《宋澤萊新著《天路拾穗》TOJ/台灣字版》

 | | | 轉寄

Chútê 27：Sènglêng kám bô beh i hui Kitoktô ê pēⁿchèng?

作者 Sòng Te̍klâi 2026.09.06

27 têba̍k：Sènglêng kám bô beh i hui Kitoktô ê pēⁿchèng?

Chit hāng tāichì mā hoatseng tī 2004 nî chóiū, kângkhoán sī Tân Jînchong bo̍ksu, Ông Sèhun hiaⁿ kah Sêngtek hiaⁿ huhū tiāⁿ lâi goán tau chò katêng chūhōe ê hitê sîchūn.

Tāichì sī ánne, góa ê sèhàn chabó͘ kiáⁿ Bísùn saⁿ hòe chìnchêng ê póbó hiônghiông hoatseng chi̍tê pēⁿchèng, m̄chai ūisiáⁿmi̍h, chit ūi íkeng gō͘ cha̍p gōa hòe ê póbó hiônghiông chhiúkut ê kutthâu phòali̍h, chōnghóng koh huisiông giâmtiōng. Engkai kóng chit chióng kut tn̄g khì kah lóliân kutkeh sesang chèng bô koanhē, sûnchhùi sī sianthiansèng kutkeh iông’ī tn̄g ê goânin só͘ chōsêng.

Bísùn tī saⁿ hòe chìnchêng, lóng sī chit ūi póbó chi̍t chhiú ióng tōa ê. Tongsî, goán huchhe ê hāubū chin bôêng, koh ittēng tio̍h ióngio̍k tiónglâm Kénggî, tiónglí Oántêng, Sūsi̍tsiōng íkeng bô sîkan kah simle̍k chhinchhiú kohchài chiàukò͘ chitê eⁿ’á. Só͘í Bísùn saⁿ hòe chìnchêng, mêji̍t chhaputto lóng tī póbó ê chhù, tio̍hsǹg nn̄g hòe íāu siōng iùtīhn̂g, mā lóng iû póbó chhōa i khì ha̍khāu tha̍kchheh, kantaⁿ tī Pàila̍k kah Lépàiji̍t, goán chiah phō i tńg kàu chhù lâi. Hókachài, póbó ê chhù to̍h tī goán tau hūkīn, ji̍tsiông goán huchhe iáu ētàng siông khì khòaⁿ Bísùn. Ánne kàu saⁿ hòe chiok, Bísùn chiah līkhui póbó ê chhù, oânchoân tńglâi goán ê chhù. Só͘í póbó kah goán itti̍t îchhî chin hó ê koanhē, tio̍hsǹg kàu Bísùn cha̍p hòe chóiū ê 2004 nî, goán iáu sī ónglâi bô thêng, chhaputto to̍h sī chi̍tke lâng, Bísùn chóng sī kā póbó tòngchò i ê "a'má" lâi khòaⁿthāi.

Tng góa thiaⁿ kóng póbó kut tn̄g khì ê sî, to̍h chin thè i hoânló, inūi nîkí tōa ā, chit chióng pēⁿ koh khah ū uihia̍p sèng. Góa kah Jînchong bo̍ksu, Sèhun hiaⁿ sûisî chiū kiâⁿ kàu póbó ê chhù, siūⁿ beh thè i kîtó.

Tng goán ta̍h ji̍pkhì póbó ê chhù, Sèhun hiaⁿ to̍h iô thâu, inūi i khòaⁿ tio̍h póbó ê chhù ê tōathiaⁿ, pái chi̍t tōatui chhah lēngkî ê ngó͘siōng, iáu ū sînpì ê hûchiù koânkoân kòa tī téngbīn, chi̍tsî mā sǹg bē chheng, khòaⁿ khí lâi chin kîkoài. Sèhun hiaⁿ sînpì chhiòchhiò’á kā góa kóng, "Ànchiàu góa ê koanchhat, nāsī chi̍tê katêng kiònghōng saⁿê ngó͘siōng ísiōng, chit ê ke ê mâhoân to̍h tōa loh!" Goânlâi, póbó ê angsài túhó sī hūkīn chi̍t keng biōsī ê úigoân, tùi hit keng biōsī kònghiàn chin chē simle̍k.

