《台語荒漠甘泉（漢羅版）》

 | | | 轉寄

天有不測風雲

作者 陳清俊 譯 林俊育 漢羅翻寫 2011.01.16

listen
正月十六(一月十六日)

「報頭(pòthâu) 風(hong) 起(khí)。」(馬可(mákhó) 4:37)

人生(jînseng) ê 風颱(hongthai) 忽然(hutjiân) 臨到(lîmkàu) 咱(lán)，親像(chhinchhiūⁿ) 親人(chhinlâng) 死失(sísit) ê 打擊(tákek)，痛苦(thòngkhó͘) ê 失望(sitbōng)，傷心(siongsim) ê 失敗(sitpāi)。有時(ūsî) 災難(chailān) 是(sī) 慢慢(bānbān) 來(lâi)，ná 來(lâi) ná 強(kiông)，強(kiông) kah teh tī 心頭(simthâu)，氣(khùi) lóng 喘(chhóan) bōe 出來(chhutlâi)。

Chiahê 風颱(hongthai) 災難(chailān) 是(sī) 上帝(siōngtè) 用(ēng) 來(lâi) 培養(pôeióng) 咱(lán) 來(lâi) 服事(ho̍ksāi) 伊(i) ê 方法(honghoat)。上帝(siōngtè) 若(nā) 需要(suiàu) 一(chi̍t) 叢(châng) 強(kiông) koh 勇(ióng) ê 橡樹(siōngchhiū)，就(chiū) 會(ōe) 種(chèng) tī 狂風(kônghong) 暴雨(po̍kú) ê 所在(só͘chāi)，樹(chhiū) tī 風雨(honghō͘) 中(tiong) ê 奮鬥(hùntàu)，樹(chhiū) 身(sin) chiah 會(ōe) 勇壯(ióngchòng)，成做(chiâⁿchòe) 上等(siōngténg) ê 木材(bo̍kchâi)。

上帝(siōngtè) 訓練(hùnliān) 一個(chi̍tê) 人(lâng) 出來(chhutlâi) 事奉(sūhōng) 伊(i)，也是(iāsī) 經過(kengkòe) 滿滿(móamóa) ê 奮鬥(hùntàu) kap 艱苦(kankhó͘) ê 操練(chhauliān)。Tī 狂風(kônghong) 暴雨(po̍kú) 打擊(tákek) 中(tiong)，會曉(ōehiáu) 祈禱(kîtó) 講(kóng)：「主(chú) ah，我(góa) 全心(chôansim) 歸(kui) 你(lí)，phah 我(góa)，槌(tûi) 我(góa)，nóa 我(góa)，再造(chàichō) 我(góa)，成做(chiâⁿchòe) 你(lí) 完全(ôanchôan) thang 用(ēng) ê 材料(châiliāu)。」

有(ū) 一(chi̍t) 幅(pak) 圖(tô͘) 描寫(biâusiá) 世界(sèkài) 各種(kokchióng) ê 天才(thianchâi) 大(tōa) 人物(jînbu̍t)，有(ū) gâu 講話(kóngōe) ê 演說家(iánsoatka)，有(ū) 哲學家(tiatha̍kka)，有(ū) 殉道者(sûntōchiá)，每(múi) 一個(chi̍tê) lóng 是(sī) tī 某(bó͘) 一(chi̍t) 方面(hongbīn) 有(ū) 非常(huisiông) ê 成就(sêngchiū)，chit 幅(pak) 圖(tô͘) ê 了不起(liáuputkhí) ê 所在(só͘chāi)，就是(chiūsī) 每(múi) 一(chi̍t) 人(lâng) lóng 是(sī) 經過(kengkòe) 極(ke̍k) 大(tōa) 苦難(khó͘lān) ê 人(lâng)。有(ū) bōethang 入去(ji̍pkhì) 所(só͘) 應允(èngún) 地(tōe) ê 摩西(Mô͘se)，有(ū) 青瞑(chhiⁿmî) ê 詩人(sijîn) Hômá (荷馬(hômá)，Homer)摸(bong) teh 行(kiâⁿ)。有(ū) 一個(chi̍tê) 身材(sinchâi) 高大(kôantōa) ê 主(chú) 耶穌(iâso͘)，伊(i) 特別(te̍kpia̍t) ê 所在(só͘chāi)，就是(chiūsī) 伊(i) ê 面(bīn) 受(siū) 損傷(súnsiong) 比(pí) 別(pa̍t) ê 人(lâng) lóng khah 厲害(līhāi)。Chitê 畫圖家(ōetô͘ka) 可能(khólêng) kā 圖(tô͘) 號(hō) 做(chòe)「暴風雨(pōhongú)」。

