̄ thang心內不平

作者 陳清俊 譯 林俊育 漢羅翻寫 2010.10.10

listen
十月初十(十月十日)

「m̄ thang...心內(simlāi) 不平(putpêng)。」(詩篇(siphian) 37：1)

我(góa) 認為(jīmûi) chit 句(kù) 經文(kengbûn) kap「m̄ thang 偷(thau) the̍h」 (出埃及記(chhutaiki̍pkì) 20：15) siâng 款(khóan)，lóng 是(sī) 上帝(siōngtè) ê 命令(bēnglēng)。心(sim) 不平(putpêng) 是(sī) 甚麼(símmi̍h) 意思(ìsù) neh? 有(ū) 人(lâng) kā 伊(i) hē 定義(tēnggī) 講(kóng)：「伊(i) 會(ōe) hō͘ 人(lâng) 變(piàn) 粗魯(chho͘ló͘)、粗(chho͘) 粗(chho͘)，將(chiong) 家己(kakī) kap 別人(pa̍tlâng) 中間(tiongkan) ê 摩擦(mô͘chhat) 到(kàu) 損害(súnhāi) ê 地步(tē pō͘)。」Kiám m̄ 是(sī) mah? 一個(chi̍tê) ài 受氣(siūkhì)，無理(bôlí) 氣(khùi) koh ài 批評(phoephêng) ê 人(lâng)，m̄ nā hō͘ 本身(púnsin) 消磨(siaumô͘) 氣力(khùila̍t) tī 氣(khùi) phutphut ê 狀態(chōngthài)，也會(iāōe) hō͘ 別人(pa̍tlâng) 真(chin) 討厭(thóià) 無奈(bûnāi)？當(tng) 人(lâng) 憂慮(iulū)、不平(putpêng) ê 時(sî)，會(ōe) hō͘ 別人(pa̍tlâng) 煩惱(hôanló)，無(bô) ài chhap。詩篇(siphian) m̄ nā 是(sī) 講(kóng)：「M̄ thang 因為(inūi) 做(chòe) pháiⁿ ê 人(lâng) 心內(simlāi) 不平(putpêng)。」也(iā) 無(bô) hō͘ 人(lâng) 心(sim) 存(chûn) 不平(putpêng) ê 餘地(ûtē)。心(sim) 懷(hôai) 不平(putpêng) 是(sī) 大(tōa) 有(ū) pháiⁿ 處(chhù)，上帝(siōngtè) 無(bô) ài 咱(lán) 傷害(sionghāi) 家己(kakī) á 是(sī) 別人(pa̍tlâng)。

醫生(iseng) 會(ōe) 對(tùi) 你(lí) 講(kóng)，發(hoat) 一(chi̍t) pái ê 脾氣(phîkhì) 比(pí) 發燒(hoatsio) tùi 身體(sinthé) ê 損害(súnhāi) khah 大(tōa)。經常(kengsiông) 心(sim) 懷(hôai) 不平(putpêng) tùi 身體(sinthé) ê 健康(kiānkhong) 絕對(cho̍attùi) 無(bô) 好(hó)。Tùi 心(sim) 懷(hôai) 不平(putpêng) 發展(hoattián) 落去(lo̍hkhì)，就(chiū) 常常(siôngsiông) 發(hoat) 脾氣(phîkhì)，就是(chiūsī) 受氣(siūkhì)。願(gōan) 咱(lán) 會(ōe) 斷然(tòanjiân) 將(chiong) 伊(i) 放離(panglī)，簡單(kántan) 遵守(chunsiú)「m̄ thang 心內(simlāi) 不平(putpêng)」ê 命令(bēnglēng)。──Margaret Bottome

果園(kóhn̂g) ê 心聲(simsiaⁿ)

青笛(chhiⁿtî) á 對(tùi) 雀鳥(chhekchiáu) á 講(kóng)，
「我(góa) ài 知(chai) chiahê 人類(jînlūi) 為甚麼(ūisímmi̍h) teh 猖狂(chhiongkông)
煩惱(hôanló)、無閒(bôêng)，亂亂(lōanlōan) chông。」

雀鳥(chhekchiáu) á 對(tùi) 青笛(chhiⁿtî) á 回訴(hôesò͘)，
「朋友(pêngiú)，我(góa) 想(siūⁿ) 一定(ittēng) 孤孤(ko͘ko͘)
是(sī) 因為(inūi) in 無(bô) 親像(chhinchhiūⁿ) 咱(lán) 有(ū) 天父(thiⁿpē) ê 照顧(chiàukò͘)。」──Elizabeth Cheney


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org