M̄koh, bo̍ksu kah Sèhun hiaⁿ iáu sī thè i chò kîtó, chísī kámkak bô hiahni̍h lo̍kkoan. M̄koh, góa iáu sī chûn ǹgbāng ê sim, inūi póbó pēng bô kīchoa̍t goán ūi i kîtó, to̍h sī i ê angsài mā iáu sī tiāmtiām chún goán ánne chò, in bô pâithek goán ê hóì, hō͘siōng píkàu Tâioân bînkan tùi Kitokkàu ê thāitō͘, che íkeng sī chin lântit!

Tī hitê ū chin chē ngó͘siōng ê tōathiaⁿ lāité, góa kā póbó kóng, "Góa ē kèsio̍k thè lí kîtó." Góa m̄sī sûipiān kóngkóng leh, tongsî, góa tng teh oa̍ttho̍k ūmiâ ê sînjiah ipēⁿ choanka Un Iokhān bo̍ksu ê chheh, chaiiáⁿ liânsòa kîtó tùi pēⁿchèng ê tōa uile̍k, ji̍tsiông mā ióng chiâⁿchò liânsòa kîtó ê si̍pkoàn. Ittàn góa hē koatsim beh ūi bó͘ lâng chò kîtó, góa to̍h bē hiahni̍h iông’ī thêngchí.

Góa līiōng ta̍k kang hônghun tiám pòaⁿ cheng ê sànpō͘ sîkan ūi póbó kîtó, chíiàu góa sànpō͘, góa to̍h bô thêng liânsòa kîtó. Tôngsî, tī pêngsiông ê ha̍khāu hākhò sîkhek, góa mā ē cháu khì in tau thè i chò kîtó. Tī kîtó ê sî, góa ē kā póbó ê miâ, pēⁿchèng tiônghok kóng chi̍t piàn, jiânāu kîbāng Iésu, Sènglêng kah i tôngchāi, kā i ê pēⁿchèng i hó.

Sūsi̍tsiōng, tú khaisí ê sî, góa khòaⁿ bē chhut SiōngChú kàiji̍p chitê ipēⁿ. Inūi póbó mā kakī khì pēⁿīⁿ chò tīliâu, jîchhiáⁿ íkeng phah chio̍hko, tio̍hsǹg góa bô kîtó, khòaⁿ khí lâi pēⁿ mā sī bānbān tit tio̍h i hó.

M̄koh, kîtó kúi kang liáuāu, ū chi̍t pái tī ha̍khāu siōng oân khò, teh beh tiongtàu à, ū kóa thiám, góa tùi kàusek tńglâi tōsu hiohkhùn sek. To̍h tī chi̍t châng chhiū kha thêngchí khapō͘, inūi ū chi̍tê īsiōng chhuthiān tī góa ê bīnchêng.

He sī chi̍tê lūisū chi̍t phiàn hûnbū tùi soaⁿ kan phiau chhut lâi ê pe̍hsek hûnian, hiônghiông ûnûn'á chìnji̍p góa ê gánlāi. Hit phiàn hûnian itti̍t hiòng chêng poaⁿsóa, bô gōa kú góa to̍h khòaⁿ tio̍h póbó ê chhù kah hit tiâu hāng'á, hit phiàn hûnian kèngjiân tùi póbó ê chhù poe ji̍p khì. Teh chìnji̍p póbó ê chhù chìnchêng, hûnian hō͘ góa kámsiū tio̍h chi̍tê hō͘ góa m̄ káⁿ sióngsiōng ê kámsiū, SiōngChú hiánsī I bôpí chhim lònglòng ê pichiān. Góa khòaⁿ tio̍h hit phiàn hûnian, kámkak I to̍h sī bānmi̍h siōng téchân ê mi̍hkiāⁿ, mā sī siōng chhim tētài ê mi̍hkiāⁿ, koh khah ánchóaⁿ to bô pí I koh khah sī tépôaⁿ ê mi̍hkiāⁿ à. I m̄sī bānmi̍h, khioksī só͘ū bānmi̍h siōng téchân ê chihchài mi̍h. Ōaⁿ kù ōe lâi kóng, nāsī tio̍h kóng pichiān, bô jīmhô mi̍hkiāⁿ pí I khah pichiān, nāsī tio̍h kóng útiū bānmi̍h pâilia̍t ū chi̍tê chhimtō͘, bô jīmhô mi̍hkiāⁿ pí I só͘ khiā ê tēūi koh khah chhim. Bānmi̍h nāsī bô I ê hûchhî, bānmi̍h to̍h ē pangpāi. I kahná tùi góa piáusī, inūi góa ê kîtó, chúnkóng chitê hūjîn m̄sī Kitoktô, koh kiònghōng chin chē ngó͘siōng, I mā goān’ì i i ê pēⁿchèng, inūi I púnlâi to̍h hoâiphō i. I chi̍tsut'á to bô hôekò͘, ti̍tchiap chìnji̍p póbó ê chhù ni̍h khì à.

