《CTT出頭天園地》

 | | | 轉寄

思念所消失ê台灣農村生活 2

作者 Tiuⁿ Bílī 張美利 2006.01.08

　　Chhânchng ê Sengoa̍h
　　田　　庄　的　生　活



Thiⁿsek chiâu kng lóng khíchhn̂g,
天　色　齊　光　攏　起　床,

Séchhùi sébīn lâi chia̍hpn̄g.
洗　嘴　洗　面　來　吃　飯.


Chhàipó͘ kiâmhî phòepn̄g phang,
菜　脯　鹹　魚　配　飯　香,

Tāike chia̍hkàu khangkhangkhang.　　
大　家　吃　到　空　　空　空.


Itka chichú chekjīm tang,
一　家　之　主　責　任　重,

Lêchhân chèngchoh bô khinsang.
犁　田　種　做　無　輕　鬆.

Kaichài gûbó tàusaⁿkāng,
該 哉 牛 母 鬥 相 共,

Ǹgbāng siusêng hónîtang.
盼 望 收 成 好 年 冬.


Kokbîn sióha̍k ū kàu hn̄g,
國　民　小　學　有　夠　遠,

Gín'á cháchá chiū chhutmn̂g.
囝　仔　早　早　就　出　門.


Chi̍tbīn kiâⁿlō͘ chi̍tbīn sńg,
一　面　走　路　一　面　耍,

Thiaⁿ tio̍h khóchhì khachhiú nńg.
聽　著　考　試　腳　手　軟.


Akong amá khì chhàihn̂g,
阿　公　阿　媽　去　菜　園,

Hoe phang chhài súi kengchio n̂g.
花　香　菜　美　芎　蕉　黃.


Amá bánhoe chhah thâumn̂g,
阿　媽　挽　花　插　頭　毛,

Akong khauchháu chhùichhiu tn̂g.
阿　公　拔　草　嘴　鬚　長.