巴克禮普世版（試讀本） 使徒行傳第十三章
聖 神指 派巴拿巴kah掃羅
1 Tī安提阿ê教 會有幾nā個先知kah教師，就是巴拿巴，kah叫 做Nîkiate5西 面，古利奈 人Lō͘kiû，kah分 封ê君 王希律做伙大 漢ê Máliām，以及掃羅。2 In teh敬 拜主禁 食ê時，聖 神講：「Tio̍h為我差 派巴拿巴kah掃羅，去 做我呼 召in去 做ê工 作。3 In禁 食祈禱了 後，kā巴拿巴kah掃羅hōaⁿ手，差 派in出 去。
Tī居比路
4巴拿巴kah掃羅受 聖 神差 派，就落去Seliûki，tùi hia坐 船去居比路。5 In到Satlia̍pbí，就tī猶 太 人chiahê會 堂傳上 主ê道理，叫 做馬 可ê約 翰mā去kā in幫 忙。6 In行遍全島來到Phàⁿhut，tī hia tú tio̍h一個行 邪術ê人，是猶 太 人ê假先知，名 叫巴耶穌。7伊kah總 督Sūkiû Pólô有交 陪，總 督是聰 明ê人，伊請巴拿巴kah掃羅來，àibeh對in聽上 主ê道理。8 M̄ koh hitê行 邪術ê Ílūmá(希臘話ê意思就是「行 邪術ê人」)，反 對in兩 人，àibeh阻 擋總 督接 受chitê信 仰。9 Chit時掃羅(mā叫 做保羅) hō͘聖 神充 滿，睨hitê Ílūmá，講：10「你chitê魔 鬼ákiáⁿ，你是一 切公 義ê對敵，充 滿ta̍k種ê詭 譎kah邪惡，ná會àibeh扭曲主ê真理？11 Taⁿ你 看，主beh kā你刑 罰，你會chheⁿmê，暫 時bē看 見日光。」伊ê目 睭隨時hō͘烏霧罩teh，lóng看 無，四界求人kā伊牽。12總 督看tio̍h所 發 生ê tāichì就 信，對主ê教示感 覺真 奇 怪。
Tī彼西底ê安提阿
13保羅kah同 伴tùi Phàⁿhut開 船，到Pônghuilīa ê Pia̍tka。叫 做馬 可ê約 翰離開in，tńg去耶路撒 冷。14 In tùi Pia̍tka繼 續行，來到彼西底ê安提阿。Tī安息 日，in入去會 堂，坐 落來。15讀摩西ê律 法kah先知ê冊讀了 後，會 堂ê主 管差 人來kā in講：「兄弟 姊 妹ah，lín若有勸 勉大家ê話，請講。」16保羅khiā起來，比手 勢，講：「各位以色列 人kah敬 畏上 主ê眾 人，請聽。17 Chitê以色列 人民ê上 主揀 選咱ê祖 先，tī in寄居埃及ê時，hō͘ in成 做大ê民 族，koh用大 權 能ê手chhōa in出 埃及。18 Koh tī曠 野寬 容in四 十年久。19上 主毀 滅迦南地區七個民 族了 後，就 將hitê土地分hō͘ in做產 業，差 不多有四百五 十年久。20 「Chiahê tāichì了 後，上 主為in設立士師，一直到撒母耳做 先知ê時。21後來以色列 人民要求ài有一個王，上 主就 對便 雅 憫支 族選出Kisū ê kiáⁿ掃羅，hō͘伊做 王四 十年久。22後來上 主廢掉掃羅ê王位，就 設立大衛做in ê王。關 係大衛，上 主有ánne講：『我chhōe tio̍h耶西ê kiáⁿ大衛，伊是合我ê心意，ta̍k項tāichì lóng遵 照我ê旨意。』(註：Tg撒上13：14) 23上 主照祂所應允，tùi大衛ê kiáⁿ孫，kā以色列 人設立一個救 主，就是耶穌。24耶穌來臨以 前，約 翰tāi先對以色列 人傳 道，叫in tio̍h悔 改來領受洗禮。25約 翰tehbeh完 成伊ê工 作ê時，對 眾 人講：『Lín想 講我是啥 人？我m̄是基督，m̄ koh有一位tòe tī我後面beh來.ê，我連kā祂tháu鞋帶都bē堪 得。』