Góa kiaⁿ chi̍t tiô, chhaputto m̄ káⁿ siongsìn góa só͘ khòaⁿ tio̍h ê. M̄sī inūi Sènglêng beh i póbó hō͘ góa kiaⁿgî, sī i ê ke̍ktoan khiampi ê púnchit kā góa heⁿh tio̍hkiaⁿ. Góa hoatkiàn tōapān ê SiōngChú, kèngjiân khiampi kahná chhinchhiūⁿ chi̍tê siōng ēchàn ê hō͘sū, lóng bô īgī to khì i chitê bô sìn I ê hūlí, koh m̄sī chekpī, mā bô oàngiân; góa to̍h kóng, "Chú ah, chhiūⁿ Lí chit chióng, góa éngoán lóng chò bē kàu!"

Īsiōng siausit liáuāu, góa sûisî cháu khì chhia pêⁿ, khiâ otobái khì póbó ê chhù. Góa kóaⁿkín thè i chò chi̍tê kámsiā ê kîtó, góa kā póbó kóng, "Góa tī kîtó tiong hoatkiàn SiōngChú beh kā lí itī, bô gōa kú liáuāu, lí ê pēⁿ to̍h ittēng ē tit tio̍h i hó!"

Kójiân, bô chin tn̂g ê chi̍t tōaⁿ ji̍tchí liáuāu, póbó to̍h thiah tiāu chio̍hko, kut tn̄g khì tit tio̍h i hó. Liáuāu, ū kúinā pái, góa kèsio̍k ūi i kîtó ê sî, lóng khǹg póbó kah i ê chhù ni̍h ê lâng engkai kái sìn Kitokkàu. M̄koh chhùlāi lâng chísī chhiòchhiò’á, pēng bô beh sìn SiōngChú ê ìsù.

Āu lâi, góa bô koh ūi póbó kîtó, Sūsi̍tsiōng mā bô suiàu góa kîtó à. M̄koh kúi kògoe̍h liáuāu, póbó koh chi̍t pái poa̍htó, chit pái ê kut tn̄g khì sī tī tōathúi kut.

Chit pái, góa to̍h bô ū êng kah khùila̍t ūi i kîtó à. Chitê sînjiah teh soatbêng siáⁿmi̍h? To̍h sī teh kā lán kóng, SiōngChú mā goān’ì ūi hui Kitoktô ipēⁿ, chíiàu kîtó, tio̍hsǹg m̄ sìn I ê lâng, mā ē niásiū I ê intián, I hûchhî só͘ū ê lâng, hūtam só͘ū ê lâng. M̄koh, sèkan lâng chóng sī bô bêngliâu SiōngChú ê siānì, oa̍tthâu to̍h koh khah ánchóaⁿ to bē jīntit SiōngChú à!

Āu lâi, góa itti̍t ēkìtit chitê īsiōng kah sînjiah, m̄ káⁿ ka siókhóa bēkìtit, m̄sī ûihām póbó bô hoattō͘ sìn SiōngChú, inūi che sī choân khò SiōngChú ê koattēng; khiok sī kámkak SiōngChú ê khiampi hō͘ góa bô hoattō͘ sióngsiōng. Itti̍t kàu kin'áji̍t, góa lóng iáu m̄chai SiōngChú ū gōa khiampi, to̍h chhinchhiūⁿ Martin Luthur kóng ê, "Sènglêng ná chhinchhiūⁿ chi̍tê chhimian." Ìsù sī kóng lán éngoán ohtit chhekliông I ê tn̂gkhoah kochhim lah!

──2010, 07, 19 tah tī "Kitokkàu Thongsìn"