《台語荒漠甘泉（全羅版）》

 | | | 轉寄

"Kanlân lâi tit sin ê le̍kliōng"

作者 陳清俊 翻譯 2012.07.29

listen

Chhit ge̍h jīkáu (Chhit ge̍h jīcha̍pkáu ji̍t)

"Lí bat ji̍p seh ê khò͘pâng, … Chiūsī Góa só͘ siukhǹg lâi thènghāu hoānlān ê sî." (Iokpekkì 38:2223)

Lán ê chhìliān sī hó ê kihōe, tānsī lán siôngsiông kā i tòngchòe thatgāi. Nāsī lán bêngpe̍k khùnlân sī Siōngtè ēng lâi chèngbêng I tùi lán ê thiàⁿ, múi chi̍t ê thatgāi chiū sī hiohkhùn ê só͘chāi, iā sī Siōngtè tùi lâng hiánbêng giângú só͘ bōe thang hêngiông ê le̍kliōng. Kású lán chùì I êngkng chokûi ê kìhō, múi chi̍t phìⁿ hûn lóng sī ū khēng, múi chi̍t tiâu khùnlân ê soaⁿlō͘ lóng beh chiâⁿ chòe chiūⁿkoâiⁿ, káipiàn hêngsiōng, tit êngkng ê lō͘.

Khòaⁿ lán ê kèkhì, ōe hoathiān, tng lán jímsiū siōngtōa ê aple̍k, múi chi̍t tiâu lō͘ lóng bōe thong ê sî, chiūsī Thiⁿpē ūi lán chòe chûài ê sū, sù lán siōng honghù untián ê sî.

Siōngtè ê siōng bílē ê póchio̍h, ēng siōng chho͘ló͘ ê pauchong, ēng siōng oh tùihù ê lâng sàng lâi ê. Chóngsī lán tī pauchong ê lāibīn ōe hoatkiàn ôngkiong ê pópòe kap Chú sinlông ê thiàⁿ.

Lán pitsu sìnkhò Chú kiâⁿ tī o͘àm tiong, sīmchì tī kanlân ê chênghêng iā ēng bô iôtāng ê sìnsim chunkèng I. Chit chióng sìnsim ê siúⁿsù ná chhinchhiūⁿ chi̍t chiah ōaⁿmn̂g ê tōa engchiáu só͘ tit tio̍h, chiūsī tiôngsin ū chhengchhun kap sin ê khùila̍t. J.R. Macduff

Nāsī lán ōe khòaⁿ bīlâi ê tāichì,
Chhinchhiūⁿ Siōngtè ánni,
Kású só͘ū ê hûn chhekhui, imiáⁿ bô khì,
Lán bô kiaⁿ hiānchāi ê siongpi,
Múi ê hoânló kínkín chiū bōekì,
Ū chōechōe hílo̍k teh tán góa kap lí.

Nāsī lán ōe chai bīlâi ê tāichì,
Chhinchhiūⁿ Siōngtè ánni,
Ūisímmi̍h pópòe sitkhì,
Ūisímmi̍h ba̍ksái chha̍pchha̍ptih,
Ūisímmi̍h o͘àm thàukàu kngbêng;
Ūisímmi̍h àmlō͘ kínkín tit kngliōng,
Jînseng ê óngkhut tit siuchèng,
Sìnsim ánni kóng.

Lán siông kóng, “lán beh khòaⁿ, beh chai sī ánni, …”
Chóngsī Siōngtè ēng thiàⁿ, tī lán lō͘nih hē pò͘lî,
Khòaⁿ bōe tio̍h chêngbīn ū símmi̍h,
Ài lán kínkín khîⁿtiâu tī I,
I chhōa lán kàu chi̍tsì.
Siongsìn kap chunthàn I.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org