《阿鳳姨e5五度e5空間》

 | | | 轉寄

Tōachhêngchhiū...大榕樹

作者 Ahongî...漢羅翻寫Aheng 2006.07.16

listen
Lō͘thâu chi̍t châng tōachhêngchhiū,
路頭一欉大榕樹，
Chhiú chhuntn̂gtn̂g, kâng ìmńg.
手chhun長長，kâng蔭影。
Chhêng'áchhiu, thènghó hàiⁿ chhianchhiu.
榕á鬚，thèng好hàiⁿ chhianchhiu。
Chhêng'áhio̍h, áulâi pûnkà pupukiò.
榕á葉，拗來pûnkah pupu叫。
Chhêng'áténg, gín'á teh tûi chhêng'áleng.
榕á頂，gín'á teh槌榕áleng。
Chhêng'ákha, hoàn'á teh bē peng.
榕á腳，販á teh賣冰。
Ūchi̍t ji̍t, tōachhêngchhiū hō͘ lâng chhòkà chhengchhengchheng.
有一日，大榕樹hō͘人剉kah清清清。
Lō͘thâu pìⁿ chhàichhī; tiàm'á teh bē peng.
路頭變菜市；店á teh賣冰。
Gín'á bôliâu, bôtè khì,
Gín'á無聊，無tè去，
Kui ji̍t khòaⁿ tiānsī.
Kui日看電視。