《台語荒漠甘泉（全羅版）》

 | | | 轉寄

"TiāmTiām ê le̍kliōng"

作者 陳清俊 翻譯 2012.03.18

listen


Saⁿ ge̍h cha̍ppoeh (Saⁿ ge̍h cha̍ppoeh ji̍t)

"Lí lóng bô ìn mah?" (Mákhó 15:4)

Tī sèngkeng tiong siōng ū khìphek ê chi̍tbō͘ kéng, chiūsī lán ê Chú siū símmn̄g ê sî itti̍t chēngchēng bô èng chi̍t kù ōe. I pún thang hiánchhut I sio̍kthiⁿ ê lêngle̍k, iā thang ū hé itpoaⁿ ê khùila̍t, líkhì, lâi chekpī in, hō͘ in lóng phakpài tī I ê khachêng. Chóngsī I chēngchēng bô hôe chi̍t kù, soah hō͘ in chòechhut siōng pháiⁿ ê kiatkó. I ê chēngchēng ê le̍kliōng, hián chhut Thiⁿpē sèngkiat pênghô ê iûⁿko.

Anchēng ê le̍kliōng hō͘ Thiⁿpē ū kihōe ūi lán kangchok, koh sù lán pêngan. Anchēng ê le̍kliōng hō͘ lán thêngchí ūniōng kèbô͘, thêngchí chūngó͘ piānhō͘, bô koh ēng kakī ê tìhūi phòaⁿtoàn khì chhē kiû chiāmsî ê káikoat honghoat. Hoántńg, anchēng ê le̍kliōng hō͘ Thiⁿpē pêng I bōe hō͘ lâng sitbōng ê sìnsi̍t kap thiàⁿthàng lâi káikoat lán só͘ siū ê khó͘thàng, kap bûchêng tákek.

Ah! Lán siôngsiông ūi kakī ê bo̍kpiau, póhō͘ kakī lâi tákek lâng, soah chó͘gāi tio̍h Siōngtè ūi lán anpâi beh chòe hó koh súi ê kansia̍p. Goān Thiⁿpē sù lán múi chi̍t lâng ū chit chióng anchēng ê le̍kliōng, kap khiampi ê chengsîn. Tng lán tī sèchiūⁿ ê chengchiàn, chhiongthu̍t kèliáu, pa̍tlâng ōe hoâiliām lán chhinchhiūⁿ hoâiliām chákhísî ê lō͘chúi, ji̍tchhut ê hiokkng, pênghô ê liânghong, Kokkokthaⁿ ê iûⁿko, unjiû sèngkiat thiⁿni̍h ê Chíⁿ'á (Húnchiáu) Iâso͘ chi̍tiūⁿ. A. B. Simpson

Hit ji̍t, Iâso͘ tanto̍k khiā,
Lâng sim ná chio̍h kiantiāⁿ,
I kàu sèkan chòe kiùsio̍kchiá,
Hit ji̍t I chēngchēng khiā tī hia.

In chòe ké kanchèng hāmhāi lâng,
Ēng bôchêng soh khúnpa̍k késàng,
Koh kā I hìlāng,
I chēngchēng bô kóng pòaⁿhāng.

In phùi chhùinōa, khiú I thâuchang,
Thoa I hiòng sai koh hiòng tang,
Tùi I bújio̍k, chhē khang chhē phāng,
I chēngchēng bô kóng pòaⁿhāng.

Pêngiú, lí bat inūi siókhóa tāichì
Hoat phîkhì tòngchòe konggī,
Khó͘náu, lâng tùi lí ê biáusī?
I beh chēngchēng bô kóng pòaⁿsi. – L.S.P.

Góa kìtit thiaⁿ kè "Ìntē an (Indian) lâng ê sùtô͘" Bînnesótá (Minnesota) Chúkàu miâkiò Húipo (Whipple) ánni kóng, "Saⁿcha̍p nî lâi, góa tī só͘ bô tôngì góa ê lâng lâi chhē Kitok ê bīn."

Ū chit khoán ê simhoâi, lán chiū ū le̍kliōng thang jímsiū pa̍tlâng ê oe̍h simkoaⁿ, bújio̍k, súnhāi lán ūi Kitok ê kiànchèng ê sū. Lán ê Chú lâi sèkan m̄ sī beh húibia̍t lâng, sī beh chínkiù lâng. W.H. GriffithThomas


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org