巴克禮普世版(試讀本) 羅馬書第四章
用亞伯 拉罕做 模 範
1 Ánne kah咱有血 統關 係ê祖 先亞伯 拉罕,伊有得tio̍h甚 麼?咱beh án怎講?2亞伯 拉罕若tùi行 為來hō͘上 主看 做義 人,伊就有理由thang誇 口。Mkoh tī上 主面 前,伊無什麼thang誇 口。3因為聖 經有ánne講:「亞伯 拉罕信上 主,所以上 主就kā伊看 做義 人。」(註:創15:6) 4工 人得tio̍h工 錢無算 做是恩 典,he是伊應 該得.ê。5 M̄ koh無靠行 為,kantaⁿ信Hit位會kā罪 人宣 判無 罪ê上 主,因為有chitê信,上 主就kā伊叫 做義 人。6大衛mā有講 起,一個無做 甚 麼就hō͘上 主看 做義 人,hitê人有福 氣。伊ánne講:7 「過 失得tio̍h赦 免,罪 過得tio̍h消 除ê人,實 在有福 氣!8主無kā伊定 罪ê人實 在有福 氣!」(詩32:12) 9 Taⁿ,chitê福 氣是只有beh hō͘有受割禮ê人是無?Á是mā beh hō͘無受割禮ê人?咱有講:「亞伯 拉罕因為有信上 主,上 主就kā伊看 做義 人。」10亞伯 拉罕是甚 麼時chūn hō͘上 主看 做義 人?是受割禮以 前á是以後?是受割禮以 前,m̄是以後。11後來伊有受割禮,chitê割禮是一 種記號,證 實伊Iáu未受割禮以 前to̍h因為有信上 主,hō͘上 主kā伊認 定做義 人。所以,對hiahê無受割禮,因為有信soah hō͘上 主認 定做義 人ê人來 講:亞伯 拉罕成做hiahê無受割禮ê信徒ê祖 先。12伊mā是受割禮ê人ê祖 先,in m̄ nā有受割禮,mā有 遵 照咱ê祖 先亞伯 拉罕Iáu未受割禮以 前to̍h有ê信 心,做 模 範teh生 活。
領受 上 主ê應允
13上 主應允亞伯 拉罕,beh hō͘伊kah伊ê kiáⁿ孫承 接chitê世界。Chitê應允,m̄是通 過律 法,是通 過信來得tio̍h上 主稱伊做義 人。14若遵 行律 法ê人chiah ē tàng承 接上 主ê應允,hit款ê信 仰是有ná無,hitê應允mā無路用。15律 法會引起上 主ê受氣,若無律 法就 無違 犯律 法ê tāichì。16所以應允是用信做根據。這是beh保 證應允是出tī上 主白 白ê恩 典,beh hō͘亞伯 拉罕所有ê kiáⁿ孫,m̄ nā是有受 割禮ê,mā beh hō͘ hiahê kah亞伯 拉罕仝 款有信 靠上 主ê人,伊是咱眾 人ê祖 先。17照聖 經所記載:「我設立你做萬 民ê祖 先。(註:創17:5)亞伯 拉罕相 信會hō͘死人koh活,會tùi無創 造有ê上 主,koh tùi祂領受應允。18伊tī無ǹg望ê時,iáukoh抱tio̍h ǹg望,相 信伊會成 做萬 民ê祖 先,照所應允ê話講:「你會有真chē kiáⁿ孫。」(註:創15:5) 19 Hit時伊已經chiâⁿ百歲,伊知 影家己ê身 軀衰 弱kah tehbeh死去,撒拉mā已經bē生kiáⁿ,m̄ koh亞伯 拉罕無因為ánne失去信 心。20伊對上 主ê應允無僥疑,信 心反tńg ná堅 定,將榮 光歸hō͘上 主21伊確 信上 主一定會實現祂家己ê應允。22因為有chit款ê信 心,上 主chiah kā伊看 做義 人。23 M̄ koh「Kā伊看 做義 人」(註:創15:6) chit句話,m̄是kantaⁿ為tio̍h亞伯 拉罕來寫。24 Mā是為tio̍h咱chiahê人寫ê,因為咱有相 信上 主hō͘咱ê主耶穌tùi死 人 中koh活,mā mā會hō͘上 主看 做義 人。25為tio̍h咱ê罪 過,上 主將耶穌交hō͘人害死,koh為tio̍h beh hō͘咱kah上 主有和合ê關 係,上 主有hō͘耶穌koh活。