《阿鳳姨e5五度e5空間》

 | | | 轉寄

壓力鍋

作者 Ahongî...漢羅翻寫Aheng 2006.10.08

Aple̍kko chin kipsèng,
壓力鍋真急性，
Tāichì lóng boeh kóaⁿkín chòhō͘sêng,
代誌lóng boeh趕緊做hō͘成，
Hipoe kah bānko lóng ka khǹg,
Hipoe kap慢鍋lóng kā勸，
Khǹg kóng: “Kín ā chi̍t tiáⁿ, bān ā chi̍t tiáⁿ.
勸講:「緊ā一tiáⁿ，慢ā一tiáⁿ。
“Ná tio̍h hiahnī kóaⁿ?”
「Ná tio̍h hiahnī趕？」
“M̄ thang chia̍hkín lòngphòa óaⁿ.”
「M̄ thang食緊lòng破碗。」
Khaⁿ'áoe'á lóng kóng: “Ūiáⁿ. Ūiáⁿ.”
Khaⁿ'áoe'á lóng講:「有影。有影。」
Chóngsī aplēkko lóng m̄ thiaⁿ.
總是壓力鍋lóng m̄聽。
Kàu bóea, aple̍kko po̍kchàkhì.
到尾a，壓力鍋爆炸去。
Hipoe kóng: “Ūiáⁿ chia̍hkín lòngphòa tiáⁿ.”
Hipoe講:「有影食緊lòng破tiáⁿ。」