《台語荒漠甘泉（漢羅版）》

 | | | 轉寄

水中經過

作者 陳清俊 譯 林俊育 漢羅翻寫 2011.02.06

listen 二月初六(二月六日)

「伊(i) 將(chiong) 海(hái) 變做(pìⁿchòe) 乾地(tatōe)；in 步行(pō͘kiâⁿ) 過(kè) 河(hô)；tīhia 阮(góan) 因為(inūi) 伊(i) 來(lâi) 歡喜(hoaⁿhí)。」(詩篇(siphian) 66：6)

「步行(pō͘kiâⁿ) 過(kè) 河(hô)」á 是(sī)「經過(kengkòe) 水中(chúitiong)」，chit 句(kù) 話(ōe) 真(chin) 有(ū) 意思(ìsù)。人(lâng) tī 水中(chúitiong) 除了(tûliáu) 驚惶(kiaⁿhiâⁿ)、衝狂(chhiongkông)、失望(sitbōng)，驚(kiaⁿ) 失落(sitlo̍h) 性命(sìⁿmiā)；kiám iáu 有(ū) 甚麼(símmi̍h) 期待(kîthāi) mah?總是(chóngsī) tīchia，以色列(íseklia̍t) 民眾(bînchiòng) 卻(khiok)「來(lâi) 歡喜(hoaⁿhí)」。

Jōachōe 人(lâng) tī chit 種(chióng) 情形(chênghêng) 會(ōe) 想(siūⁿ) tio̍h 本身(púnsin) ê 情景(chêngkéng)，當(tng) 咱(lán) tī 痛苦(thòngkhó͘)、憂傷(iusiong) ê 時(sî)，咱(lán) kiám 會(ōe) 親像(chhinchhiūⁿ) 以色列(íseklia̍t) 人(lâng) 來(lâi) 歡喜(hoaⁿhí)，來(lâi) 唱歌(chhiùⁿkoa)，跳舞(thiàubú) neh?

靠(khò) tio̍h 天父(thiⁿpē) ê 應允(èngún)，伊(i) kap 咱(lán) 何等(hôténg) ê 接近(chiapkūn)。Chiahê 應允(èngún) hō͘ 咱(lán) 頭前(thâuchêng) ê 路得(lō͘tek) tio̍h 光(kng) 照(chiò)。總是(chóngsī) 一旦(ittàn) 環境(khôankéng) 變(piàn) 好(hó)，生活(sengo̍ah) 富裕(hùjū) 後(āu)，咱(lán) 就(chiū) 無(bô) 看見(khòaⁿkìⁿ) 天父(thiⁿpē) ê 應允(èngún)。親像(chhinchhiūⁿ) tī 日時(ji̍tsî) 看(khòaⁿ) bōe tio̍h 星辰(chhiⁿsîn) 一樣(chi̍tiūⁿ)。到(kàu) 天(thiⁿ) 暗(àm)，就是(chiūsī) 憂傷(iusiong) 來臨(lâilîm) ê 時(sî)，眾(chèng) 星辰(chhiⁿsîn) koh tī 天裡(thiⁿnih) 光(kng) nànà，也(iā) 帶(tòa) 天父(thiⁿpē) 寶貴(pókùi) ê 應允(èngún)，來(lâi) 安慰(anùi) 咱(lán)。

雅各(ngákok) tī 雅博(ngáphok ) ê 渡頭(tō͘thâu) 所(só͘) 經歷(kengle̍k) ê:tī 暗時(àmsî)，日頭(ji̍tthâu) 落山(lo̍hsoaⁿ)，主(chú) ê 使者(sùchiá) 出現(chhuthiān)，kap 伊(i) 鬥力(tàula̍t)，相(saⁿ) ián，雅各(ngákok) 來(lâi) khah 贏(iâⁿ)。大(tōa) 祭司(chèsi) 亞倫(alûn) 也是(iāsī) tī 暝時(mîsî)，黃昏(hônghun) ê 時(sî)(出埃及記(chhutaiki̍pkì) 30：8)將(chiong) 會幕(hōebō͘) 聖所(sèngsó͘) ê 燈(teng) 點(tiám) to̍h。基督徒(kitoktô͘) ê 燈(teng) 也是(iāsī) tī 苦難(khó͘lān) ê 暝時(mîsî) 點(tiám) 起來(khílâi)，chitê 時(sî) 照(chiò) tio̍h siōng 光亮(kngliāng)。

