《台語荒漠甘泉（漢羅版）》

 | | | 轉寄

硬心

作者 陳清俊 譯 林俊育 漢羅翻寫 2011.03.13

listen 三月十三(三月十三日)

「主(chú) 上帝(siōngtè)，全能(chôanlêng) ê ah，你(lí) ê 所(só͘) 做(chòe) 大(tōa) koh 奇怪(kîkòai)；歷(le̍k) 世代(sètāi) ê 王(ông) ah，你(lí) ê 道路(tōlō͘) 義(gī) koh 真實(chinsi̍t)。」(啟示錄(khésīlio̍k) 15：3)

下面(ē bīn) 是(sī) 出名(chhutmiâ) ê 傳道者(thôantō͘chiá) Charles H. Spurgeon ê 夫人(hujîn)(伊(i) ê 身體(sinthé) 無(bô) 好勢(hósè) 有(ū) 二十五(jīcha̍pgō͘) 年(nî) 久(kú))所(só͘) 做(chòe) ê 見證(kiànchèng)：

過了(kèliáu) lóng 無(bô) 做(chòe) 甚麼(símmi̍h) ê 一工(chi̍tkang) 了後(liáuāu)，我(góa) 倒(tó) tī 一塊(chi̍ttè) phòng 椅(í) 歇睏(hiohkhùn)。雖然(suijiân) 房間(pângkeng) ê 電火(tiānhé) 真(chin) 光(kng)，總是(chóngsī) 外口(gōakháu) ê 烏暗(o͘àm) 進入(chìnji̍p) 我(góa) ê 身體(sinthé)，soah 遮蓋(jiakhàm) 我(góa) ê 心靈(simlêng) ê 目睭(ba̍kchiu)。我(góa) 極力(ke̍kle̍k) beh 去(khì) khiú hit 雙(siang)「有力(ūla̍t) ê 手(chhiú)」，就是(chiūsī) 常常(siôngsiông) ínchhōa 我(góa) 行路(kiâⁿlō͘) ê 全能(chôanlêng) ê 手(chhiú)，總是(chóngsī) 我(góa) lóng 看(khòaⁿ) bōe tio̍h。

我(góa) 真(chin) 悲傷(pisiong) 來(lâi) 問(mn̄g) 講(kóng)，主(chú) 為甚麼(ūisímmi̍h) ánni 對待(tùithāi) 伊(i) ê 一個(chi̍tê) gínná!伊(i) 為甚麼(ūisímmi̍h) hō͘ 我(góa) tú tio̍h chit 款(khóan) ê 艱難(kanlân)、痛苦(thòngkhó͘)？伊(i) 為甚麼(ūisímmi̍h) 將(chiong) chitê 苦楚(khó͘chhó͘) 久長(kútn̂g) 纏(tîⁿ) tī 我(góa) 身上(sinchiūⁿ)，soah 一直(itti̍t) 無法度(bô͘hoattō͘) 來(lâi) 侍候(sūhāu) 伊(i) ê「需要(suiàu) 人(lâng) 料理(liāulí) ê 奴僕(lô͘po̍k)」？

Chiahê 問題(būntê) 真(chin) 緊(kín) 就(chiū) 得(tit) tio̍h 回答(hôetap)，是(sī) 用(ēng) 真(chin) 奇妙(kîbiāu) ê 言語(giângí) 來(lâi) 回應(hôeèng)，無(bô) 需要(suiàu) 人(lâng) ê 翻譯(hoane̍k)，只要(chíiàu) 用(ēng) 我(góa) 留心(liûsim) 注意(chùì) ê 心靈(simlêng) ê 言語(giângí) 就(chiū) 夠額(kàugia̍h)。Tī chit 段(tōaⁿ) 肅靜(siokchēng) ê 時間(sîkan)，只有(chíū) hiâⁿ 火(hé) 柴(chhâ) teh to̍h 所(só͘) 發出(hoatchhut) phitphitpha̍kpha̍k ê 聲(siaⁿ)。突然(thutjiân) 我(góa) 聽(thiaⁿ) tio̍h 一個(chi̍tê) 溫柔(unjiû) ê 聲音(siaⁿim)，清清(chhengchheng) 楚楚(chhóchhó) ê 音樂(imga̍k)，親像(chhinchhiūⁿ) tī 窗(thang) á kha 有(ū) 鳥(chiáu) á teh 唱出(chhiùⁿchhut) 美好(bíhó) ê 歌調(koatiāu)。

