《台語荒漠甘泉（漢羅版）》

 | | | 轉寄

信

作者 陳清俊 譯 林俊育 漢羅翻寫 2011.05.01

listen 五月初一(五月一日)

「就是(chiūsī) 無(bô) 白賊(pe̍hchha̍t) ê 上帝(siōngtè) tī 永(éng) 世代(sètāi) ê tāi 先(seng) 所(só͘) 應允(èngún) ê;」(提多(thêto) 1：2)

信(sìn)，m̄ 是(sī) 照(chiàu) 你(lí) ê 想像(sióngsiōng) á 是(sī) 推理(thuilí) 所(só͘) 會(ōe) 發生(hoatseng) ê tāichì。信(sìn)，是(sī) 對(tùi) 上帝(siōngtè) ê 應允(èngún) 確信(khaksìn) 無(bô) 疑(gî)，因為(inūi) 相信(siongsìn) 上帝(siōngtè) 所(só͘) 講(kóng) ê 話(ōe) 確實(khaksi̍t)，來(lâi) 歡喜(hoaⁿhí)，koh 心安(siman) 理得(lítek)。

信(sìn)，是(sī) 將(chiong) 所(só͘) 應允(èngún) ê，事先(tāiseng) 知(chai)，做(chòe) 預言(īgiân)。應允(èngún) 需要(suiàu) 咱(lán) ê 合作(ha̍pchok)，咱(lán) 真正(chinchiàⁿ) 相信(siongsìn) 伊(i)，chiah 成做(chiâⁿchòe) 預言(īgiân)，咱(lán) ài 有(ū) chit 種(chióng) ê 確信(khaksìn)，努力(ló͘le̍k) 向前(hiòngchêng) 來(lâi) 做(chòe)。因為(inūi) 上帝(siōngtè) 無(bô) 白賊(pe̍hchha̍t)。─tùi「Tī地(tōe) ná tī 天(thiⁿ)」(from Days of Heaven upon Earth)

我(góa) 常常(siôngsiông) 聽(thiaⁿ) 人(lâng) 祈禱(kîtó) 求(kiû) khah 大(tōa) ê 信心(sìnsim)，khah 詳細(siôngsè) 聽(thiaⁿ) in ê 祈禱(kîtó) 了後(liáuāu)，知(chai) in 祈禱(kîtó) ê 目的(bo̍ktek)，根本(kunpún) m̄ 是(sī) beh 求(kiû) khah 大(tōa) ê 信心(sìnsim)；in 所(só͘) 求(kiû) ê，不過(putkò) 是(sī) ài 實現(si̍thiān) in ê 心(sim) 所(só͘) 想(siūⁿ) ê 而已(jîí)。

信心(sìnsim) m̄ 是(sī) 講(kóng)：「我(góa) 看(khòaⁿ) 這(che) 是(sī) 對(tùi) 我(góa) 有(ū) 好處(hóchhù)，上帝(siōngtè) 一定(ittēng) 會(ōe) 賞賜(siúⁿsù)。」反(hóan) tńg 是(sī) 應該(engkai) ài 講(kóng)：「這(che) 是(sī) 上帝(siōngtè) 所(só͘) 賞賜(siúⁿsù)，一定(ittēng) 對(tùi) 我(góa) 有(ū) 幫贊(pangchān)。」

有(ū) 信心(sìnsim) ê 人(lâng)，tī 烏暗中(o͘àmtiong) kap 主(chú) 同行(tângkiâⁿ)，只要(chíiàu) 伊(i) kā 伊(i) ê 手(chhiú) 掠(lia̍h) tiâutiâu 就(chiū) 夠額(kàugia̍h) lah。──Phillips Brooks

大(tōa) 牧者(bo̍kchiá) 無(bô) 要求(iaukiû) 你(lí)，
信(sìn) 家己(kakī)，反(hóan) tńg 是(sī) 信靠(sìnkhò) 伊(i)；
這(che) 是(sī) 伊(i) 講(kóng)：「來(lâi) 我(góa) chia」ê 意義(ìgī)。
暝日(mîji̍t) chhē 求(kiû) 伊(i) ê 旨意(chíì)，
將(chiong) 信(sìn) ê khangkhè 交(kau) hō͘ 耶穌(iâso͘) 而已(jîí)。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org