《阿鳳姨e5五度e5空間》

 | | | 轉寄

Sioōaⁿ Kiáⁿ...相換Kiáⁿ

作者 Ahongî...漢羅翻寫Aheng 2006.05.21

listen
Chi̍t ê sèhàn gín'á cháuliáu phàngkiànkhì,
一個細漢gín'á走了phàngkiàn去，
Hō͘ lông khiohkhì chhī,
Hō͘狼拾去飼，
Kah lông tòachòhóe.
Kah狼tòa作伙。
Gín'á in lāubú sìkè chhōe,
Gín'á in老母四界chhōe，
Chhōekàu lông ê siū,
Chhōe到狼ê siū，
Kā lông khó͘khó͘ aikiû,
Kā狼苦苦哀求，
Kóng: “Góa ê kiáⁿ, ko͘ chit ê.
講:「我ê kiáⁿ，孤這個。
“Chhiáⁿ lí hêng góa, thang kah góa chòphōaⁿ.”
「請你還我，thang kap我做伴。」
Lông kóng: “Góa ê kiáⁿ, kúiā ê.
狼講:「我ê kiáⁿ，幾ā個。
“Iahbô, nn̄g ê kah lí sioōaⁿ.”
「Iah無，兩個kap你相換。」