《台語荒漠甘泉（漢羅版）》

 | | | 轉寄

一支草，一點露

作者 陳清俊 譯 林俊育 漢羅翻寫 2011.01.30

listen 正月三十(一月三十日)

「我(góa) beh tī 以色列(íseklia̍t) 親像(chhinchhiūⁿ) 露水(lō͘chúi)；」(何西阿(hô͘sea) 14：5)

露水(lō͘chúi) 是(sī) 朝氣(tiaukhì)，新鮮(sinsian)，活潑(o̍ahphoat)。上帝(siōngtè) 降(kàng) 露水(lō͘chúi) 是(sī) hō͘ 大地(tōatōe) 更新(kengsin)，潤澤(lūnte̍k) 花草(hoechháu)，有(ū) 性命(sìⁿmiā)。聖經(sèngkeng) 中(tiong) 也(iā) 用(ēng) 露水(lō͘chúi) 表達(piáuta̍t) 屬靈(sio̍klêng) ê 換新(ōaⁿsin) (提多(thêto) 3:5) 講(kóng)：「聖靈(sènglêng) ê 換新(ōaⁿsin)」，就是(chiūsī) 聖靈(sènglêng) ná 露水(lō͘chúi) 灌(kòan) ak tī 人(lâng) ê 靈性(lêngsèng) ê 生活(sengo̍ah)，心靈(simlêng) 復到(hoktò) 得(tit) 氣力(khùila̍t)。

真(chin) chōe 基督徒(kitoktô͘) 工作者(kangchokchiá) 無(bô) 認識(jīmbat)，koh 忽略(hutlio̍k) tùi 天(thiⁿ) 來(lâi) ê 甘露(kamlō͘) 是(sī) 對(tùi) in ê 性命(sìⁿmiā) 有(ū) 相當(siongtong) ê 重要性(tiōngiàusèng)。Soah 失去(sitkhì) 靈命(lêngmiā) ê 更新(kengsin) kap 力量(le̍kliōng)，做工(chòekang) 無(bô) 力(la̍t)，beh 死(sí) beh 死(sí)。

親愛(chhinài) ê 兄弟(hiaⁿtī) ah，你(lí) kiám bat 看(khòaⁿ) tio̍h 一個(chi̍tê) 勞動者(lô͘tōngchiá) kui 日(ji̍t) 作穡(chohsit) 無(bô) 停(thêng)，lóng 無(bô) 食飯(chia̍hpn̄g)；你(lí) kiám bōe 感覺(kámkak) chit 種(chióng) 人(lâng) 真(chin) 戇(gōng) mah?Ánni，上帝(siōngtè) ê 工人(kanglâng) 牧養(bo̍kiúⁿ) 羊群(iûⁿkûn)，卻(khiok) 無(bô) 食(chia̍h) tùi 天(thiⁿ) 來(lâi) ê máná 米糧(bíniû)，你(lí) 想(siūⁿ) in kiám 有(ū) 氣力(khùila̍t) 來(lâi) 做(chòe) 真(chin) 好(hó) ê 工(kang) mah?靈性(lêngsèng) ê 米糧(bíniû) m̄ 是(sī) 久久(kúkú) 食(chia̍h) 一(chi̍t) 遍(piàn) 就(chiū) 有夠(ūkàu)，是(sī) ài 日日(ji̍tji̍t) 得(tit)「甘露(kamlō͘)」靈性(lêngsèng) ê 更新(kengsin)。

