《阿鳳姨e5五度e5空間》

 | | | 轉寄

Ăm̀一下

作者 Ahongî...漢羅翻寫Aheng 2006.08.27

Aka in akong phòapēⁿ, ài lâng chhī.
Aka in阿公破病，ài人chhī。
Aka chìgoān chhī in akong, koh chhī in titĭ(=ti).
Aka志願chhī in阿公，koh chhī in弟弟。
I khat in akong ê moâi, khat chi̍t thngsî,
伊khat in阿公ê moâi，khat一湯匙，
Kóng: “Akong. Lâi. Ăm! Chhùi pehkhui.”
講:「阿公。來。Ăm！嘴peh開。」
In akong, thâukhak hàiⁿhàiⁿ.le, chhùi mimi.
In阿公，頭殼hàiⁿhàiⁿleh，嘴mimi。
Aka ōaⁿ khat in titĭ ê moâi, khat chi̍t thngsî,
Aka換khat in弟弟ê moâi，khat一湯匙，
Kóng: “Titĭ. Lâi, Ăm! Chhùi pehkhui.”
講: 「弟弟。來，Ăm！嘴peh開。」
In titĭ ă.m̀.chi̍t.ē, chia̍hlo̍hkhì.
In弟弟ăm̀一下，食落去。
Aka koh khat in titĭ ê moâi, khat chi̍t thngsî,
Aka koh khat in弟弟ê moâi，khat一湯匙，
In akong ă.m̀.chi̍t.ē, ka chia̍hkhì.
In阿公ăm̀一下，ka食去。