《阿鳳姨e5五度e5空間》

 | | | 轉寄

Thiⁿ o͘o͘...天烏烏

作者 Ahongî...漢羅翻寫Aheng 2006.07.09

listen
Thiⁿ o͘o͘, boeh lo̍hhō͘.
天烏烏，boeh落雨。
Akong gia̍h tîthâu, ku̍tbô soanliukó͘,
阿公gia̍h鋤頭，掘無soanliukó͘，
Ku̍t tio̍h chi̍t lia̍p tōalia̍p ō͘,
掘tio̍h一粒大粒芋，
Mo͘htńglâi hō͘ Amá chò ō͘nî.
Mo͘htńg來hō͘阿媽做芋泥。
Amá kóng: “Ō͘nî siuⁿkòe tiⁿ,
阿媽講: 「芋泥siuⁿ過甜，
“Chia̍hchē, kiaⁿíⁿ chiù chhùikhí.
食chē，驚íⁿ蛀嘴齒。
“Ō͘nî siuⁿkòe iû,
芋泥siuⁿ過油，
Ta̍kke tio̍hài khiūⁿ.”
Ta̍k家tio̍hài khiūⁿ。」
Thiⁿ o͘o͘, teh lo̍hhō͘.
天烏烏，teh落雨。
Akong gia̍h tîthâu, tòtńgkhì chèng ō͘.
阿公gia̍h鋤頭，tòtńg去種芋。