《台語荒漠甘泉（漢羅版）》

 | | | 轉寄

試煉kap恩賜

作者 陳清俊 譯 林俊育 漢羅翻寫 2011.04.10

listen 四月初十(四月十日)

「我(góa) beh 對(tùi) 上帝(siōngtè) 講(kóng)，莫得(bo̍htit) 定(tiāⁿ) 我(góa) 有(ū) 罪(chōe)，tio̍h 指示(chísī) 我(góa)，你(lí) 為甚麼(ūisímmi̍h) 因端(intoaⁿ) kap 我(góa) 爭辯(chengpiān)。」(約伯(iokpek) 記(kì) 10:2)

受(siū) 試煉(chhìliān) ê 人(lâng) ah，這(che) 可能(khólêng) 是(sī) 主(chú) beh 用(ēng) 試煉(chhìliān) 來(lâi) 送(sàng) 你(lí) 恩賜(unsù)；無(bô) 試(chhì)，恩賜(unsù) bōe 發見(hoatkiàn)。你(lí) kiám m̄ 知(chai)，你(lí) ê 信心(sìnsim) tī 熱天(jo̍ahthiⁿ) 時(sî) 無(bô) 親像(chhinchhiūⁿ) tī 冬天(tangthiⁿ) 時(sî) hiah 大(tōa)？你(lí) ê 疼痛(thiàⁿthàng) 親像(chhinchhiūⁿ) 火金姑(hékimko͘) ê 光(kng)，tī 烏烏(o͘o͘) 暗暗(àmàm) ê 時(sî) chiah 看(khòaⁿ) 會(ōe) tio̍h ah。你(lí) ê ǹg 望(bāng) 親像(chhinchhiūⁿ) 天頂(thiⁿténg) ê 星(chhiⁿ)，tī 順境(sūnkéng) ê 日光(ji̍tkng) nih 看(khòaⁿ) 無(bô)，只有(chíū) 是(sī) tī 逆境(ge̍kkéng) ê 烏暗暝(o͘àmmî) chiah 看(khòaⁿ) 會(ōe) tio̍h。苦難(khó͘lān) 就是(chiūsī) 烏色(o͘sek) ê 底(té) tì，天父(thiⁿpē) beh 將(chiong) hō͘ 伊(i) ê 恩賜(unsù) ê 寶石(póchio̍h) 鑲(siuⁿ) tī 苦難(khó͘lān) 中(tiong)，beh kohkhah 來(lâi) 顯出(hiánchhut) 伊(i) ê 寶貝(pópòe)、燦爛(chhànlān)。

你(lí) kiám m̄ 是(sī) chiah 祈禱(kîtó) 講(kóng)：「主(chú) ah，我(góa) 信心(sìnsim) 無(bô) 夠(kàu)，求(kiû) 你(lí) 指示(chísī) 我(góa) án 怎(chóaⁿ) 做(chòe)？」你(lí) ê 祈禱(kîtó)，可能(khólêng) 你(lí) 無(bô) 想(siūⁿ) tio̍h，是(sī) teh 求(kiû) 天父(thiⁿpē) hō͘ 你(lí) tú tio̍h 考驗(khógiām) ah。信心(sìnsim) 無(bô) 受(siū) 考驗(khógiām)，thài 會(ōe) 知(chai) 信心(sìnsim) ê 存在(chûnchāi) neh?天父(thiⁿpē) 常常(siôngsiông) 用(ēng) 考驗(khógiām)，來(lâi) hō͘ 咱(lán) ê 恩賜(unsù) 得(tit) 顯現(hiánhiān)。M̄ 若是(nāsī) 恩賜(unsù) 得(tit) 顯現(hiánhiān)，咱(lán) 也會(iāōe) tī 恩惠(unhūi) 經驗(kenggiām) 中(tiong) 得(tit) tio̍h 真正(chinchiàⁿ) ê 長進(tióngchìn)。

上帝(siōngtè) 無(bô) 用(ēng) 舒適(susek)，堂皇(tônghông) ê 布棚(pò͘pîⁿ) 來(lâi) 訓練(hùnliān) 伊(i) ê 兵丁(pengteng)。反(hóan) tńg 是(sī) ài in 經過(kengkòe) 長途(tn̂gtô͘) ê 行軍(hêngkun)，艱苦(kankhó͘) ê 勞動(lôtōng)。Ài in 行過(kiâⁿkè) 溪(khoe)，泅(siû) 過(kè) 河(hô)，peh 過(kè) 大(tōa) 山(soaⁿ)，背(pē) 重重(tāngtāng) ê 包袱(pauho̍k)，行(kiâⁿ) 長長(tn̂gtn̂g) hō͘ 人(lâng) 厭倦(iàsiān) ê 路(lō͘)。

親愛(chhinài) ê 基督徒(kitoktô͘)，這(che) 是(sī) m̄ 是(sī) 你(lí) 目前(ba̍kchêng) 所(só͘) 受(siū) 困苦(khùnkhó͘) ê 原因(gôanin)？是(sī) m̄ 是(sī) 天父(thiⁿpē) teh 對付(tùihù) 你(lí) ê 原因(gôanin)？──Charles H. Spurgeon

Ài 知(chai)，撒旦(sattàn) 無(bô) chhē 你(lí)，無(bô) 攪擾(kiáujiáu) 你(lí)，並(pēng) m̄ 是(sī) 證明(chèngbêng) 你(lí) 是(sī) 得(tit) 福氣(hokkhì) ê。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org