《台語荒漠甘泉（漢羅版）》

 | | | 轉寄

快樂

作者 陳清俊 譯 林俊育 漢羅翻寫 2011.03.20

listen 三月二十(三月二十日)

「親像(chhinchhiūⁿ) 煩惱(hôanló)，其實(kîsi̍t) 常常(siôngsiông) 快樂(khòailo̍k)；親像(chhinchhiūⁿ) sònghiong (散赤(sànchhiah))，其實(kîsi̍t) hō͘ chōechōe 人(lâng) 富(pù)；親像(chhinchhiūⁿ) 無(bô) 有(ū)，其實(kîsi̍t) 是(sī) 無(bô) m̄ 有(ū)。」(Ṳ 哥林多(kolîmto) 6：10)

一個(chi̍tê) 堅強(kiankiông) ê 人(lâng) 是(sī) 無(bô) 隨便(sûipiān) 流目屎(lâuba̍ksái)，但是(tānsī) 基督徒(kitoktô͘) 並(pēng) 無(bô) 禁止(kìmchí) bōesái 哭(khàu)、流目屎(lâuba̍ksái)。心靈(simlêng) 極度(ke̍ktō͘) ê 憂傷(iusiong) 會(ōe) 變成(piànsêng) 靜靜(chēngchēng) bōe 出聲(chhutsiaⁿ)。Ná 親像(chhinchhiūⁿ) 一(chi̍t) 隻(chiah) 羊(iûⁿ) tī 受(siū) 剪(chián) 毛(mn̂g) ê 時(sî)，phi̍hphi̍hchhoah bōe 出聲(chhutsiaⁿ) 一樣(chi̍tiūⁿ)。Tn̄g tio̍h 精神(chengsîn) 受(siū) 考驗(khógiām)，受(siū) 極(ke̍k) 大(tōa) ê 苦難(khó͘lān) ê 時(sî)，咱(lán) thang 大聲(tōasiaⁿ) 求叫(kiûkiò)，啼哭(thîkhàu) 來(lâi) 得(tit) tio̍h tháu 放(pàng)。總是(chóngsī) iáu 有(ū) 比(pí) chitê khah 好(hó) ê 辦法(pānhoat)。

Bat 聽講(thiaⁿkóng)，甜蜜(tiⁿbi̍t) ê 清泉(chhengchôaⁿ) 是(sī) tùi 鹹鹹(kiâmkiâm) ê 海水(háichúi) 來(lâi) ê。Koân 山裡(soaⁿnih) siōng súi ê 花(hoe)，是(sī) 生(siⁿ) tī siōng 荒廢(honghùi)，siōng 無(bô) 人(lâng) 到(kàu)，危險(gûihiám) ê 山間(soaⁿkan) 中(tiong)。Siōng súi ê 詩歌(sikoa)，是(sī)tùi受(siū) 極(ke̍k) 痛苦(thòngkhó͘) ê 靈魂(lênghûn) 所(só͘) 產生(sánseng) ê。

願(gōan) 這(che) 情形(chênghêng) iáu teh 繼續(kèsio̍k)，tī chōechōe 試煉(chhìliān) 中(tiong)，疼(thiàⁿ) 主(chú) ê 靈魂(lênghûn) 會(ōe) 發現(hoathiān)，chhē 出(chhut) 無數(bûsò͘)「tio̍h tiô 跳(thiàu)，歡喜(hoaⁿhí) kap 快樂(khòailo̍k)」ê 理由(líiû)。「水(chúi) chhiâng 發聲(hoatsiaⁿ)，深淵(chhimian) 響應(hiángèng)」(詩篇(siphian) 42：7)，對(tùi) 主(chú) 來(lâi) oló ê 歌(koa)，清涼(chhengliâng) ê 聲(siaⁿ) beh 常常(siôngsiông) 聽(thiaⁿ) tio̍h。當(tng) 咱(lán) tī siōng 困難(khùnlân) 痛苦(thòngkhó͘) ê 時(sî)，咱(lán) iáu 會(ōe) 發出(hoatchhut) 感謝(kámsiā) oló 天父(thiⁿpē) 上帝(siōngtè)，咱(lán) ê 主(chú) ê 歌聲(koasiaⁿ)。

