《台語荒漠甘泉（漢羅版）》

 | | | 轉寄

開墾山地

作者 陳清俊 譯 林俊育 漢羅翻寫 2011.02.13

listen 二月十三(二月十三日)

「山地(soaⁿtōe) 也(iā) beh 歸(kui) 你(lí)；雖然(suijiân) 是(sī) 樹林(chhiūnâ)，你(lí) 也(iā) thang chhò 伊(i)；伊(i) ê 極頭(ke̍kthâu) 也(iā) beh 屬(sio̍k) 你(lí)。」(約書亞(ioksua) 17：18)

平洋(pîⁿiûⁿ)、山谷(soaⁿkok) tòa 滿(móa) 迦南(kalâm) 人(lâng)，in 有(ū) 鐵車(thihchhia)，強大(kiôngtōa) 有力(ūla̍t)，阻擋(chó͘tòng) lín 前進(chiânchìn)。山地(soaⁿtōe) 開闊(khuikhoah)，滿(móa) 是(sī) 樹(chhiū)，是(sī) 你(lí) 努力(ló͘le̍k) 發展(hoattián) ê 所在(só͘chāi)。

今日(kimji̍t) 當(tng) 你(lí) 發見(hoatkiàn) bōetàng 為(ūi) 上帝(siōngtè) 做工(chòekang)，你(lí) thang 為(ūi) tio̍h hiahê ōetàng ê 人(lâng) 來(lâi) 祈禱(kîtó)。你(lí) bōetàng 用(ēng) 你(lí) ê 力量(le̍kliōng)，你(lí) ê 話語(ōegú) 來(lâi) 推展(thuitián) 地上(tē chiūⁿ) ê 工作(kangchok)，你(lí) thang 用(ēng) 祈禱(kîtó) 來(lâi) 感動(kámtōng) 天裡(thiⁿnih) ê 大(tōa) 力量(le̍kliōng) 來(lâi) 做工(chòekang)。你(lí) 感覺(kámkak) tī 山腳(soaⁿkha) bōetàng 進展(chìntián) 你(lí) ê 事工(sūkang)，有(ū) 生活(sengo̍ah) 壓力(aple̍k)，受(siū) 阻止(chó͘chí)，事事(sūsū) 無(bô) 順利(sūnlī)，你(lí) thang 將(chiong) 眼光(gánkong) ǹg khah koân ê 山地(soaⁿtōe)、天裡(thiⁿnih)，看(khòaⁿ) bōe tio̍h、永久性(éngkiúsèng) ê 境界(kéngkài) 去(khì) 做(chòe)。

人(lâng) 用(ēng) 信心(sìnsim) 來(lâi) 開墾(khaikhún) 山地(soaⁿtōe)，以色列(íseklia̍t) 人(lâng) 知(chai) 山裡(soaⁿnih) 有(ū) chōechōe 資源(chugôan)、財寶(châipó)，有(ū) 豐富(honghù) ê 大(tōa) 樹林(chhiūnâ) 去(khì) 開墾(khaikhún)。上帝(siōngtè) ài in 去(khì) 山裡(soaⁿnih) 開墾(khaikhún) ê 大(tōa) 工作(kangchok)，看(khòaⁿ) 起來(khílâi) 是(sī) 無(bô) 可能(khólêng) ê 大(tōa) 工程(kangthêng)。M̄ 是(sī) beh hō͘ in 驚(kiaⁿ) kah 灰心(hoesim)，反(hóan) tńg 是(sī) beh ài in 有(ū) 信心(sìnsim)，有(ū) 能力(lêngle̍k) 會(ōe) 做(chòe) in 所(só͘) 想(siūⁿ) 講(kóng) 無(bô) 可能(khólêng) ê 事(sū)。Chitê 力量(le̍kliōng) 是(sī) 靠(khò) tio̍h 上帝(siōngtè) 所(só͘) 賜(sù) 聖靈(sènglêng) ê 大能(tāilêng)，chiah 發(hoat) 會(ōe) 出來(chhutlâi)。

人(lâng) 會(ōe) 有(ū) 困難(khùnlân) 是(sī) 為甚麼(ūisímmi̍h)？Ài 咱(lán) 用(ēng) 信心(sìnsim) 靠(khò) 祈禱(kîtó) kap 努力(ló͘le̍k) 工作(kangchok)，上帝(siōngtè) ê 能力(lêngle̍k) 就(chiū) 會(ōe) 顯現(hiánhiān) 出來(chhutlâi)。Tī 山谷(soaⁿkok) 中(tiong) tú tio̍h 四(sì) 面(bīn) 受(siū) 圍困(ûikhùn) mah?「就(chiū) hō͘ 伊(i) 騎(khiâ) tī 地上(tē chiūⁿ) koân ê 所在(só͘chāi)，得(tit) tio̍h 食(chia̍h) 田裡(chhânnih) ê 土產(thó͘sán)；koh hō͘ 伊(i) tùi 石磐(chio̍hpôaⁿ) suh 蜜(bi̍t)，tùi 火石(héchio̍h) suh 油(iû)。」(申命記(sinbēngkì) 32：13)Ài ǹg koân ê 地(tōe)，tùi 石磐(chio̍hpôaⁿ) ni 蜜(bi̍t) 出來(chhutlâi)。人(lâng) 看做(khòaⁿchòe) 無(bô) 可能(khólêng)，lóng beh 變做(pìⁿchòe) 可能(khólêng)。Tùi 山地(soaⁿtōe) 取(chhú) 珍寶(tinpó)。

甚麼(símmi̍h) 橫(hûiⁿ) bōe 過(kè) ê 大(tōa) 水(chúi)，
甚麼(símmi̍h) 鑽(chǹg) bōe 透(thàu) ê 山堆(soaⁿtui)，
阮(góan) 是(sī) 特殊(te̍ksû) 工程(kangthêng) 隊(tūi)，
專門(choanbûn) 做(chòe)「無(bô) 可能(khólêng)」ê 類(lūi)。
──Panama運河(ūnhô) 建築(kiàntio̍k) 工人(kanglâng) ê 歌(koa)


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org