《CTT出頭天園地》

 | | | 轉寄

Isap 寓言 27

作者 TLH 2007.08.19

27. Niau'á Sinniû

Ūchi̍tkang, thiⁿsîn teh siochèⁿ, kóng tōngbu̍t ê púnsèng kiám ū khólêng ē káipiàn. Jupiter kóng, “Ē!” M̄ kú, Venus kóng, “Bē!”

Só͘í, in koattēng beh chhìgiāmchi̍tē. Jupiter kā chi̍tchiah Niau'á piànchò chi̍tê chabó͘gín'á, anpâi i khì kap chi̍tê siàuliânke kiathun.

Kiathunsek chin sēngtāi, taike lóng chin hoaⁿhí, sinniû ê piáuhiān mā hō͘ tāike chiok oló. Tāike chòtīn chia̍h chheⁿchhau ê sî, Jupiter kā Venus kóng, “Lí khòaⁿ, sinniû piáuhiān liáu chiâⁿ hó. Siáⁿlâng ē chai i châhng iáusī chi̍tchiah Niau'á? Iê púnsèng tiāⁿ tio̍h íkeng kái lah! Kiám m̄ sī leh?”

“Tánchi̍tē,” Venus ìn chi̍tsiaⁿ, chiū piàn chi̍tchiah niáuchhíchhutlai, pàng ji̍pkhì chhùlāi. Sinniû chi̍tkhòaⁿ tio̍h niáuchhí, chiū tùi í'áténg thiàukhílâi, chôngtùi niáuchhí khì.

“Ah, lí khòaⁿ,” Venus kóng, “Góa kóng liáu bô m̄ tio̍h, tōngbu̍t ê púnsèng bô khólêng ē káipiàn!”