使徒(sùtô͘) 約翰(iokhān) 是(sī) tī 被(pī) 放逐(hòngtio̍k) 孤單(ko͘toaⁿ) ê 時(sî)，見(kìⁿ) tio̍h 救贖(kiùsio̍k) 主(chú) tī 榮光(êngkng) 中(tiong) 顯現(hiánhiān)。今(kin) á 日(ji̍t)，咱(lán) 中間(tiongkan) 有(ū) 人(lâng) 也(iā) 生活(sengo̍ah) tī「拔摩(po̍atmô͘)」ê 海島(háitó)(約翰(iokhān) 受(siū) 放逐(hòngtio̍k) ê 所在(só͘chāi))裡(nih)，也(iā) 有(ū) 天父(thiⁿpē) kap 咱(lán) 同在(tôngchāi) ê 無限(bûhān) 光輝(konghui) 回憶(hôeek) 裡(nih)。雖(sui) 是(sī) tī 孤獨(ko͘to̍k)、憂傷(iusiong) 中(tiong)，也(iā) 得(tit) tio̍h 伊(i) 恩典(untián)、慈愛(chûài) ê 拯救(chínkiù)，hō͘ 咱(lán) 脫離(thoatlî) 肉體(jio̍kthé) ê 孤單(ko͘toaⁿ) kap 苦難(khó͘lān)。

今日(kimji̍t) iáu 行(kiâⁿ) tī 世間(sèkan) 痛苦(thòngkhó͘) ê 紅海(ânghái)，á 是(sī) 約但(io̍ktàn) 河(hô) ê 天路客(thianlō͘kheh)，有(ū) jōachōe 人(lâng) 會(ōe) 永遠(éngóan) 記得(kìtit) 天父(thiⁿpē) 偉大(úitāi) 仁慈(jînchû) 美好(bíhó) ê 回憶(hôeek)，thang 見證(kiànchèng) 講(kóng)，阮(góan) beh「行(kiâⁿ) tī 水(chúi) 裡(nih)」ê 見證(kiànchèng)。甚至(sīmchì) 現今(hiānkim) iáu tī 陰陰(imim) 暗暗(àmàm) ê 經歷(kengle̍k) 中(tiong)，海(hái) 湧(éng) tī 四圍(sìûi) hoahoa 哮(háu) ，有(ū) jōachōe 人(lâng) 會(ōe) 停(thêng) 落來(lo̍hlâi) 講(kóng)，阮(góan) beh 因為(inūi) 你(lí) 來(lâi) 歡喜(hoaⁿhí)。──J.R. Macduff

「我(góa) 也(iā) beh tùihia 賞賜(siúⁿsù) 伊(i) 葡萄園(phûtôhn̂g)，koh 賞賜(siúⁿsù) 伊(i) 亞割(akat) ê 山谷(soaⁿkok)，做(chòe) ǹg 望(bāng) ê 門(mn̂g)，伊(i) beh tīhia 應聲(ìnsiaⁿ)，kap 少年(siàuliân) ê 日(ji̍t) 無(bô) kohiūⁿ；」(何西阿(hô͘sea) 2：15)表示(piáusī) 是(sī) 以色列(íseklia̍t) 人(lâng) 當年(tongnî) 受苦(siūkhó͘) ê 國(kok) 會(ōe) 化做(hòachòe) thang 祝福(chiokhok) ǹg 望(bāng) ê 門(mn̂g)。

Tī 水中(chúitiong)，烏暗(o͘àm) 憂傷(iusiong) 中(tiong)，靠(khò) 主(chú) 來(lâi) 歡喜(hoaⁿhí)。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org