《台語荒漠甘泉（全羅版）》

 | | | 轉寄

Anchēng ê Le̍kliōng

作者 陳清俊 翻譯 2007.10.28

listen

Cha̍p ge̍h jīpoeh (Cha̍p ge̍h jīcha̍ppoeh ji̍t)

"Siōngtè ê lînbín chin hongsēng, ūi tio̍h I thiàⁿ lán ê tōa jînài, tng lán tùi kèsit íkeng sí ê sî, chiū hō͘ lán kap Kitok tângoa̍h. Iā hō͘ lán tī Kitok Iâso͘ kap I tâng khílâi, tâng chē tī thiⁿnih." (Íhutsó͘ 2:46)

Che sī tio̍h ê só͘chāi, "kap Kitok tâng chē tī thiⁿnih" anchēng chē tī hia. Chóngsī chin khósioh, chin chió lâng ū chit khoán ê kenggiām. Sūsi̍tsiōng, tōa pō͘hūn ê lâng siongsìn che sī bô khólêng ê, chi̍t hongbīn sengoa̍h tī chit ê hoâncha̍p ê sèkài, koh chi̍t hongbīn anchēng chē tī thiⁿnih.

Ū lâng kóng, tī lépài ji̍t, á sī ū sîchūn, kàu lépàitn̂g ū lêngsèng ê kiôngtiāu, ū oló ê khìhun, chiū ná chhinchhiūⁿ "anchēng chē tī thiⁿnih," che sī khólêng, nāsī kóng kuikang, múi chi̍t kang "chē" tī hia, chiū oânchoân bô siângkhoán. Chóngsī sèngkeng bêngbêng kóng, m̄ sī kannā tī Chúji̍t, sī múichi̍t ji̍t ê sū.

Tng lán tī gōabīn oa̍htāng ê sî, ū pêngchēng ê simlêng sī bôkè chi pó. Bô ū símmi̍h pí simsîn putan, á sī iulū hoânló kohkhah ōe hónggāi tio̍h Siōngtè khòaⁿbōe tio̍h simlêng ê le̍kliōng, inūi lán lóng sī khò che lâi tit tio̍h sêngkong.

Anchēng sī ū chin tōa ê le̍kliōng. Chi̍t ê úitāi ê sìntô͘ kóng, "Hoânnā chai ánchóaⁿ khò Siōngtè kap póchhî anchēng ê lâng, só͘ chòe ê sū lóng sūnlī." Lán nā ōe chai chit ê ìsù, chiū ōe chèngkhak liáukái, anchēng thang tōatōa káipiàn lán ê kangchok hongsek. Bô suiàu kèsio̍k kakī simsîn putan, ló͘le̍k chengchat, lāisim thang "chē" tī Chú ê bīnchêng, hō͘ Sènglêng sio̍k thiⁿ ê le̍kliōng anchēng ūi lán chòe kang, oânsêng lán ê bo̍kpiau kap ǹgbāng.

Lí khólêng khòaⁿ bōe chhut, iā kámkak bōe tio̍h chit ê Siōngtè chēngchēng ê lōechāi le̍kliōng, chóngsī che sī itti̍t teh kangchok, chíiàu lí anchēng lí ê sim hō͘ chit ê chēngchēng ê la̍t tòa lí hiòng chêng. Hannah Whitall Smith

Hongthai ê tiongsim chin òbiāu pêngchēng,
Sòehàn gínná bô tio̍h kiaⁿ, khùn chēngchēng,
Liân thâumn̂g mā póchhî goânhêng,
Tī tōa tńgse̍h soâno tiong ū kîbiāu ê anlêng.

Tī jīmhô ê khoânkéng tiong, tìì ha̍ksi̍p tī Siōngtè lāi ê pêngchēng kap ansiông.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com.tw