《台語荒漠甘泉（全羅版）》

 | | | 轉寄

"Siuchián"

作者 陳清俊 翻譯 2010.09.19

listen

Káu ge̍h cha̍pkáu (Káu ge̍h cha̍pkáu ji̍t)

"Góa ê Pē sī chohhn̂g ê lâng." (Iokhān 15:1)

Che sī chi̍t ê anùi ê siūⁿhoat: Lán siū ê khó͘lān bôlūn sī tó chi̍t khoán, lóng sī Siōngtè chhe lâi ê thiⁿsài. Tùi piáubīn khòaⁿ, khó͘lān sánseng thàngthiàⁿ, sīmchì phòhoāi, lāisim khòaⁿ, khiok sī lêngsèng ê kangchok tòa lâi chiokhok. Lán só͘ tit ê hokkhì, chin chōe lóng sī tùi iusiong, thàngthiàⁿ ê kiatkó. Lán éngoán m̄ thang bōekìtit, sèkan siōng tōa ê chiokhok chiūsī lâng tit tio̍h kiùsio̍k, che sī tùi sèchiūⁿ siōngtōa ê iusiong só͘ kiat ê kéchí. Kéchíchhiū suiàu siuchián, kato chián chin chhim chin līhāi, siū chhòngsiong chin tāng, nā chai "Góa ê Pē sī chohhn̂g ê lâng" sī jōachiâⁿ ê anùi ah!

Cha̍pkáu sèkí bé, jīcha̍p sèkí chho͘ Bíkok Ūilí Konghōe chúkàu Bûnseng Iokhān (John Vincent) tòaniá Chúji̍to̍h ūntōng. Ū chi̍tpái kóng tio̍h i khì chi̍t ê tōa unsek, lāibīn nn̄gpêng siⁿ chhut chin tōapha koh súi koh chōe ê phûtô. Unsek ê chúlâng tùi i kóng, "Kìtit hit nî sin ê chohhn̂g lâng lâi ê sî, kóng, i nā bô chiong phûtô tîn tōatōa siuchián, i chiū bô beh chhapchhiú tī chiah ê phûtô ê chaipôe. Góa sūn i ê ì hō͘ i hòngsim khì chòe, kiatkó suijiân ū nn̄gnî lóng bô siusêng, chóngsī hiānchāi lí khòaⁿ tio̍h hit ê sêngkó lah."

Chit ê siuchián ê kò͘sū èngiōng tī kitoktô͘ sengoa̍h sī chin ū ìsù. Siuchián, ná chhinchhiūⁿ húibia̍t phûtôtîn, hn̂gteng (chohhn̂g lâng) ná chhinchhiūⁿ beh lóngchóng tûkhì, chóngsī i khòaⁿ kàu bīlâi, chai phûtôtîn ōe koh hoat, koh chin bō͘sēng, siusêng kohkhah honghù.

Chin chōe ê hokhūn tit bōe tio̍h, tûhui goānì hùchhut thòngkhó͘ ê tāikè, inūi khó͘lān sī îit tit tio̍h chiokhok ê tōlō͘. J.R. Miller

Kap Khoàilo̍k chòehé kiâⁿ,
I chi̍tlō͘ kóngōe lóng bōe tiāⁿ,
Kóng kah hiah chōe kiāⁿ,
Bô chengka tìhūi, chinchiàⁿ.

Kap iusiong tâng chòehé,
Chi̍tlō͘ lóng bô kóngōe,
Tùi i ê piáuhiān lâi théhōe,
Hō͘ góa o̍h chinchōe.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org