26「各位兄弟ah，亞伯 拉罕ê kiáⁿ孫kah lín中 間敬 畏上 主ê人，chitê拯 救ê信息已經有 傳hō͘i咱à。27因為tòa tī耶路撒 冷ê人kah in ê官 長m̄ bat祂，mā m̄ bat ta̍kê安息 日所讀先知ê話，chiah kā祂定 罪，這tú應 驗先知ê預言。28雖 然in查無kā祂定 死 罪ê理由，iáukoh要求彼拉多kā祂處 死 刑。29聖 經所記載關 係耶穌ê話完 全應 驗，in就tùi十字架 頂kā祂收 落來，hē tī墓 內。30 M̄ koh上 主hō͘祂tùi死 人 中koh活。31 Tī幾nā日中 間，koh活ê耶穌顯 現hō͘ hiahê tùi加利利省kah祂上 耶路撒 冷ê人看 見。Taⁿ chiahê人有對民 眾做耶穌ê見 證 人。32阮 將上 主應允咱祖 先ê福 音傳hō͘ lin，33 因為上 主有hō͘耶穌koh活，chitê已經有對咱chiahê做kiáⁿ孫ê應 驗，tú親 像詩 篇第二篇所記載：祢就是我ê Kiáⁿ，我今á日生祢。』(註：詩2：7) 34關 係hō͘耶穌tùi死 人 中koh活，無koh朽 瀾ê tāichì，上 主有ánne講：『我beh用大衛聖koh實 在ê恩 典賜hō͘ lín。』(註：賽55：3) 35 Tī詩 篇別篇mā有ánne講：『你無beh hō͘祢ê聖 者朽 瀾。』(註：詩16：10) 36大衛在 生ê時，有遵 行上 主ê旨意。伊死了 後，埋 葬tī祖 先ê邊á，mā朽 瀾去。37 M̄ koh上 主所hō͘祂koh活ê Hit位無朽 瀾。38所以各位兄弟ah，ánne lín應 該知，赦 罪ê道理是tùi Chit位耶穌傳hō͘ lín。39 Lín靠摩西ê律 法，bē tàng hō͘ lín得tio̍h赦 罪，m̄ koh所有信 靠耶穌ê人lóng會得tio̍h赦 罪。40所以lín tio̍h謹慎，chiah免 得先知所預言ê臨 到lín。41先知ê話講：『藐視上 主ê人ah，lín tio̍h看，tio̍h驚，來 滅 亡，因為當lín ê世代，我所做ê tāichì，雖 然有人kā lín說 明，lín mā m̄信。」(註：哈1：5) 42保羅kah巴拿巴tùi會 堂出 去ê時，眾 人請in tī koh來ê安息 日來 講chiahê道理hō͘ in聽。43散 會了 後，猶 太 人kah改 宗入猶 太 教敬 虔ê人，真chē tòe保羅kah巴拿巴出 去。Chit兩個使徒kah in講 話，勸 勉in tio̍h靠上 主ê恩 典來 生 活。44 Koh落去ê安息 日，全 城ê人lóng聚 集來 聽上 主ê道理。45 M̄ koh猶 太 人看tio̍h人hiahchē，就滿 心怨妒，反 駁保羅所 講ê道理，koh kā伊譭 謗。46保羅kah巴拿巴不 管，顛倒kohkhah好膽講：「上 主ê道理先傳hō͘ lín，lín竟 然拒 絕，想 講lín家己bē堪 得得tio̍h永 遠ê活 命，所以阮chiah轉ǹg外 邦 人。47因為主bat ánne命 令阮，講：『我 已經設立你做外 邦ê光，Hō͘你將我ê拯 救帶去 到天邊 海 角。』」(註：賽49：6) 48外 邦 人聽tio̍h chiahê話lóng真 歡 喜，oló上 主ê道理。所有受 上 主揀 選thang得tio̍h永 遠 活 命ê人，lóng成 做信徒。49就ánne，主ê道理傳去 到hit地方ê ta̍k所 在。50 M̄ koh猶 太 人煽 動敬 虔尊 貴ê婦人 人kah城內ê頭 人，來迫 害保羅kah巴拿巴，將in趕 出hit所 在。51 In兩 人tī群 眾ê面 前pōaⁿ腳底ê土 粉來表示憤 慨，就 去以哥 念。52門徒滿 心歡 喜，koh hō͘聖 神充 滿。
|
|
|
轉寄