《台語荒漠甘泉（全羅版）》

 | | | 轉寄

"Siōngtè ê si̍tchāi"

作者 陳清俊 翻譯 2010.09.26

listen

Káu ge̍h jīla̍k (Káu ge̍h jīcha̍pla̍k ji̍t)

"Inūi goán teh kiâⁿ, sī tùi sìn m̄ sī tùi só͘ khòaⁿ." (Ṳ Kolîmto 5:7)

Chòe chi̍t ê kitoktô͘, lán kiâⁿ tāichì sī chiàu sìnsim, m̄ sī tùi khòaⁿkìⁿ ê, Siōngtè éng bô ài lán pêng kámkak lâi kiâⁿ sū chòe lâng. Tī lán lāibīn ê chūngó͘ ài lán pêng kámkak, sattàn iā sī ài lán chiàu kámkak, tānsī Siōngtè ài lán bīntùi sūsi̍t, m̄ sī kámkak. I ài lán bīntùi Kitok, I ūi lán oânsêng oânchoân ê kang. Lán ittān bīntùi chiah ê pópòe ê sūsi̍t, koh siongsìn Siōngtè só͘ kóng chiah ê sūsi̍t, I ōe chiàukò͘ lán ê kámkak kap kámsiū.

Siōngtè m̄ bat ài lán ēng kámkak lâi sìnkhò I. I iā bô hō͘ lán kámkak kóng lán sī íkeng oânchoân sìnkhò I. Tng I khòaⁿ lán ê sìnkhò m̄ sī chiàu kámkak, chiah ōe hō͘ lán ū kámkak, hit sî, lán ê sìnkhò sī sìnkhò I ê ōe, sìnkhò chunsiú I ê èngún. Chiah ê I só͘ sù ê kámkak chíū tī I ê thiàⁿ tùi kòpa̍t ê chōnghóng siōng iúlī ê sî chiah siúⁿsù.

Só͘í lán bīntùi kámkak kap bīntùi Siōngtè ê si̍tchāi chi kan ê soánte̍k. Lán ê kámkak thang kóng sī chhinchhiūⁿ háiiûⁿ, liûsoa hiahnih bô khókhò, putsî teh piànhòa, tānsī Siōngtè ê si̍tchāi chhinchhiūⁿ bānkó chio̍hpôaⁿ hiahnih khókhò, "Iâso͘ Kitok, chāji̍t kin'áji̍t tâng chi̍t iūⁿ, ti̍t kàu tāitāi." (Hipeklâi 13:8)

O͘àm jiacha̍h I thiàⁿthàng ê bīn,
Góa tī I bōepiàn ê untián anbîn,
Múi pái po̍khong tōahō͘ chhiong kínkín,
Góa thang anún hioh tī I lāibīn.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org