《阿鳳姨e5五度e5空間》

 | | | 轉寄

Báibái雞ákiáⁿ

作者 Ahongî...漢羅翻寫Aheng 2006.10.29

Ū chi̍t chúi ke'ákiáⁿ tăⁿ chhutsì,
有一水雞ákiáⁿ tăⁿ出世，
Lāibīn chi̍t chiah báikâukâu.
內面一隻báikâukâu。
Kutkeh koh chho͘, chhùipe koh píⁿ.
骨格koh粗，嘴pe koh扁。
Háu tio̍h: “ Bĭ. Bĭ. Bĭ.”
哮tio̍h:「Bĭ。Bĭ。Bĭ。」
Pa̍t chiah ke'á tiāⁿtiāⁿ ài tèng i.
別隻雞á定定ài tèng伊。
Ū chi̍t pái, i hông jiok kàu hîtî'ápiⁿ,
有一擺，伊hông jiok到魚池á邊，
Chū'ánne tiō ka thiàulo̍hkhì.
Chū'ánne tio̍h ka跳落去。
Bô siūⁿ kóng ē hiáu siû, koh ē chhàngchúibī.
無想講會曉siû，koh會chhàng水bī。
Ke'á khòaⁿkà chhùi khuikhui,
雞á看kah嘴開開，
Ba̍kchiu tōatōalúi.
目chiu大大lúi。