大自然(tāichūjiân) 經過(kengkòe) 風吹(hongchhe) 雨淋(hō͘lâm) 後(āu)，kohkhah 美麗(bílē)，大(tōa) 山(soaⁿ) ê súi 也是(iāsī) 受(siū) 風雨(honghō͘) ê 致蔭(tììm)。人生(jînseng) ta̍k 路(lō͘) 英雄(enghiông) 人物(jînbu̍t) kiám lóng m̄ 是(sī) 有(ū) 滿滿(móamóa) 風浪(honglōng)、奮鬥(hùntàu) ê 痕跡(hûnjiah) mah?

你(lí) 一定(ittēng) 經歷(kengle̍k) 過(kè) 風雨(honghō͘) ê 打擊(tákek)，你(lí) 是(sī) m̄ 是(sī) 受傷(siūsiong)，困苦(khùnkhó͘) 倒(tó) 落去(lo̍hkhì)；á 是(sī) 風雨(honghō͘) 將(chiong) 你(lí) 提升(thêseng) 到(kàu) 滿(móa) 有(ū) 太陽(thàiiông) ê 山頂(soaⁿténg)，成做(chiâⁿchòe) 性命(sìⁿmiā) khah 豐盛(hongsēng)，khah 堅固(kiankò͘)，信心(sìnsim) khah 堅定(kiantēng) ê 人(lâng) mah?經過(kengkòe) 風雨(honghō͘) 以後(íāu)，是(sī) m̄ 是(sī) kohkhah 會(ōe) 同情(tôngchêng) 受(siū) 風雨(honghō͘) 打擊(tákek)，傷跡(siongjiah) 滿身(móasin) ê 人(lâng)？

樹頭(chhiūthâu) khiā 有(ū) 在(chāi)，m̄ 驚(kiaⁿ) 樹尾(chhiūbé) 做(chòe) 風颱(hongthai)

上帝(siōngtè) 所(só͘) 栽(chai) ê 樹(chhiū)，
M̄ 驚(kiaⁿ) 狂風(kônghong) 吹(chhe) koh giú，
Ǹg 東(tang) 剖(phòa)，ǹg 西(sai) khiú，
樹葉(chhiūhio̍h) 搖(iô) 來(lâi) 搖(iô) 去(khì) hàiⁿ 韆鞦(chhianchhiu)。
上帝(siōngtè) 所(só͘) 栽(chai) ê 樹(chhiū)，
根(kun) ná 深(chhim)，枝葉(kihio̍h) ná 上( chiūⁿ )，
枝(ki) e ná 闊(khoah)，出(chhut) tī 上帝(siōngtè) ê 手(chhiú)，
Lóng 是(sī) 樹(chhiū) á 所(só͘) 需求(sukiû)。

上帝(siōngtè) 所(só͘) 疼(thiàⁿ) ê 樹栽(chhiūchai)，
無(bô) 甚物(símmi̍h) 力(la̍t) 會(ōe) kā 傷害(sionghāi)，
雷(lûi) kòng、sihná 電(tiān)、雨(hō͘) 沖( chhiâng)、風颱(hongthai)，
過了(kèliáu)，猶原(iûgôan) 自在(chūchāi)。
上帝(siōngtè) 所(só͘) 疼(thiàⁿ) ê 樹栽(chhiūchai)，
每(múi) pái 風雨(honghō͘) 後(āu)，猶(iáu) khiā 在在(chāichāi)，
Tùi 頭日(thâuji̍t) 到(kàu) 末(bo̍at) 世界(sèkài)，
時時(sîsî) teh 長大(tióngtāi)。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org