《台語荒漠甘泉（全羅版）》

 | | | 轉寄

Siōngtè ê liâm'áto

作者 陳清俊 翻譯 2007.11.11

listen
Cha̍pit ge̍h cha̍pit (Cha̍pit ge̍h cha̍pit ji̍t)

"I beh kànglîm chhinchhiūⁿ hō͘ lo̍h tī íkeng koah ê chháu." (Siphian 72:6)

Amô͘sū kóng tio̍h "kā ông koah chháu" (Amô͘sū 7:1) ê sū. Lán tī thiⁿ nih ê Ông ū chin chōe liâm'á, sîsiông ēng lâi koahchháu. Liâm'á tī tochio̍h bôa ê siaⁿ sī ūkò chinchōe ê hoechháu beh siū koah khílâi. Suibóng tī chákhísî bō͘sēng bílē, bô kúi tiámcheng āu, chiū siū koah, tó lo̍hkhì, ko͘ta.

Jînseng tiong, lán tio̍h ióngkám bīntùi thòngkhó͘ ê liâm'á, sitbāng ê chiánto, kap síbông ê oanto. Chháu nā bô puttoān ê koah, chiū bô chhiⁿchhùi pîⁿpîⁿ nńgnńg chéngchê hókhòaⁿ. Siângkhoán, lán nā bô jímsiū Siōngtè liâmto ê siuchéng, chiū bōe oa̍h chhut pênghêng, unjiû, tôngchêng pa̍tlâng ê sengoa̍h.

Sèngkeng tiong siôngsiông chiong lâng píphēng chháu, Siōngtè ê êngiāu píphēng chòe hoe ê chhànlān. Chháu koah liáuāu, chháuhio̍h iáu teh lâu chiap, pún ū hoe ê só͘chāi iā lóng bôkhì lah. Siōngtè bíhó kàng hō͘ ê sî cheksî kàu, só͘ lo̍h ê sī iùiù unloán ê sio hō͘.

Chhinài ê lêng ah, Siōngtè teh koah lí! Thiⁿténg ê ông tòa liâm'á lâi. Bo̍htit kiaⁿ I ê liâm'á, inūi sòabé tè lâi ê, sī chulūn ê sòehō͘. F.B. Meyer

Bûchêng iusiong ê éng,
Phah tī tasò hongbô͘ ê háihōaⁿ téng,
Khòaⁿ bô hibāng ê chiântêng,
Ná chhinchhiūⁿ po̍khonghō͘ éngoán bōe thêng.

Sèchiūⁿ hoanlo̍k ê poe,
Tam bōe tio̍h oa̍hmiā bílē,
Ǹgbāng, tī putan ê bînbāng tiong siauthè,
Teh thíchhiò lán ê simtē,

Siáng ōe pêngchēng iàsiān simlêng ê chíkhòng?
Siáng ōe thiⁿpó͘ lāisim thòngkhó͘ hikhong?
Siáng ōe ēng éngoán pêngan khinkhin ê siaⁿ kóng,
Pêngchēng hiongkông ê pholōng?

Chí ū I, siūsiong phòachhùi ê sim,
Tòa khó͘chhó͘ ê si̍pjīkè, kap chhìphè ôngbō,
I ê thiàⁿ hoatchhut hílo̍k siaⁿim,
Ūi lán pàngsat I kakī sìⁿmiā lâi síbô.

Sùhok ê Tōaiseng, chiong lán ê tàⁿ tû khì,
Sù lán só͘ kiû ê pêngan kamtiⁿ,
Hō͘ lán khòkūn I kàu chákhísî,
Só͘ ū hûnbū imiáⁿ lóng siaulī.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com.tw