《台語荒漠甘泉（漢羅版）》

 | | | 轉寄

我ê恩典夠額你用

作者 陳清俊 譯 林俊育 漢羅翻寫 2012.08.05

listen
八月初五(八月五日)

「有(ū) 我(góa) ê 恩(un)，你(lí) 就(chiū) 夠 額(kàugia̍h)。」 (哥林多(kolîmto) 後(āu) 書(chu) 12:9)

上 帝(siōngtè)「歡 喜(hoaⁿhí)」(哥林多(kolîmto) 前(chêng) 書(chu) 1:21)將(chiong) 我(góa) ê 像(siōng) 細 漢(sòehàn) ê kiáⁿ兒(jî) 帶(tòa) 離開(līkhui) chitê 世界(sèkài)，chitê 嚴 重(giâmtiōng) ê 考 驗(khógiām) hō͘ 我(góa) 真(chin) 痛 苦(thòngkhó͘)。我(góa) 將(chiong) 細 細(sòesòe) ê 屍體(sithé) hē 入(ji̍p) tī 墓(bōng) 裡(nih) 以後(íāu)，tùi 教 堂(kàutn̂g) ê 墓 地(bōngtē) tńg來(lâi) ê 時(sî)，有(ū) 一個(chi̍tê) 力 量(le̍kliōng) ài 我(góa) ǹg 會 眾(hōechiòng) 宣 講(soankóng) 受(siū) 苦 難(khó͘lān) ê 意義(ìgī)。

我(góa) 發 見(hoatkiàn) 後(āu) ê 禮拜日(lépàiji̍t) 主 日 學(chúji̍to̍h) ê 課題(khòtê) 是(sī)「我(góa) ê 恩(un)，夠 額(kàugia̍h) 你(lí) 用(ēng)」我(góa) 就(chiū) 用(ēng) 伊(i) 做(chòe) 題目(têba̍k)，是(sī) 主(chú) tùi 會 眾(hōechiòng) tùi 我(góa) ê 信息(sìnsit)。總 是(chóngsī) 我(góa) 準 備(chúnpī) 講(kóng) 章(chiuⁿ) ê 時(sî)，發 見(hoatkiàn) 我(góa) 並(pēng) 無(bô) 真 正(chinchiàⁿ) chit 種(chióng) ê 生 活(sengoa̍h) 體 驗(thégiām)。我(góa) 跪落(kūilo̍h)，求(kiû) 主(chú) hō͘ 伊(i) ê 恩 典(untián) 對(tùi) 我(góa) 有(ū) 夠 額(kàugia̍h) 用(ēng)。我(góa) teh 求(kiû) ê 時(sî)，目 睭(ba̍kchiu) phah 開(khui) 一下(chi̍tē) 看(khòaⁿ)，chit 句(kù) 經 文(kengbûn) 已經(íkeng) 裝 框(chngkheng) 掛(kòa) tī 壁 頂(piahténg)。是(sī) 我(góa) ê 老母(lāubú) 兩(nn̄g) 三(saⁿ) 工(kang) 前(chêng) hō͘ 我(góa) ê，hit 時(sî) 我(góa) iáu 是(sī) tī 失去(sitkhì) kiáⁿ 度假(tō͘ká) ê 所 在(só͘chāi)，人(lâng) 無(bô) tī 厝 裡(chhùni̍h)。我(góa) 請(chhiáⁿ) 人(lâng) kā 伊(i) 掛(kòa) 起來(khílâi)，但是(tānsī) 無(bô) 注意(chùì)tio̍h 頂 面(téngbīn) ê 字(jī)。Chit 時(sî) 我(góa) giâ 頭(thâu) 一下(chi̍tē) 看(khòaⁿ)，hiahê 字(jī) 就(chiū) tī 眼 前(gánchêng)。「我(góa) ê 恩 典(untián) 是(sī) 夠 額(kàugia̍h) 你(lí) 用(ēng)。」

