《阿鳳姨e5五度e5空間》

 | | | 轉寄

紅毛塗pang

作者 Ahongî...漢羅翻寫Aheng 2006.10.01

Jînhêngtō pho͘ ângmô͘thô͘pang.
人行道鋪紅毛塗pang。
Ta̍k tè koaikoai tópêⁿpêⁿ, chin hó kiâⁿ.
Ta̍k塊乖乖倒平平，真好行。
Kanna chi̍t tè ngia̍uhngia̍uhtāng,
Kanna一塊ngia̍uhngia̍uh動，
Hóthiⁿ ta̍h tio̍h khi̍hkho̍kkhiàu,
好天踏tio̍h khi̍hkho̍kkhiàu，
Lo̍hhō͘thiⁿ ta̍h tio̍h chúi koh ē chōaⁿ lâng.
落雨天踏tio̍h水koh會chōaⁿ人。
Tōalânggín'á tùi i lóng chin giám.
大人gín'á對伊lóng真giám。
Tōalâng khòaⁿ tio̍h i, tiō kín siám.
大人看tio̍h伊，tio̍h緊閃。
Gín'á khòaⁿtioh i, tiō ka chàm,
Gín'á看tioh伊，tio̍h ka chàm，
Chàmkà chhùiiâmiâm,
Chàmkah碎iâmiâm，
Bē koh tòa hia ngia̍uhngia̍uhtāng.
Bē koh tòa hia ngia̍uhngia̍uh動。