你(lí) 有(ū) 得(tit) tio̍h chit 號(hō) ê 教示(kàsī) 無(bô)？咱(lán) m̄ nā ài 忍耐(jímnāi)，聽(thiaⁿ) thàn 主(chú) ê 旨意(chíì)，kohkhah tio̍h 進一步(chìnchi̍tpō͘)「滿滿(móamóa) 有(ū) 榮光(êngkng) ê 喜樂(hílo̍k)」(I 彼得(pítet) 1：8)，為(ūi) tio̍h 這(che) 來(lâi) 歡喜(hoaⁿhí) 快樂(khòailo̍k)。

煩惱(hôanló) 憂傷(iusiong) ê 重擔(tāngtàⁿ)，受傷(siūsiong) ê 心境(simkéng)，
嘴(chhùi) 合(ha̍p) tiâutiâu，目屎(ba̍ksái)kâm tī目睭(ba̍kchiu) 內(lāi) ê 情形(chênghêng)，
無言(bûgiân) 無(bô) 語(gú)，無(bô) 哭(khàu) 無(bô) 求情(kiûchêng)，
我(góa) beh 靜靜(chēngchēng)。

看(khòaⁿ) bōe tio̍h，想(siūⁿ) bōe 開(khui)，
無情(bôchêng) ê 火(hé)，惹起(jiákhí) 內面(lāibīn) 受傷(siūsiong) ê 血(huih)，
失去(sitkhì) 所(só͘) chhun 一點點(chi̍ttiámtiám) á ê 安慰(anùi)，
我(góa) 猶原(iûgôan) 靜靜(chēngchēng) 無(bô) 開嘴(khuichhùi)。

上帝(siōngtè) 是(sī) 疼(thiàⁿ)，我(góa) ài 忍耐(jímnāi)，
我(góa) ê 靈(lêng) 無(bô) giâu 疑(gî)，無(bô) 悲哀(piai)，
我(góa) beh 等待(tánthāi)，
伊(i) ê 手(chhiú) chhun 出來(chhutlâi)。

我(góa) 掙扎(chengchat)，我(góa) 驚惶(kiaⁿhiâⁿ)，
我(góa) iáu 聽(thiaⁿ) 我(góa) ê 心聲(simsiaⁿ)；
用(ēng) 無(bô) koh 有(ū) 目屎(ba̍ksái) ê 目睭(ba̍kchiu) 求叫(kiûkiò) 伊(i) ê 名(miâ)，
講(kóng)，主(chú) ah，願(gōan) 你(lí) ê 旨意(chíì) 得(tit) 成(chiâⁿ)。

無久(bôkú)，我(góa) 受(siū) 押(ap) tiâu ê 心(sim) 講話(kóngōe)，
為何(ūihô) 嘴(chhùi) tutu，面(bīn) 憂憂(iuiu)，目(ba̍k) khoehkhoeh，
我(góa) ê 靈(lêng) ah，咱(lán) khah 好(hó)，起來(khílâi) 做(chòe)，
M̄ thang koh 靜靜(chēngchēng)，ài 快樂(khòailo̍k) tùi 心底(simté)！

Taⁿ 我(góa) 心(sim) 快樂(khòailo̍k) 來(lâi) 唱歌(chhiùⁿkoa)，
M̄ 免(bián) 樂器(ga̍kkhì) 來(lâi) 彈(tôaⁿ)，來(lâi) 伴(phōaⁿ)，
沙漠(soabô͘) 中(tiong) ê 甘泉(kamchôaⁿ)，
雖(sui) 受傷(siūsiong)，iáu beh ná 鷹(eng) 展翼(tiánsi̍t) 飛(pe) ǹg koân 山(soaⁿ)。
──S.P.W.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org