「是(sī)」是(sī) 用(ēng) 明 顯(bênghián) ê 綠 色(le̍ksek) 寫(siá)，「我(góa) ê」kap「你(lí)」koh 用(ēng) 另 外(lēnggōa) 一(chi̍t) 色(sek) 標(piau) 出 來(chhutlâi)。有(ū) 一個(chi̍tê) 信息(sìnsit) 馬 上(másiōng) 入(ji̍p) 我(góa) ê 心 靈(simlêng) 內(lāi)，ná 親 像(chhinchhiūⁿ) 責 備(chekpī) 我(góa) 為甚麼(ūisímmi̍h) 要求(iaukiû) 主(chú)「hō͘ 你(lí) ê 恩 典(untián) 夠 額(kàugia̍h) 我(góa) 用(ēng)」，我(góa) 差 不 多(chhaputto) thang 聽 見(thiaⁿkìⁿ) 伊(i) ê 答 覆(taphok)：「你(lí) thài 會(ōe) 要求(iaukiû) 已經(íkeng)『是(sī)』ê 物 件(mi̍hkiāⁿ) neh?」我(góa) bōe hō͘ 我(góa) ê 恩 典(untián) 比(pí) 我(góa) 已經(íkeng) hō͘ 你(lí) ê khah 充 足(chhiongchiok)。起來(khílâi)，信(sìn) 伊(i)。你(lí) 能(ōe) 發 現(hoathiān) 這(che) 是(sī) 真 真(chinchin) 實實(si̍tsi̍t) ê 生 活(sengoa̍h) 經 驗(kenggiām)。

主(chú) ê 話(ōe) 講(kóng) 得(tit) 真(chin) 簡 單(kántan)，「我(góa) ê 恩 典(untián) 是(sī)，(m̄ 是(sī) 將 來(chionglâi)，á是(sī) 可 能(khólêng))，夠 額(kàugia̍h) 你(lí) 用(ēng)」，hit 時(sî) 起(khí)，「我(góa) ê」「你(lí)」kap「是(sī)」chit 三(saⁿ) 字(jī) 就(chiū) 永 遠(éngoán) 刻(khek) tī 我(góa) ê 心內(simlāi)，bōe 無去(bôkhì)。感 謝(kámsiā) 主(chú)，tùi hit 工(kang) 起(khí)，我(góa) 一直(itti̍t) 努力(ló͘le̍k) 生 活(sengoa̍h) tī hitê 真理(chinlí) ê 實 在(si̍tchāi) 裡(nih)。

Chitê 經 驗(kenggiām) hō͘ 我(góa) kap 我(góa) 所(só͘) 想(siūⁿ) beh 傳 達(thoânta̍t) hō͘ 人(lâng) ê 教示(kàsī) 是(sī)：莫 得(bo̍htit) 將(chiong) 上 帝(siōngtè) 已經(íkeng) 實 行(si̍thêng) ê 事(sū) iáu teh 希 望(hibōng)，iáu teh 求(kiû)，應 該(engkai) 爽 爽(sóngsóng) 快快(khoàikhoài) 接 受(chiapsiū) chitê 現 實(hiānsi̍t)。你(lí) 就(chiū) 會(ōe) 發 現(hoathiān) 只要(chíiàu) 你(lí) 相 信(siongsìn)，上 帝(siōngtè) ê 恩 典(untián) 夠 額(kàugia̍h) 你(lí) 用(ēng)。──H.W. Webb Peploe

擔(tàⁿ) ná 重(tāng)，恩 典(untián) ná 得(tit) the̍h，
工(kang) lú 做(chòe)，力 量(le̍kliōng) lú 加(ke)，
痛 苦(thòngkhó͘) 增 加(chengka)，憐憫(lînbín) khah chōe，
試 煉(chhìliān) 加倍(kapē)，平 安(pêngan) 也(iā) 加倍(kapē)。

當(tng) 忍耐(jímnāi) 到(kàu) 限度(hāntō͘)，bōe 擋(tòng)，
當(tng) 力 量(le̍kliōng) 半(pòaⁿ) 工(kang) 就(chiū) 無(bô) 路 用(lō͘iōng)，
當(tng) 所有(só͘ū) 資 源(chugoân) 用(ēng) 到(kàu) 盡(chīn)pōng，
天父(thiⁿpē) 豐 富(honghù) ê 賞 賜(siúⁿsù) chiah 開始(khaisí) 行 動(hêngtōng)。

伊(i) ê 疼(thiàⁿ) 無 限 量(bûhānliōng)，koh 有(ū) bōe 測 度(chhekto̍k) ê 恩(un)，
伊(i) 賜(sù) 人(lâng) 無 限(bûhān) 力 量(le̍kliōng) 長 長(tn̂gtn̂g) 久久(kúkú)，
Tī 耶穌(iâso͘) 內(lāi)，無 窮(bûkiông) ê 豐 富(honghù)，
伊(i) 賞 賜(siúⁿsù)，koh 賞 賜(siúⁿsù)，再(chài) 賞 賜(siúⁿsù)。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org