性命(sìⁿmiā) 充滿(chhiongmóa) 屬(sio̍k) 天(thiⁿ) ê 能力(lêngle̍k)，日日(ji̍tji̍t) 更新(kengsin)，活潑(o̍ahphoat) 有(ū) 力(la̍t)；比起(píkhí) 日日(ji̍tji̍t) 靈命(lêngmiā) 枯乾(ko͘ta)，無(bô) 力(la̍t) ê 生活(sengo̍ah)；是(sī) 天(thiⁿ) chham 地(tōe) ê chengchha。Ài 得(tit) 甘露(kamlō͘)，tī 暝時(mîsî) 一切(itchhè) lóng 安靜(anchēng) ê 時(sî)，chiah 有(ū) 甘露(kamlō͘) ê 出現(chhuthiān)。草(chháu)、樹葉(chhiūhio̍h) tī 暝時(mîsî)，伊(i) ê 毛管(mn̂gkńg) 開(khui)，接受(chiapsiū) 更新(kengsin) ê 露水(lō͘chúi) ê 灌(kòan) ak，重新(tiôngsin) 得(tit) 力量(le̍kliōng)。Siâng 款(khóan)，安靜(anchēng) thèng 候(hāu) 主(chú)，靈性(lêngsèng) ê 甘露(kamlō͘) chiah 會(ōe) 來臨(lâilîm)，應該(engkai) 安歇(anhioh) tī 伊(i) 面前(bīnchêng)。若是(nāsī) 生活(sengo̍ah) 勞碌(lôlo̍k) 無閒(bôêng)，甘露(kamlō͘) 是(sī) 得(tit) bōe tio̍h。Thèng 候(hāu) 上帝(siōngtè)，hō͘ 伊(i) ê 同在(tôngchāi) 來(lâi) 潤澤(lūnte̍k) 你(lí)，ánni 你(lí) 會(ōe) 帶(tòa) 基督(kitok) 更新(kengsin) kap 氣力(khùila̍t)，繼續(kèsio̍k) 盡(chīn) 你(lí) ê 本分(púnhūn) kap 職責(chitchek)。

Tī 有(ū) 熱氣(jia̍tkhì)，風透(hongthàu) ê 時(sî)，甘露(kamlō͘) bōe 出現(chhuthiān)。氣溫(khìun) ài tāi 先(seng) 降(kàng)，空氣(khongkhì) ài 冷(léng) koh 靜靜(chēngchēng) ê 時(sî)，hitê 看(khòaⁿ) bōe tio̍h ê 水氣(chúikhì) chiah 會(ōe) 結(kiat) 做(chòe) 露水(lō͘chúi)，來(lâi) 潤澤(lūnte̍k) 樹木(chhiūbo̍k)。咱(lán) ê 靈(lêng) 也(iā) tio̍h tī 伊(i) ê 面前(bīnchêng) 完全(ôanchôan) 安靜(anchēng) 落來(lo̍hlâi)，chiah 會(ōe) 得(tit) 上帝(siōngtè) ê 恩典(untián) 所(só͘) 帶來(tòalâi) ê 安歇(anhioh) kap 更新(kengsin)。

賜(sù) 你(lí) 清淨(chhengchēng) ê 露水(lō͘chúi)
直到(ti̍tkàu) 生活(sengo̍ah) 掙扎(chengchat) soah 氣(khùi)，
心靈(simlêng) ê 重擔(tāngtàⁿ) 壓力(aple̍k) lóng 離開(līkhui)，
活(o̍ah) teh 順序(sūnsū) 無(bô) 浪費(lōnghùi)，
見證(kiànchèng) 你(lí) 美好(bíhó)、平安(pêngan) kap 尊貴(chunkùi)。

Tī 我(góa) ê 喘氣(chhóankhùi)，
Phīⁿ tio̍h 你(lí) ê 清涼(chhengliâng) kap 安慰(anùi)，
Hō͘ 感受(kámsiū) 麻痺(bâpì)，心定(simtiāⁿ) 停氣(thêngkhùi)，
經過(kengkòe) 大風(tōahong)、炎火(iāmhé)，地(tōe) 裂開(li̍hkhui)，
聽(thiaⁿ) tio̍h 細細(sòesòe) ê 聲(siaⁿ) tùi 你(lí) ê 嘴(chhùi)。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org