我(góa) 大聲(tōasiaⁿ) 問(mn̄g) 講(kóng)：「這(che) 是(sī) 甚麼(símmi̍h) 聲(siaⁿ)？」Tī chitê 寒冷(hânléng) ê 暗時(àmsî)，絕對(cho̍attùi) 無(bô) 可能(khólêng) 有(ū) 鳥(chiáu) tī 外面(gōabīn) 唱歌(chhiùⁿkoa)。Hitê 溫柔(unjiû) ê 鳥(chiáu) á 歌聲(koasiaⁿ) 又(iū) koh 聽(thiaⁿ) kah 清清(chhengchheng) 楚楚(chhóchhó)，溫柔(unjiû) koh 神祕(sînpì) hō͘ 我(góa) 感覺(kámkak) 真(chin) 稀奇(hikî)。然後(jiânāu) 我(góa) ê 至好(chíhó) 朋友(pêngiú) hoah 講(kóng)，這(che) 是(sī) 壁爐(piahlô͘) 內(lāi) ê hit 支(ki) 柴(chhâ) 所(só͘) 發(hoat) 出來(chhutlâi) ê!爐(lô͘) 火(hé) 將(chiong) 留(lâu) tī 柴(chhâ) 內(lāi)，已經(íkeng) khǹgtī 柴(chhâ) 內(lāi) 久久(kúkú) ê 音樂(imga̍k) 放(pàng) 出來(chhutlâi)。

可能(khólêng) chit 支(ki) 柴(chhâ)，tī 伊(i) 美好(bíhó) ê 時(sî) 有(ū) 聽(thiaⁿ) tio̍h 鳥(chiáu) á khiātī 伊(i) ê 頂面(téngbīn) 唱(chhiùⁿ) chit 條(tiâu) 歌(koa)，伊(i) 記(kì) 起來(khílâi)，收(siu) 起來(khílâi)，隱藏(únchông) 起來(khílâi)。總是(chóngsī) 以後(íāu) 伊(i) 老(lāu) lah，tēng lah，一(chi̍t) 年(nî) koh 一(chi̍t) 年(nî) ê 生(siⁿ) 瘤(liû)，soah 將(chiong) chit 條(tiâu) 歌(koa) 封(hong) 起來(khílâi)，封(hong) kah 密(ba̍t) chiuhchiuh。直到(ti̍tkàu) 火舌(héchi̍h) 來(lâi) 燒(sio) chit 支(ki) 柴(chhâ)，燒(sio) hō͘ 伊(i) 發出(hoatchhut) 歌聲(koasiaⁿ)，成做(chiâⁿchòe) 獻上(hiànchiūⁿ) ê 牲禮(senglé)。Chit 時(sî)，我(góa) chiah 明白(bêngpe̍k)，病痛(pīⁿthiàⁿ) ê 火(hé) hō͘ 咱(lán) ê 內面(lāibīn) 放出(pàngchhut) oló ê 歌聲(koasiaⁿ)，hō͘ 咱(lán) ê 心神(simsîn) 真正(chinchiàⁿ) 得(tit) tio̍h 潔淨(kiatchēng)。咱(lán) ê 父(pē) 上帝(siōngtè) 得(tit) tio̍h 榮耀(êngiāu)。

有(ū) 人(lâng) ná 親像(chhinchhiūⁿ) chit 支(ki) 柴(chhâ)，冷冷(léngléng) tēngtēng，無(bô) 感情(kámchêng)，lóng m̄ bat 唱出(chhiùⁿchhut) 美好(bíhó) ê 歌(koa)。是(sī) 咱(lán) 周圍(chiuûi) ê 炎炎(iāmiām) ê 火(hé) hō͘ 咱(lán) 放出(pàngchhut) 真(chin) 神(sîn) ê 聲調(siaⁿtiāu)，hō͘ 咱(lán) 快快(khòaikhòai) 樂樂(lo̍klo̍k) 來(lâi) 遵行(chunhêng) 伊(i) ê 旨意(chíì)。想(siūⁿ) 到(kàu) chia，壁爐(piahlô͘) ê 火(hé) 繼續(kèsio̍k) teh 燒(sio)。Chit 種(chióng) ê 譬喻(phìjū) 真(chin) 奇妙(kîbiāu)，hō͘ 我(góa) ê 靈(lêng) 甜蜜(tiⁿbi̍t)、sùsī 好勢(hósè)。

「Tio̍h！tī 火(hé) 中(tiong) 唱歌(chhiùⁿkoa)！」天父(thiⁿpē) 有時(ūsî) 用(ēng) 這(che) 唯一(ûiit) ê 方法(honghoat)，教(kà) 咱(lán) 死死(sísí)、冷冷(léngléng)、硬硬(ngīngī) ê 心(sim)，出(chhut) 和諧(hôhâi) ê 歌聲(koasiaⁿ)。所以(só͘í)，hō͘ 火爐(hélô͘)「比(pí) 平常(pêngsiông) 加添(kethiⁿ) 七(chit) 倍(pē) ê 熱(jo̍ah)」(但以理(tānílí) 3：19)


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org