《台語荒漠甘泉（漢羅版）》

 | | | 轉寄

靜靜

作者 陳清俊 譯 林俊育 漢羅翻寫 2012.02.05

listen
二月初五(二月五日)

「Lín 出 來(chhutlâi) m̄免(bián) 著 急(tio̍hkip)，也(iā) m̄免(bián) 逃 走(tôcháu)。」(以賽亞(ísàia) 52:12)

我(goá) bōethang 了 解(liáukái)，「靜 靜(chēngchēng)」á是(sī)「安 靜(anchēng)」會(oē) 產 生(sánseng) 奇 妙(kîbiāu) ê 力 量(le̍kliōng)。常 常(siôngsiông) 咱(lán) 倉 倉(chhongchhong) 狂 狂(kôngkông) 做(choè) 事(sū)，soah 失去(sitkhì) hō͘ 上 帝(siōngtè) 來(lâi) 做(choè) ê 機會(kihoē)。你(lí) 知(chai) 上 帝(siōngtè) bōe 對(tùi) 你(lí) 講(kóng)：「安 靜(anchēng) 落來(lo̍hlâi)」，「靜 靜(chēngchēng)」，á是(sī)「khiā tiàm hia mái 振 動(tíntāng)」，除非(tûhui) 伊(i) 是(sī) beh 做(choè) lah。基督徒(kitoktô͘) 所(só͘) 犯(hoān) ê 錯 誤(chhòngō͘)，就 是(chiūsī) 咱(lán) 掠 做(lia̍hchoè) 不 管 時(putkoánsî) 一定(ittēng) ài 做(choè) 甚 麼(símmi̍h)，soah 無(bô) hō͘ 伊(i) 來(lâi) tàu saⁿkâng。

你(lí) tī hip相(siōng) ê 時(sî)，會(oē) khiāteh lóng 無(bô) 振 動(tíntāng)，hō͘ 你(lí) ê 模樣(bô͘iūⁿ) hip 入去(ji̍pkhì) 相 片(siòngphìⁿ)。天父(thiⁿpē) hō͘ 咱(lán) 一個(chi̍tê) 永 遠(éngoán) ê 旨意(chíì)，就 是(chiūsī) 效 法(hāuhoat) 伊(i) ê kiáⁿ ê 款 式(khoánsek)。(羅馬(lômá) 8:29)Beh ài 做 到(choèkàu) chit 點(tiám)，咱(lán) 需要(suiàu) khiāteh 無(bô) 振 動(tíntāng)。常 常(siôngsiông) 聽(thiaⁿ) 人(lâng) 講(kóng) ài 活 動(oa̍htāng)，其實(kîsi̍t) 咱(lán) 所(só͘) ài 學(o̍h) ê，是(sī)「安 靜(anchēng)」。

Kiáⁿ ah!靜 靜(chēngchēng) 坐(chē)，坐(chē) 靜 靜(chēngchēng)!
當 等(tngtán) ê 時(sî) m̄是(sī) 無(bô) 路 用(lō͘iōng)!
Siōng 疼(thiàⁿ) 你(lí) ê 父(pē)，為(ūi) 你(lí) 計畫(kèoē) 前 程(chiânthêng)，
無(bô) bōe 記得(kìtit) 你(lí) ê 求 情(kiûchêng)。
若(nā) ài 等(tán)，時間(sîkan) beh 證 明(chèngbêng)，
軟(nńg)chiáⁿ ê kiáⁿ ah!體 驗(thégiām) siōng 疼(thiàⁿ) 你(lí) ê，ê 心 情(simchêng)。

Kiáⁿ ah!靜 靜(chēngchēng) 坐(chē)，靜 靜(chēngchēng) chhāi!
主(chú) ê 旨意(chíì)，渴 慕(khakbō͘) 去(khì) 了 解(liáukái)，
操 煩(chhauhoân) 暗暗(àmàm) 進 入(chìnji̍p) 來(lâi)，
因為(inūi) 你(lí) ê 延遲(iântî)，耐 心(nāisim) 消 失(siausit)，失敗(sitpāi)，
單 純(tansûn) ê 神(sîn) ài 你(lí) 靜 靜(chēngchēng) 自 在(chūchāi)，
Bat 你(lí) 疼(thiàⁿ) 你(lí) ê 主(chú) 會(oē) 做(choè) siōng 好(hó) 安排(anpâi)。

Kiáⁿ ah!靜 靜(chēngchēng) 坐(chē)，無(bô) 搖 動(iôtāng)！
M̄ thang 動(tāng)，一步(chi̍tpō͘) mā mài 動(tāng)，
伊(i) 開 路(khuilō͘)，súi koh 美 夢(bíbāng)！
你(lí) 心(sim) 歡 喜(hoaⁿhí)，腳(kha) 輕 快(khinkhoài)，輕 鬆(khinsang)，
內心(lāisim) 強 大(kiôngtoā) 好 孔(hókhang)！
Thènghāu ê 時(sî) 無(bô) 算(sǹg) 空 空(khangkhang)。

Kiáⁿ ah!靜 靜(chēngchēng) 坐(chē)，靜 靜(chēngchēng) 倒(tó)！
無(bô) 有(ū) 事 奉(sūhōng) 比(pí) 這(che) khah 好(hó)，
是(sī) 真(chin) oh!寶貴(pókùi) 物(mi̍h) lóng ài 代價(tāikè) 高(ko)。
驚(kiaⁿ) 損 失(súnsit) ê 就(chiū) beh 損 失(súnsit)，消 無(siaubô)，
是(sī) 難(lân)，是(sī) 真 實(chinsi̍t)，總 是(chóngsī) 伊(i) ê 恩惠(unhūi)，平 和(pênghô)
Hō͘ siōng 困 難(khùnlân) 變 做(pìⁿchoè) siōng 甜(tiⁿ) siōng 寶(pó)。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org