《CTT出頭天園地》

 | | | 轉寄

Isap 寓言 42

作者 TLH 2007.12.02

42. Seⁿ Kimnn̄g ê Gôbó

Chi̍tê chngkha lâng tī i ê gôsiū khioh tio̍h chi̍tlia̍p n̂gn̂g kimkim ê gônn̄g, the̍h tio̍h chhiūⁿ iân hiahni̍h tāng. I kiaⁿ chi̍ttiô, simlāi siūⁿkóng, ittēng sī ū lâng teh kap i kún sńgchhiò, kóaⁿkín kā tàntiāu.

Kòe chi̍tē'á, i koattēng beh seng kā khioh tńgkhì khòaⁿ māi leh. Āulâi, i hoathiān hitlia̍p gônn̄g kèngjiân sī sûn n̂gkimê, huihiông hoaⁿhí.

Chū hitkang khaisí, ta̍k chákhí gôbó lóng ē seⁿ chi̍tlia̍p kimnn̄g. I chinkín chiū piànsêng chi̍tê hógia̍h lâng. I júlâi jú hógia̍h, khiok júlâi jú thamsim. I chin hò͘ⁿkî, siūⁿ beh chaiiáⁿ gôbó ê paktō͘ lāi tàuté ū jōachē kimnn̄g, sī ánchóaⁿ bô beh chò chi̍tkhùn kā kimnn̄g lóng seⁿchhutlâi? Chiū kā gôbó thâisí, beh khóaⁿ chi̍tē'á kiùkèng. Siūⁿ bē kàu, gôbó paktó͘ lāi liân chi̍tlia̍p nn̄g mā bô!